ضروري اللي تعرف احسن مطعم رومنسي بالرياض تدخل

هلا والله بالفراشات
السنعات
الي مشغولين باكلات رمضان والتفريز
عاد انا موضوعي خاش عرض مو وقته كلش
بس تخبرون
انتم وخياتي وحبيباتي
وحابه اخذ رايكم
الموضوع ياطويلات الاعمار
انا ودي اعزم زوجي على عشاء حلو وفي مطعم رومنسي
ماينساه طول عمره
ابغى هالعزيمه تعشش بنخه
والمناسبه انا بالثامن وولادتي برمضان وحابه اروح ارتاح عند اهلي
لين اولد
عاد ودي اسوي له عزيمه<وداعيه>ههه
وبمناسبه نقله لانه كان خارج الرياض
والحمدلله نقل عندي بالرياض
فابغى رايكم ياحبوبات
من اللي تعرف مطعم حلو ورومنسي وكيف اروح له يعني لازم اكلمهم واحجز طاوله باسمنا والا؟
واذا طلبت منهم اي شي يقدرو يوفرونه لي
واللي بعد تقدر تزودني بمعلومات من خلال خبراتها كيف اكمل السهره في البيت
اكون شاكره لها
وتسلمون وترى ما ارضى لاي وحده تتدخل ولا ترد علي
تدرون وش بسوي فيها
بدعي عليها يخرب طبخها برمضان
والا دعوة احلا
بدعي ان شغالتها تنحاش قبل رمضان
ههه ههه
يالله فرفوشاتي انتظركم