ضروري مين عنده غساله للصحون تدخل

انا عندي غسالة ال جي ومرتاحه عليها حدي
وخصوصا مع الحمل والتعب اهي امريحتني على الآخر
وهذا شرح من احد المنتديات لكنها مو نفس موديل غسالتي والإختلاف بس في الأزرار ومو كثير
بس راح يفيدك ان شاء الله
طبعا انا ماجت عندي الا بهالشكل لاني لو دخلتها زيادة ماعاد اقدر افتح بابها..فخليتها بشكل زاوية..
لازم تكون قريبة من حوض الغسيل علشان تمديدات الماء..
تحتاج تمديدين واحد لادخال الماء وواحد تصريف للماء..الشغلة سهلة بس تحتاج سباك لها..
الازار حقتها كلها بالعربي والكتالوج بعد..
وهذا شكل المنيو حقها..
تختارين درجة الغسيل اللي تحتاجين..فيه جرس يرن اذا خلصت الغسيل..فيها رز تأمين ضد عبث الاطفال بالازرار..
تقدرين تختارين نص الحمل اذا ماكانت مليانة مواعين..وطبعا يخيرك ايهم تبغين تغسلين الرف العلوي او السفلي..
فيها خيار تاجيل الوقت..يعني تحددين له متى تبدأ تغسل بعد ساعتين او ثلاث..حسب اختيارك..
كثافة الرش انتي تتحكمين فيها اما كثيف او عادي او خفيف..
انا غالبا اختار نظام الغسيل او تو ماتيكي وهالخيار يشتغل من نفسه بدون ما تحددين اي خيارات اخرى..واحيانا اختار غسيل ناعم ..واضغط عقبه توفير الوقت"يقلل الوقت شوي"..
الزر اللي مكتوب عليه طاقة..اهو اللي يشغل الغسالة..واللي مكتوب عليه تشغيل وتوقف اهو اللي يشغلها وممكن توقفينها باي وقت وتفتحينها..
فيه رز مكتوب عليه توفير الوقت اذا ضغطتي عليه يقل الوقت اللي تستغرقه الغسالة في الغسيل..
وهذا شكل الرف العلوي وهو فيه مواعين..
فيه مكان للاكواب وللصحون الصغيرة"مثل صحون القهوة التركية"وبعد ما تصفين طبقة من الاكواب تنزلين عليها رف وتصفين طبقة ثانية فوقها..بهالشكل..
وحتى من الجهة الثانية نفس الشئ..
وهذا الرف العلوي بشكل عام..شايفين وش كثر تستوعب مواعين"غالبا اشغلها مرة واحدة باليوم بس..
وهذا شكل الرف السفلي..
وهذا شبك الملاعق والسكاكين ويطلع بروحه ممكن تصفين الملاعق فيه وترجعين تطلعينه وقت ما تبين تصفينهم بالدرج..

الصراحة تغسل كل شئ من الزجاج للميلامين للتيفال للقدور حتى المعدن..يعني القدر احطه فيها ما تغير ولا شئ..
بس اعرفي كيف تحطينه لأن الطريقة يمكن تأثير عليها ويتغير لونه بس مع الغسيل مرة ثانية يتعدل اللون
وحتى البلاستيك الرقيق مثل اللي بالصورة..وحتى اللي فيه لمعه مثل فناجين القهوة التركي..حطيتها وما لاحظت تغير او بهتان..
مكان الملح فيكون في اسفل الغسالة تحت الرفوف..
وهذا مكانه..
ويجي معها محقان بلاستيك.. لوضع الملح..
هذا المكان اللي ينحط فيه الصابون ومساعد الشطف"الملمع" ويكون في باب الغسالة طبعا..الصابون تقريبا تحتاج ملقعة كبيرة..
اللي مربع ومفتوح مكان الصابون وفيه منه بودرة وشئ سايل..وهذا لازم تعبينه في كل غسلة..
واللي مدور مكان ملمع الشطف تفتحينه وتحطينة فيه..وما يخلص الا كل شهر تقريبا..
هذا الزر اللي يشغلها لك..
وبعدها تختارين برنامج الغسيل بتحريك هذا المؤشر..
طبعا الغسالة وهي تشتغل تبين لك كم درجة حرارة الماء بالداخل ..وكم باقي من الوقت علشان تخلص دورتها..وتبين لك اهي باي مرحلة من الغسل..شطف او تجفيف..بهالشكل..
وهاذي صورة المنظفات حقتها..
الكرتون الملح..
واللي بعد الابيض هذا صابون سائل"للحين ماجربته"
واللي لونه اخضر هذا مساعد الشطف..
واللي لونه احمر هذا صابون بودرة..
طبعا انا استخدم كل شيء من منتجات فينش ومرتاحه
اتمنى يكون شرحي واضح ووافي..واي سؤال انا بالخدمة..
دعواتكم لي..

يعطيك العاافية يا رووح الرووح

ما اقول الا يارب يخليك ولايحرمك من احبابك الله يوفقك

وينكم يابنات الي عنده غسله وعاجبته تكتب

السلام عليكم ورحمة الله وبركاته
انا عندي غسالة صحون ويرلبول بصراحه روعه تنظيف ماشالله لا يعلى عليه وتلميع للكاسات والصحون ودرجة حراره للمويه متفاوته من 40 الى 70 وحجمها حلو بصراحه مريحتني الحمدلله من الوقفه عند المغسله والغسيل
وانصحك بيها متميزة
وانا عملت بحث واخذت افضل اراء البنات واغلبهم استخدمو ويرلبول وسيمنس وارستون وهاذي كلها افضل انواع في السوق انتي خذي اراء وتجارب البنات وروحي السوق لفي ودوري واسالي اصحاب المحلات عن افضل وبكذا تكوني اخذتي افضل نوع ان شالله
انا عملت كذا واشتريت ويرلبول 2250ريال
الله يوفقك

اليوم اول غسله فيها ياسلام على النظافه والراحه
اللي عندي LG
صغيره
قيمتها 1900 معاها ميكروويف هديه من اكسترا
بس اتوقع انها من وكلاء LG ارخص

أنا عندي ويرلبول حلووه

الله يعطيكم العافيه ويجزاكم خير .
انا بسكن بيت جديد ان شاء الله وحابه انى اشتريها بس انتو الحين خلتونى احتار؟
مين احسن نوع الله يوفقكم افيدونى من جد محتاره مره ؟؟؟؟؟؟؟؟؟؟؟؟؟؟؟؟؟