طبخة اليوم اسمها مانيكوتي Manicotti بالمشروم والسبانخ

السلام عليكم ورحمة الله وبركاته
ازيكم يابنات اخباركم ايه........اليوم مشتاقة اللهجة المصريه خ
من زمان عنكم.........اشتقتلكو اوي اوي اوي ههه
يالله عسولات بنتلعم طبخة جديدة فتاكه من طعمها اعشقها بجنان
بسم الله نبدأ:
المقادير:
1- علبة معكرونة المانيكوتي او معكرونه عاديه على حسب رغبتك
2- 2 ملعقة طعام زيت الزيتون
3- 1 كوب مشروم ابيض مقطع
4- حبتين ثوم مقطعه
5- كيسة سبانخ ... الكمية مثل ما تحبي بس كلما كان اكثر كل ما كان افضل
6- 2 بيضه
7- 2 كوب جبنة الريكوتا (Ricotta Cheese)
8- كوب اوراق الريحان مقطعه
9- ملعقة صغيره ملح
10- 3 اكواب من خلطة الطماط المعكرونه
(ممكن تشترينه جاهز او تسوينه وهو عباره عن طمام مع بصل وثوم وبهارات ... تسوينه على حسب رغبتك)
11- كوب جبنة البارمزان (Parmesan)
12- لحم مفروم على حسب رغبتك (انا احب اللحم فاستعملت كوبين)
وبهارات مثل القرفه وفلفل اسود
الطريقه:
1- تطبخين المعكرونه في ماء مغلي مع ملح لمدة 7 دقايق فقط ..
ما نريدها تكون مستويه كامل.. نص مستويه لا نريدها صلبه وتنتمسك..
وبعدها دخليها في الثلاجه علشان تبرد وتكون سهلة الحشي
2- تحطين الزيت زيتون في نار متوسطه وتقلين الثوم والمشروم لمدة 5 دقايق
3- تضيفين السبانخ وتغطيه وتطبخيه لمدة 5 دقايق وبعدها تحطينه على صوب علشان يبرد
4- تخلطين البيض مع ورق الريحان والملح ...
وبعدين تضيفين جبنة الريكوتا وتخلطينهم وبعطين ضيفي خلطة المشروم والسبانخ ودخليها في الثلاجه علشان تتماسك
5- تطبخين اللحم المفروم وتضيفين البهارات على حسب رغبتك ...
انا سويت فلفل اسود وقرفه .. وبعدين ضيفي خلطه الطماط
6- غطي الصينيه من تحت بنصف كميه الطماط ولحم مفروم
(ملاحظه: انا اسعملت اكثر من صينيه لان وحدي)
7- احشي المعكرونه بخلطة السبانخ والمشروم وصفيها في صينية الفرن
(ملاحظه اذا مستعملين معكرونه عاديه حطي ثلاثة ارباع كمية المعكرونه وفوقها خلطة السبانخ والمشروم
وفوقه بقية المعكرونه وفوقه عاد بقية خلطة الطماط وترشيله على الاخر جبنة البارميزون)
8- غطي المعكرونه ببقية الطماط واللحم مفروم ورشي عليهم الجبن غطيها بالفويل ودخليها في الفرن
(درجة الحرارة تكون اعلى من المتوسط)
(ملاحظه: اذا تبغي تخزنيه في الفريزر علشان تقدميه تاكليه المره الجايه .. بعد هذي الخطوة دخليه في الفريزر ..
سويه في عدة صواني ودخليهم في الفريزر وقت اللزوم زي الجوع الي بغير وقته او احد من اخوانك جعان بس يدخلها الفرن وعلى طول بالمعدة)
9- وهذا هو الشكل النهائي وبالعافية على قلوبكم
(ملاحظه: انا نسيت اغطيها بالفويل وطلعت شوي يابسه بس بعدها كانت حلوه)