طبقات الارز بالدجاج بالصور

سلام كيفكم بنات حبيت اوريكم امس على الغداء ايش عملت صراحه انا ماني عارفه ايش اسم الاكله فسميتها طبقات الارز بالدجاج هي سريعه وسهله ولذيذه ان شالله تعجبكم
المقادير:
نص بصله_فصين ثوم_حبتين فلفل رومي_شريحتين دجاج صدور _مكعب ماجي_هرد_ملح_علبة قشطه طبعا تعملي على جنب رز ابيض وهذي الكميه انا اسويها حق نفرين انا وزوجي وكل وحده تعرف الكميه الي تنا سبها
الطريقه:
نقطع البصله قطع صغيره
نكشن البصل مع شوية زيت لين مايصفر ونضيف الثوم
بعدين نقطع الدجاج قطع مكعبات صغيره ونضيفها فوق البصل والثوم
طبعا نخليها على النار ونغطي القدر لين ما تنشف شويه موية الدجاج ويبداء يستوي
نقطع الفلفل رومي مربعات صغيره وكل ماكثر الفلفل طلع طعمها احلى
ونضيفها فوق الدجاج
نخليها شوي وبعدين نضيف الماجي وملح وهرداو صفار الزعفران
نخليها على نار هاديه لين ماتحسي ان الدجاج استوى خلاص والفلفل ذبل شوي
نضيف القشطه
نخليها شويه مع التحريك المستمر ونطفي على طول
تكوني على جنب عامله الرز الابيض
اذاعندكم علبه مدوره او قدر براحتكم انا جبت علبه مدوره وحطيت طبقه رز