طريقة عمل بطاطس بوريه باللحمة المفرومة والقشطة

اليوم اقدم لك وصفة رائعة واكثر من ممتازة ومناسبة جدا للعزومات فهى وصفة شهية ومتكاملة ومغذية وطريقة عملها سهلة وسوف يسعد بها افراد اسرتك وهى وصفة بطاطس بوريه باللحمة المفرومة والقشطة لنتعرف سويا على طريقة العمل والمكونات:
المقادير :
7حبات بطاطس متوسطة الحجم
ربع كيلو لحمة مفرومة
2بصل كبير ومبشور
2معلقة كبيرة قشطة
نص كوب لبن
كوب ماء
معلقة كبيرة صلصة
2معلقة كبيرة بشر جبنة رومى
معلقة كبيرة زيت ومعلقة كبيرة زبدة او سمنة
ربع معلقة صغيرة توابل لحمة وربع معلقة فلفل اسمر
ربع معلقة صغيرة ملح وربع معلقة صغيرة توم بودر
ربع معلقة صغيرة كمون
الطريقة :
1-نجهز اللحمة المفرومة نحضر طاسة او صنية على النار وتسخن نضع الزيت والزبدة او سمنة ونضع البصل ورشة ملح
2-نقلب البصل الى ان يدبل ثم نضع اللحمة المفرومة
3-نقلب ثم نضع توابل اللحمة والفلفل الاسمر ونقلب الى ان يتغير لون اللحمة ثم نضع الصلصة والماء ونقلب
4-تترك الى ان تنشف اللحمة وتتعصج جيدا وتشرب كل السائل
5-نقشر البطاطس وتسلق جيدا بحلة بها ماء مغلى على النار مع رشة ملح
6-تصفى البطاطس وتهرس جيدا ثم نضع اللبن ونصف مقدار القشطة والملح والفلفل الاسمر والتوم البودر والكمون وتقلب جيدا
7-نحضر صنية وتدهن بالزبدة ثم نضع نصف مقدار البطاطس وتفرد جيدا
8-نضع اللحمة المفرومة وتفرد
9-نضع باقى البطاطس وتفرد
10-نضع على الوش باقى القشطة وتفرد مع وضع بشر الجبنة على الوجه
11-نضع الصنية بفرن سخن وبمنتصف الفرن وعلى درجة حرارة 200
12-تترك الى ان تحمر من الحروف ثم نشغل الشواية ليحمر الوجه
وبالهنا اتمنى ان تكون الوصفة حازت على اعجابك وان تشاركينى رايك