طريقة عمل كفتة الارز

كفتة الأرز من الأكلات المميزة فى المطبخ المصرى والتى يعشقها الكثيرين ومعنا سوف تتعرفى على طريقة مبسطة لعمل كفتة الأرز لتسعدى بها أفراد أسرتك لنتعرف سويا على مكونات الوصفة وطريقة العمل:
المقادير:
1 كيلو لحمه حمراء
1/2 كيلو أرز(في كتير بيعمله كيلو رز بس انا بحب الرز يكون اقل من اللحمه)
2 بصله كبيره
5 فصوص ثوم
3 قرون شطه
كسبره خضراء (حوالي ربطتين)
ملح,فلفل,زعتر,شطه,قرفه,بهار
كمون,كسبره ناشفه
الطريقه:
نغسل الارز كويس وننقعه نصف ساعه ثم نصفيه كويس ونسيبه ينشف تماما
ثم نطحنه بالمطحنه لحد ما يكون بودره
نخلط بودره الارز مع اللحمه والبصل والكسبره الخضراء والشطه الخضراء وكل التوابل ونفرمهم بالمفرمه مرتين.
ندهن ايدينا زيت خفيف ونصبع الكفته.
نقلي الكفته في الزيت.
طريقه الصلصه:
نشوح توم مفروم في شويه زيت دره ومعاهم ورقتين لوري ثم نضع عصير طماطم وملح وفلفل وكمون ولما تتسبك نضيف بطاطس مكعبات ونضيف الكفته ونسيبهم يستوا.
وفي ناس بتحبها من غير بطاطس
اتمنى ان تكون الوصفة حازت على اعجابك وتكون استفدت معنا وتشاريكينى رايك