طريقه عمل قوارب الباذنجان او البطاطس

السلام عليكم شوفو الحلوه تجنن بتسوي لكم طبق لذيذ الناس يقولون جانبي وانا اقول احطه بجانبي ههه
المقادير
4 بطاطس متوسط الحجم
4باذنجان
جبن كرافت سائل كبير
قشطه علبتين
مايونيز
لحم مفروم
بصل طماطم
مكعبات ماجي
شوي ملح وبهارات
زيت للقلي
الطريقه ياحلوين
نقشر البطاطس ونقسمه لنصفين متساويين ونفرغ داخله ونخليه مثل القارب نغسله ونملحه ونقليه والباذنجان نقسمه قسمين متساويين بس بدون تقشير ونفرغ داخله مثل القارب ونقليه
نقطع البصل ونحمره ونحط عليه اللحم لماينظج ونظيف له مكعب ماجي القليل من البهارات ونحركه ونظيف الطماطم المفروم لماينظج نحط قليل من الملح مانكثر علشان احنا حطينا ماجي علشان مايكون مالح
نحطه على جنب ناخذ صينيه ونصف فيها القوارب المقليه ونحط في هذا القوارب ملعقه لحم وبعد كذاناخذ زبديه ونخلط فيها 2 ملعقه مايونيز 2 علبه قشطه 5 ملاعق جبن كرافت ونخلطهم مع بعض
ونحط على القوارب كل قارب عليه ملعقه وندخله الفرن لما يتحمر شوي وبعدها بالهنا والعافيه