عايشه ببيت اهل زوجك زوجك قال لك باروح اسكن عند اهلي تعالو اعطوني ارائكم

أم البتول والله موضوعك جا على الجرح
أنا حالياً مغتربة في أمريكا يمكن نجلس 4 أو 5 سنوات على حسب مازوجي يخلص من دراسته
بس قال لي قبل فترة إن أبوه جالس يبني بيت كبير
عشان كل أخوانه وأخواته اللي لسه ماتزوجوا وإحنا لما نرجع إن شاء الله نعيش فيه ..
ماأكذب عليكي لما قال كذا قلبي وجعني ومافرحت
لأن انفصال الوالد والوالدة كان بسبب السكن مع الأهل وخايفة
إن التاريخ يعيد نفسه على قولهم
وإني ماأرتاح زي الوالدة ولاقدر الله اتطلق والله شايلة هم وأهلي لو سمعوا
هذا الموضوع ماحيوافقوا والله مشكلة ..
وقلت لزوجي الله يخليك أبغى أعيش في بيت مستقل
وزعل قال اللحين أبوي جالس يبني لنا بيت وأروح أسكن بره.. آآآآآآآآآآآآآآآآآآآه ياقلبي والله ماني عارفه ايش أقول لك..
وإن شاء الله البنات اللي سكنوا مع أهالي أزواجهم يفيدونا بردودهم.. من جد ماأبغى مشاكل وتدخلات من أحد لكن القدر .. الحمدلله على كل شي

ميس جيفينشي الله يفرج عليك وعلينا وعلى بنات المسلمين ويختار ربي الي فيه الخير
وان شاالله ماراح يعيد التاريخ نفسه اذا اهل زوجك تمام الله يعين بس ماادري من وين ارقعها

هاه يابنات وين ردودكم يالله شاركونا

أم البتول الله يسعدك ويوفقك ويختارلك الخير إنتي كمان
والله أنا قصتي قصة ياقلبي
أبو زوجي متزوج حرمتين أم زوجي و الثانية
أم زوجي عسل مره طيبه ماشاء الله عليها وتحبني
لكن الثانية أحسها تكرهني لأنها كانت تبغى زوجي يتزوج أختها وجيت أنا أفسدت خططها عشان كذا
أحسها ماتطيقني وللأسف حتى هذي حتجي وتعيش
في نفس البيت تخيلي أم زوجي وضرتها في نفس البيت !
وأنا !!!!!!!!! وأخوات زوجي !
والله جو مكهرب الله يستر وبس ..
طيب وانتي كيف ياأم البتول ؟ عمارة وفيها شقق
ولا بيوت جنب بعضها ولا كيف تصميم البيت
لأني سمعت في العماير تصير مشاكل أكثر بحكم الدخول والخروج من باب واحد ..
آآآآآآآآآآآه الله يعيننا

الله يكون بعونك اختي وان شاالله ماتصير مشاكل
بالنسبه لي لا باسكن معاهم بنفس الشقه على قول زوجي فتره مؤقته مع ان كل الي اعرفهم راحو مؤقت صارو مؤبد
لا والادهى من كذا ان زوجي عنده 3 اخوان كلهو كبار ومو متزوجين يعني اذا طلعت من الغرفه باشرب مويه لازم اتحجب
ادعولي الله يخليكم ان ربي يسخر لي زوجي ويشيل الفكره ذي من راسه

آآآآآآآآآآآآآآآآآه والله صدقتي بكلمة مؤبد الأغلبية مؤبد
إلا من رحم ربي..اللي مخوفني حتى خالتي نفس المشكلة
يعني موبس الوالدة عاشت مع أهل زوجها .. زوج خالتي كان ماهو راضي
يخرجها من عندهم وتطلقت ومعاها 6 أطفال من كثر المشاكل ماقدرت تصبر زوجة أخو زوجها كانت تسوي نفسها
ماهي شايفة زوج خالتي وتخرج قدام باب الشقة تسوي نفسها تنظف المدخل بكامل زينتها إلى مازوج خالتي حبها
وبعدما مات أخوه تزوجها وطلق خالتي تخيلي!
والله السكن مع أهل الزوج مامنه غير المشاكل ..
لاوأنا زيك عنده أخوين لسه ماتزوجوا وكبار يعني أنواع الحبسة والطفش
يارب سخر لنا أزواجنا وحنن قلوبهم علينا
ويشيلوا فكرة السكن مع الأهل ..
ادعي لي وادعي لك أم البتول في ظهر الغيب ..
الله يساعدنا ويكون معانا ..

اللهم امين
يارب وان شاالله بادعي لك كل مادعيت لنفسي ولكل زوجه في موقفنا

حبيبتي شوفي اناكنت ساكنه ببيت وحدي بعدين زوجي قرريسكن عنداهله بدون مايحدد المده وكنت مستائه جداوكان يقول إحتمال نجلس سنتين اوثلاث اواكثروالله ماكان يمريوم إلاواناادعي واحتسب الأجروحتى إني كنت ألقى مضايقه من اهله بس ماابين ولااشكي إلالربي وبعدتسعة شهورمن الصبرابوه اعطاناشقه مستقله وهذاشي ماكان في الحسبان بس عشان مايضيق صدرك لاتنسي إنومن ترك شي لله عوضه الله خيرمنه والله مايصعب عليه شي سبحانه

* ام البتول and جيفنشي *
الله يكون بعونكم ..يقول المثل كبرها تكبر و صغرها تصغر
ماانكر اتمنى اني اكون ببيت مستقل ..لكن حمدلله على كل شي
انا ساكنه مع اهل زوجي .. ومرتاحه معهم كثير لاني اعتبرهم خواتي لاني ماعندي خوات وهم سدو هالشي
ام زوجي ماشاء الله ام ثانيه لي
الايجابيات ..راحه وجمعه مع بعض
انام على راحتي في الغالب اترك العيال مع اهل زوجي او عند امي
السلبيات ..عندي اولاد ودايم يقلبون البيت فوق تحت ويضايقني هالشي لانه بيكون هالشي فوق راسي ..
والغطاء عن اخوان زوجي بجد شي يضايق هذي اكبر مشكله وسبب اني افكر اكون ببيت مستقل وطبعا من جانب اخر اللبس مافي راحه لازم يكون محتشم ..بالرغم من ان اخوان زوجي مايدخلون دايما عندنا..
للعلم انا ساكنه مع اهلي واهله يعني بيتين بينا باب يعني علاقه منذ الازل <<حلوه الازل
يعني متعوده عليهم والحمدلله مابينا اي مشاكل ومتفاهمين ..حتى دايما يقولون لي انتي كييف عايشه معهم ؟؟
ودايما يقولون لاخوات زوجي زوجة اخوكم ماتسبب مشاكل معكم ؟؟
واهم شي تسوين الشي اللي يريحك مو تجاملين على حساب غيرك ..وخلك صريحه معهم بكل شي ..بيكون افضل للطرفين طبعا في امور ثانيه وهي الطبخ اذا كانو مايعتمدون على الخدم ..انا متاقسمه العشاء مع اخت زوجي يوم ويوم هذا الشي رسمي ..
ربي يوفقكم واذا ذالشي خايفين منه مافيها شي لو تناقشتو مع ازواجكم ووضحتو ان الضرر بيكون عليك انتي اكثر ..لكن بعض الازواج لا يفسرها ان زوجته ماتحب اهله الى بكره وهم يفكرون بذا الشي قله اللي تفكيره غيير
تحياتي لكن