عرفت شلون تتدلل تخليني بوله وتغيب صينية الأرز فاخره وتواجهك عند ضيوفك وبالصور

السلام عليكم ورحمة الله وبركاته
كيفكم حبايبي؟؟
<< انا اتدرجت شويا شويا بالاقسام ههه
اول شيء قسم المقبلات ونزلت بيه شوربه
وبعدو الاطباق الخفيفه ونزلت خضار بالجبنه
ودحين كبرت شويا ورحت ع الاطباق الرئيسيه
طبعا لما شفت ردودكم وتشجيعكم ليا ف مواضيعي اللي قبل اتحمست انو كل مااعمل حاجه اصورها وانزلها << الله يعينكم عليا ح أبلشكم ههه
طيب طبق اليوم مرا خطير وتغير الروتين يعني
الطريقه :
تجيبي لحمه مفرومه وتحطيها ع الصاج مع بصل وتوم واذا قربت تنضج تحطي عليها الخضروات اللي تحبيها وتكون مقطعه مكعبات
مثلا جزر فاصوليا بازلاء فلفل اخضر طماطم وبطاطس ايش شي موجود عندك عادي حطيه المجال مفتوح
وطبعا ماتنسي بهاراتك والملح ..
وتكوني طابخه رز ابيض تلات ارباع استوواء
طيب تاخدي صينيه وتحطي نص كمية الرز فيها
وبعدين تحطي خلطة اللحمه
وبعدين تحطي كمية الرز اللي باقيه
وبعدين تاخدي الصاج وتحطي عليه مويه
وتاخدي فنجان قهوه وتحطي فيه دي المويه بعد ماامتزجت بلون الخضار واللحم
وتصبيه ع الصينيه
وتدخليها الفرن
وتخليها كده ربع ساعه او عشره دقايق
وبعدين تزينيها ع كيفك
انا عن نفسي زينتها بجزر وبقدونس
شوفو الصوره ف الاخير كيف تتطلع
قبل مااتزوج سويتها
ومرا عجبت اخويا تعرفو ليه؟؟
لأنو واحد زول مافيه ياكل سلطه ورز ويقطع لحمه
فيقول خلاص كده احط الملعقه واكلها ويكون فيها رز وخضار ولحم هههاي
بالعافيه حبايبي