علاج طبيعي من الثلاجه لازالة الحروق وآثارها

السلام عليكم
كثرت الاسئله عن طريقة ازالة الاثر بعد الحرق
وانا اعرف علاج كان اهلنا يستخدموه من بيئتهم وبدون تكلف وهو فعال 100% ومزيل للآثر الي بينتج عن الحرق
لكن ماعليك الا انك تسجليه فالملاحظات عندك فجوالك حتى يستفيد منه الناس وتكوني ممن ينفع المسلمين
جيبي البيض واهلنا كانو يعزلون البلدي لهذي الحاجه
لكن انا جربت البيض تبع المشاريع ونجح
اسلقي اولا البيض وعددهم 7 اذا كنتي تبغين 15 مل من العلاج
وبعدين تجيبي الصفار وتهرسيه لين يتنعم في قدر صغير وضعيه على نار هاديه
ملاحظه
طولي بالك ممكن ياخذ حوالي الساعه بالاذابه حتى ماتخلصي
وكمان صلحيه بالسطح او بمكان جيد التهويه واذا صلحتيه فالمطبخ استعدي لكل من يدخل يقلك ايش الريحه الكريهه
لأنه طبعا اولا راح يحترق بعدين يطلع الزيت
عشان كذا بنسميه بيض محروق للحروق
اظن خلاص يعني تظلي تحركي بالبيض لين مايحترق ويذوب ويطلع زيته بعد الاحتراق
الناس اللي يحتسبو الاجر يسووه ويوزعو على من احتاج
طبعا الزيت يدهن فيه الحرق مرتين الى ثلاث مرات باليوم وراح تشوفو النتيجه المبهره
راح يزول الالم والحرارة ومن ثم يزول الاثر
ولا تنسوني من دعواتكم انو ربي يحقق لي اللي فبالي ويشفي لي ولداي المرضى
واذا شفت تفاعل منكم راح اجيب لكم طريقه ثانيه بعد بالبيض لكن غير واسهل من هذي للحرق الرطب اللي يطلع صديد او فيه ورم