عن تجربه مكرونه خرافيه وخفيفه وشهيه

الفراشة المفرفشه

22-11-2022 - 03:01 am

كيف الحال
انا دوبي عامله عشا لزوجي وخلصت وعجبني الطبق مرة وقلت لازم افيد فراشاتي
انا بصراحه اغلب اكلاتي تعتبر لايت بس طعمها مرة شهي بشهاده اللي حوالي وبيذوقوه
عموما خذو الطبق ده وقولولي من جد اذا عجبكم عشان اديكم كل اللي اعرفه وخلينا ناكل اكل صحي وشهي جدا
المقادير:
مكرونه فيونكات
شرائح جبنه شيدر لايت في
رشه ريحان
مكعب مرقه دجاج كنور
ملح وفالفل
شرائح ليمون
اذا ماتبغوها ساده ممكن شرائح دجاج مسلوقه ومقطعه وممكن تكون مشوحه شي بسيط بس بدون بصل اخف
ماعقه طعام موزاريللا لايت
الطريقه:
اسلقي المكرونه مع شويه ملح ومكعب الكنور وحطي شرائح الليمون لانها تعطي نكهه روعه في السلق
وحطي الريحان وخليها تتسلق تمام
لما تقرب تستوي حطي شرائح الدجاج(ولو مافي دجاج كملي الخطوات من هنا) وحطي اخر شي لما المويه تنشف شرائح الجبنه واطفي النار تقريبا 5 شرائح حلاوتها لما تكون كثيرة عشانها اساس الطعم
ممكن ترشيها بالموزاريللا الايت مرة حتطلع واو
سوها وقوللي رايكم دي اكله سريعه وبنفس الوقت تشبع ومو ثقيله زي الصلصه او الباشميل
اذا عجبتكم حاديكم طرق احلى من كده
بالهنا

التعليقات (7)