غدآي في يوم مآآ دلع وسنع

~ أما حضور(ن) فيه كل التميز ~
.. وآلا ..
~ بلاش من البدايه حضوري ~
مسآءكم / صبآحكم
ب منآسبة دخولي للألفية ال 29
ولعيوون دلوعه رفحآء وموضوعها
1 2 3 ... الصفحة الأخيرة )
حمستني أنزل موضوع جديد
ولعيون مسابقة ]
[ بهذه المنآسبه السعيده ..
ب شرط
مقآبل دعووة حلووة من قلوبكم النقية
كبسة روبيآن
المقادير
ربيان من 2-3 ك
( انا اخلي السايق ينظفه )
عيش ( رز) 3 ملال ( انا قياسي قوطي العنصنص )الاناناس) مال اول عيوز شاسوي
بصل 4 مقطعه مثل المربعات ثوم مدقوق جنزبيل معاه
طماط 4 حبات مقطعه + 3 ملاعق صلصل اواكثر
بهارات خليجيه بهارات السمك + فلفل اسود+ دارسين عودين + مسمار مطحون براس القفشه يعني شوي
كمون كزبره ناشف مطحون
ليمون اسود 4 حبات +
شويه مطحون ليمون اسود +كركم علوب فلفل حار 4 حبات
الطريقه
في الجدر احط البصل بدون ماي وحمره يعني اقلبه وبالقفشه ارش ماي عليه حتى يلين او يعطيني البصل لون وريحه مميزه ( لا تخلين البصل عاد يحترق ) الحين انحط سمن او زيت شوي كثير مو عاد واجد
ونحمر ونقلب البصل ونقلب بسرعه حتى يصير لونه بني بس مو محروق عاد ونحط عليه الربيان
ونقلب حتى يتحمر الربيان وينشف مايه لا تنسين الثوم والجنزبيل حطيه مع الربيان علشان يكتسب
الريحه الحلوه
وتمي تقلبين حتي ينشف شوي ماي الربيان وتشوفين الربيان صار لونه حلو
الحين ضيفي البهارات كلها ما عدا الطماط وصلصل
علشان الربيان ياخذ ريحة البهارات واذا شفتي تمام
حطي الحين الطماط والصلصل واليمون الحب (طبعا اليمون مخرم)
المهم الحينه حطي الماي مغلي بس لاتكثرين لان الربيان ما يبغيله شي اصلا هو ستوى
بس خليه يغلي غلييتين ويتسبك مع المروق حطي العيش (الرز يعني)
وشوفي الماي ما يرتفع واجد وخليه حتى يغلي وتطلعلج حبات العيش كنهم خوات
جنب بعض الحين قصري عليه وحطي عليه البقدونس والجلجلان (الكزبره) الاخضره مقطع
وخليه يتسكر براحته
كوكتيل روبيآن
كيلو ربيان مقشر ومسلوق
ملعقتين كتشب + 3 ملاعق مايونيز ( حسب الكمية ) + نص ليمونة + ملح وفلفل أسود
الطريقة
يقطع الخس بشكل طولي ويوزع في طبق التقديم
ثم ينثر عليه حبات الربيان
ثم نخلط كل من المايونيز والكتشب وعصير نص ليمونة والملح والفلفل الأسود لعمل الصلصة
ممكن نضيف بعض قطرات الماء للتحكم في سمك الصلصة
تصب الصلصة على السلطة وتوزع بحيث يصل بعضه لحبات الربيان
سلطة لبن وخيآر ( العادية )
مكرونة بالنقانق ( سبق نزلتها بموضوع ) + حمص ومتبل
الحمص //
علبه زبادي + علبه حمص + ملعقتين طحينية + عصير نص ليمونة
ملح + ملعقتين زيت زيتون
وبالخلاط نخلطهم
المتبل //
ملعقتين زبادي + 2 باذنجان مشوي ع النار + ملعقتين طحينية + عصير نص ليمونة
ملح + ملعقتين زيت زيتون
وبالخلاط نخلطهم