غدانا انا وامي وخواتي اليوم بالصور حياكم

السلام عليكم ورحمة الله
جمعه مبااركه اخواتي
هذي صور لغداي انا وامي وخواتي
طبعا كله بفضل الله ثم فضلكم ولا كنت ما اعرف اطبخ بس تعلمت منكم من هالقسم
وهذا اول موضوع لي انزل فيه طبخ هنا
دوبي اول ما خصلت غداء قمت انزل لكم الصور
قبل الصور لي وربي لكن مكتوب عليها ريما لان اسمي اصلا ريما
امي انبسطت علي كثيرر الله يشافيها ويخليها لي
نبتدي هذي صوره للسفره كامله
نجي لكل طبق وطريقة عمله
اولا السلطه
المقادير : بطاطس مسلوقه .. ذره .. ليمون .. زبادي .. ملعقة جبنه سائله . واذا حابين لبن كاسه بس عشان يخليها ساليه لو تبونها مثل المويا
الطريقه تخلط البطاطس مع الذره والليمون .. ويخلط الزبادي مع الجبنه السائله واللبن وتكبونها عليها وتخلطونها زين وتحطونها بالثلاجه ..
طبعا اول مره اسويها وممكن اعطيها بالمنسبه للطعم 90% حلوه
الطبق الثاني رز بالخضار
رز ابيض ومعه خضروات تجيكم مقطعه من اي مكان تبونها بس تحطونها معه وتسونه رز ابيض عادي
اعطيه بالنسبه للطعم 100%
الطبق الثالث هو الربيان باصلصة الطماطم
المقادير : ربيان .. بصل .. فلفل رومي .. طماطم .. بهارات .. ملح .. معجون طماطم
الطريقه : تعملين كشنه عاديه ( زيت + بصل + طماطم + بهارات + ملح ) تخلينه الين يذوب الطماطم
بعدين تحطين الربيان وتخلطينه سريع سريع مع الكشنه وتحطين المويا وتخلينه يطبخ وتحطين فوقه الصلصه ( معجون الطماطم ) ووالفلفل الرومي تخلينه على النار الين يستوي وتصير مويته ثقيله
طعمه جوناان اعطيه 100%
الششبرك
هذا جبت طريقته من اخت هنا الله يسعدها ويفرح قلبها
تلقون طريقته بنفس القسم هنا
اعطيه 50% مو مره حبيناه صراحه
وزاد من الشيش برك وسويته فطاير لحم لكن شكلها يفشل
بالاخير حابه اقولكم اني جديده في عالم المطبخ ولا يغركم شكله لكنه لذيذ وكل اهلي يقولون لك نفس بالطبخ
عطوني رايكم
فكر راقي ( ريما )