غداي اليوم أحلى مشخول صوره

غنــــــــــاديــر

01-03-2022 - 01:21 am

السلام عليكم ورحمة الله وبركاته
شخبار الفراشات الحلوين ..!
اليوم بنزل لكم طريقة غداي اللي سويته اليوم وان شاء الله تعجبكم
هذي صورته .. ( الكمية تكفي شخصين أنا وزوجي بس )
المقادير :
2 كاس أرز بسمتي
تقريبا نص كيلو لحم
2 مكعب ماجي
ملعقة صغيره بهارات
بصلة متوسطه مقطعه صغير
شوي زيت
شوي ملح
بهارات صحيحه ( انا استخدمت ليمون اسود - هيل - اعواد قرفة - عودين قرنفل ( مسمار )
ملعقة كبيرة معجون الطماطم
الطريقة :
بقدر نحمس البصل بشوي زيت إلين يذبل البصل ونحط اللحم عليه ونقلب شوي بعدين نضيف الماجي وملعقة البهارات ومعجون الطماطم وأحرك أضيف البهارات الصحيحة وبعد كذا أضيف مويه مغليه تقريبا لنص القدر وأخليه على النار ..
أسلق الرز بموية وملح وشوية زيت ..
بعد ما تنشف موية اللحم وينسلق الرز أسكب الرز فوق اللحم وأغطيه شوي علشان ياخذ النكهة وأكون مخففه النار عليه .. أتركه كم دقيقه وأطفي النار ..
آخر شي أقلبه بصحن التقديم زي طريقة المقلوبة وأزينه أنا زينته بشوي صنوبر ( يحبه أبو الشباب ) وقدمته مع سلطة خضراء ..
وألف صحة وعافية

التعليقات (6)