فطاير على شكل كب كيك من مطبخي والخطوات بالصور

بسم الله الرحمن الرحيم
السلام عليكم ورحمة الله وبركاته
\\
( فطاير على شكل الكب كيك )
\\
المقادير
الطاسه ( طاجه ) رقم 1 : علبة روب ( زبادي ) – 3 بيضات الحجم الكبير – فنجانين قهوه سكر – ملعقة كبيرة خميرة – ملعقة صغيرة BP – نص ملعقة ملح .. ونخلطهم زين
الطاسه ( طاجه ) رقم 2 : 3ونص أكواب طحين – 10 ملاعق كبيرة نيدو – ملعقة صغيرة فانيليا بودر ... ونخلط مع بعض ..
نسكب المقدار الثانية على المقدار الاول ونخلط
نحتاج ثلاث كوبات :
كوب ماء دافي ( بارد ) على درجه حرارة الغرفة
كوب ماء حار
كوب ماء حار + زعفران
نبدا بالتدريج .. نضيف قليلاً من الماء البارد + الماء الحار + الماء الحار مع الزعفران .. ونخلط جيدا
ثم نضيف من الثلاث الأكواب مرة أخرى ..ونخلط جيدا
إلا أن نحصل على عجينة طرية تشبه عجينة القيمات ..
ونغلفها بنايلون ونخليها لمدة ساعتين للتتخمر
وهذا شكلها بعد ما تخمرت
نحتاج صينية خاصه من رآيي أحسن ماركة Prestige
وهذا شكل الصينيه الي راح نستخدمها
نحتاج كل من بيضه مخفوقه + زبده + جبن كيري
أول شي ندهن الصينيه بالزبده .. ملاحظه مهمه لازم زبده .. لحد يستخدم الزيت لانها راح تعلق فالصينية
ونصب كمية قليله من الخليط
بعدين نضيف حبات الجبن شرائح صغيرة
بعدين نصب كمية من الخليط فوق الجبن للتغطيه
ندهن الوجه بالبيض
ونرش عليه شوية زعتر
ندخله الفرن على نار هادية من تحت بس لحد ما ينتفخ وينضج عندنا .. وبعدين نحمره من فوق
وهذا شكله بعد ما جهز
وهني وعافية على قلوبكم