فطورنا القنبله هع هع مسابقه الذ سفره رمضانيه

آرتقآإء

31-10-2022 - 10:43 am

إن هذا الشهر هو شهر عبادة وعمل وليس نوم وكسل .

اعقدي العزم على الاستمرار بعد رمضان على ما اعتدتي عليه فيه.

السلام عليكم ورحمه الله وبركاته
وش اخباركم ياحلوين ان شاءالله تمام
ا ولا قبل لا ابدى موضوعي ابي اعطيكم بعض النصايح ع الخفيف لشهر رمضان المبارك جعلنا الله من صوامه وقوامه::

إن هذا الشهر هو شهر عبادة وعمل وليس نوم وكسل .

اعقدي العزم على الاستمرار بعد رمضان على ما اعتدتي عليه فيه.

احرص على أن تفطر صائما فيصير لك مثل أجره لو بالشي القليل مثلا يوم ترسلين لجيرانك صحن تحطين فيه من فطوركم او تعزمين احد الاقارب ع الفطورولاننسى حديث الرسول صلى الله عليه وسلم( " مَن فطَّر صائماً كان له مثل أجره غير أنه لا ينقص من أجر الصائم شيء )
عدم الاسراف يعني يابنات بعض العوائل الله يهديهم تلاقين يوميا السفره من اولها الاى اخرها انواع اكل كثيره مره وحلويات ومعجنات ومقالي والمشكله الله لايعاقبنا اذا قامو من السفره تلاقين ثلاث ارباع الاكل ماحد اكله لان سبحان الله اغلب الناس لما يشوف الاكل كثير تنسد نفسه ولاياكل ع قولتهم العين تاكل قبل المعده
ويضا يابنات الاحظ الاغلب مثلا صينيه شاورما او بطاطس او خضار الصوص المعتد في ثلاث ارباع الصواني قشطه+جبن+مايونيز=دهون وسعرات حراريه اكثر من اللي يحتاجه الشخص
يعني لا مانع مره في الاسبوع تسوين لهم صينيه بهذا الصوص لكن موب دائما
شوف هذا الصوص انا صرت اعتمدته وطعمه مرره لذيذ بعد واحس انه اخف من القشطه والجبن
اللي هو(زبادي+طحينه سايله +لبن+نص ملعقه مايونيز+ثوم+فلفل اسود +زنجبيل بودره)
طبعا المقادير ع حسسب الكميه الصينيه اللي عندك انتي اخلطي وشفي اذا تبين زياده زيدي واهم شي ثوقي طعمها وشوفي تحتاج ملح او لا
وبس كثرت عليكم حكي وانا الى الان مابعد دخلت في الموضوع الاساسي الاهو سفرتي انا واهلي لليوم....
اولا امس الفجر كتبت سبوره اخوي هذي العباره
ههه
واثقه انه بيكون فطوري شي
المهم انا كتبت من هنا وبدت تعليقات اهلي من هنا <<<
بس ماعليه منهم واثق الخطى يمشي ملكا
طبعا كنت مقرره مااسوي معجنات ابداا
كنوع من التغير
وايضا قررت<<الله يستر من قرارتك بس
اسوي لقيمات لاني ماعمري قد سويتها ابدا وانا احبها من يدين امي الله يخليها يارب
فقلت ابي اجرب وابحث عن طريقه لقيمات حلووه وكذا والقى وحده كاتبه ان لقيماتها شي وانها مرره حلوه وماادري ايش المهم كتبتها عندي وطبقتها اولاشي لانه تقول يبيلها ساعه ونص تخمر اقل شي
واللحين ابي اقولكم وش صار بذي اللقيمات
اولا شوفو السفره الاولى
تمر
قهوه
تمر
لقيمات
حلى من عند جيراننا
فيمتو+ماء
صوره جويه: )
.
لايفوتكم بس شكل اللقيمات اشكال اللي تبون فيل شجره فطر زرافه جميع الاشكا في اللقيماتي؛؛<<ههه
المهم انا شفت شكلها صارت عيوني كذا
قلت ماعليه اهم شي الطعم يابنت الحلال ويوم ذقتها استغفر الله ياربي الله يكرم النعمه بس
صارت كلها عجين وانا اللي يصير فيسي تسذا قامت قالت اختي ها زينه لقيماتس <<<لانها امس وانا اقولهم اني انا ابي اسوي اللقيمات قامت تتطنز قلتها خلاص تراس محرومه من اللقيمات حقاتي
قلت:ها يعني
قالت :اشوى اني محرومه من اكلها
وانا
المهم ماعلينا عاتي عاتي نتعلم من اخطائنا صح
نكمل
حلى الجيران عباره عن الحلى الاصفر|+بسبوسه
الفيمتو+الماء+التمر<<من نخل بيتنا ترى
برب
لااحد يرد لين اكل السفره الثانيه

التعليقات (9)

آرتقآإء

31-10-2022 - 02:17 pm

باك
السفره الثانيه
طبعا احنا من عادتنا مانحط سلطه في الفطور ولاحلى
بس غرت منكم<<<ههه
اشوف بعض البنات يحطون سلطه مع فطورهم قمت سويت 2نوع سلطه ونوع حلى
طبعا الفطور الثاني يتكون من:
شوربه شوفان
كمبوديا
صينيه شاورما
توست بالجن واللحم المفروم
سمبوسه باللحم وبطاطس مقلي
سلطه كنتاكي
سلطه الفته
صحن معجنات ايضا من الجيران <<الله لايحرمنا منهم
الحلى كان عباره عن كيكه الفيمتو
صوره جويه للسفره
اللحين صوره كل طبق بلحاله+الوصفه
صينيه الشاورما:
اولا تجبين صدور دجاج تقطعينها شرايح رفيعه او مربعات برحاتك وتغسلينها وتنظفينها وتحطينها بمشخال ع جنب
بعدين نحط بقدر بصل +فلفل بارد مقطع جوانح
نحمسهم مع شويه زيت وملح الا ان يذبل البصل والفلفل نضيف الدجاج ونبدا نقلب بعدين نحطه ع نار هاديه الا ان يستوي الدجاج
اذا استوى حطيه عليه بهارات مشكله+بهارات الكاري+قرفه+زنجبيل مطحون+فلفل اسود+كزبره مطحونه+صوص صويا+ملح
وحركيه مع بعض
بعدين حطيه بالصينيه وحطي بالخلاط(علبه زبادي+نص بياله لبن+شوي صلصله الباربيكيو من فرشلي+طحينه بالطماطم الحار ونقطتين من الخردل+ثوم مدقوق او بودره)
ودخليه الفرن تتحمر من فوق وبالعافيه
ملاحظه ممكن الاستغناء عن الطحينه بالطماطم الحار بالطحينه العاديه
وايضاصلصله الباربكيو لكن بها راح يكون فيه طعم مدخن ولذيذ
ا لفته
بطاطس وباذنجان مقطع مكعبات ومقلي نحطه بقاع الصحن بعدين نضع في مقلاه بصل وطماط مقطع صغيرونحط عليه ملح وربع مكعب ماجي وقطرات من الزيت الا ان يذبل اذا شفتي انه يحتاج زياده زيت حطي بداله شوي مويه وبعدين حطيه بهارات وكزبره مطحونه وحطيه ع الباذنجان والبطاطس وواسيه بالملعقه اخر شي نقطع خيار+فلفل بارد+بقدونس او جرجير+بليله ونتبلهم بكمون وفلفل اسود وشويه خل
نحطه ع باقي الطبقات ونحط الصوص عباره عن 2ملعقه زبادي وملعقه طحينه ونقطتين خردل وشوي زنجبيل بودره
ونزينه بالخبز المقلي
الكمبوديا
العجينه عباره عن نضع في الخلاط (نص كاس ماء-ثلاث ارباع كاس لبن-كاس دقيق-شوي ملح-وشوي سكر)لين تكون العجينه تشبه عجينه المراصيع او المصابيب
نجهز الصاج افضل شي يكون تيفال عشان مايلتصق ونبدا ناخذمقدار مغرفه ونحطه ع الصاج ونساويه بسرع بالملعقه عشان تتكون عندنا دائره تقريبا تكون نفس البان كيك لكن بحجم اكبر
نتركها ع الصاج الا ان تنشف العجينه من فوق وتتحمر من جهه واحده بس بعدين نحشيه بلحم مفروم
ونلفها نحط الحشوه بالجهه المتحمره يعني الجهه اللي ماتحمرت هي اللي راح نحط عليها الصوص ونصفها بالصينيه بعدين نحط عليها الصوص عباره عن 2ملعقه مجون طماط وملعقه كاتشب رشه بهارات وشو ماء تقريبا ملعقه اخلطيهم وبالفرشه ادهني الكمبويديا ونحط للزيه فلفل بارد مقطع جوانح وممكن بصل دخليها الفرن مده عشر دقايق من فوق بعدين طلعيها ورشيها السطح بالموزيرلا ودخليها الفرن بدون اشعاله
وبالعافيه
سلطه كنتاككي
ملفوف مبشور او تقطعينه شرائح رقيقه+جزر مبشور
الصوص
نص فنجان لبن+2ملعقه زبادي+ملعقه صغيره سكر بودره+رشه ملح
وبالهناء والعافيه
ال توست باللحم المفروم
اولا قطعي اطراف التوست ويكون بروابيض
ادهني التوست الابيض بكتشب وحطيه اللحم بعدين حطيه التوست البر و اضغطي عليها بشويش وبعدين قطعيها مثلثاث
التوست بالجبن
نفس الطريقه لكن بدال مااقطع التوست لمثلثين بس قطعته لااربع مثلثات وقدميها
هذي معجنات من الجيران
عباره عنفطاير بيض مسلوق وخيار وجبن
وكروسان بالجبنه
وجيب التاجر بالبطاطس
واخر شي
كيكه الفيمتو اللذيذه
الطريقه كيكه جاهزه من بتي كروكر او العلالي تكون بالفنيليا او البرتقال بس بدال ماتحطين الماء حطي كاس فيمتو مخفف بالماء
لكل كاس خمس ملاعق من الفيمتو والبقي حطيه مويه
دخليها الفرن اذا استوست خليه تبرد بعدين حطي عليه مقادير الطبقه الثانيه
2دريم ويب مع بياله حليب بارد اخفقيها بالمضرب الكهربائي الى يتكاثه الدريم ويب بعدين حطي اربعع حبات جبن كيري+عليه قشطه واخفقي بعد مده 4دقايق بعدين حطي الخليط ع الكيكه ودخليه الثلاجه تبرد وتجمد الطبقه
الطبقه الاخير
2كاس فيمتو مخفف بالماء زي ماقلت طريتقه فوق
حطيهم بقدر وع النار الى ان تغلي وبعدين حطي عليهم نص كاس ماء مخلوط معه ثلاث ملاعق كبار نشاء
حركيه ع النار الا ان يثقل وبعدين ارفعيه من على النار حركيه ثواني بس عشان تخفف حرارته وحطيه ع الطبقه الثانيه بشويش
وبس
ممكن تسوينها بصينيه التشيز كيك يكون شكلها افخم
برب اخير

آرتقآإء

31-10-2022 - 03:18 pm

باك
وه وه بس تعبت
وخلصنا موضوعنا ع خير
اتمنى اذا استفدتو منه شي تدعون لي وامي وابوي واخواني
وسامحونا عالقصور
طبعا التصوير كان بكام جوال عشان كذا اعتذر عن دقه التصوير
وبس
وفالي الفوز<<<خ
ويالا انطلقو للردود اللي توسع الصدر

طُهر الأنوثه

31-10-2022 - 04:20 pm

ماشاء الله
تسلم يداتك عليكم بالعافيه

فرااشه زوجي

31-10-2022 - 05:21 pm

ههه
عجبتنى لقيمااتك ههه
الله يسعدك ,, والله يكتبلك الاجر ع الفطور اللي عملتيه

yameena

31-10-2022 - 06:22 pm

ما شاء الله..سفرة عامرة.. وعجبني الصوص حق الصواني..إن شاء الله بجربه المرة الجايه...
مشكورة...

قمر الجنوووووب

31-10-2022 - 07:23 pm

ماقصرتي الله يسعدك
فطور رائع ومتنوع
يعطيك العافيه والله يخلي لك اهلك يارب