فطورنا ليوم الخميس 25 رمضان مسابقه الذ سفره رمضانيه

نواشف

03-11-2022 - 05:42 am

بسم الله الرحمن الرحيم
فطورنا الرمضاني ليوم الخميس 25
السفره كامله
بيتزا
البيتزا عن قرب
مشخول رز وسمك
نسوي خلطه
بصل وفلفل رومي وطماطم شرائح
نقلبهم عالنار مع بهار لين تتسبك
ونسلق رز المهيدب ثلاث ارباع السلقه ونصفيه
ونحطه عالخلطه ونرخي النار عليه ونحط شويه سمن عالوجه ونسيبه
ووقت التقديم نقلبه وخلاص
السمك
شرائح فيليه
نقطعها اصابع ونبهرها ونحطها في بيض وبقسماط ونقليها ونحطها عالوجه
منتو كذاب
رقاق لوزين
ولحم مفروم عادي زي ح السمبوسه بس بدون خضار
يعني لحم وبصل وبس
وملح وماجي وبهارات وثوم
لفي الرقاق عادي زي الاصابع
وسوي الخلطه اللي تحت (بصل شرائح وفلفل رومي شرائح)
قلبيها عالنار مع واحد ماجي لين تذبل
بعدين افرديها في صينيه ورصي فوقها اصابع المنتو
وحطي في الخلاط (قشطه + 5 ملاعق جبنه سايله +كوب ماء)
وحطيها على المنتو وقفليه بالقصدير ودخليه الفرن لين يستوي
شوربة بطاطس بالكريمه
اسلقي 4 حبات بطاطس
وخليها على جنب
حطي في القدر بصل مفروم وزيت
ولما يبدا يحمر حطي 5ملاعق دقيق وقلبي
وحطي حليب تقريبا 4 اكواب
وماجي وملح وفلفل اسود
وقلبي زين
وحطي البطاطس 3 حبات بسس(قطعيه تقطيع عشوائي لاننا في الاخير بنطحنها )
وكمان شويه كزبره وبصل اخضر
واخلطيها بالخلاط ورجعيها في القدر وحطي فوقها نص كوب كريمة خفق
وجيبي البطاطس الاخيره وقطيها مكعبات صغيره وحطيها عليها
بيتزا نوع ثاني
البيتزا
العجينه ...
2 كاسات ونص دقيق ابيض
زبادي
ربع كاسه زيت
نص كاسه لبن وممكن ازيد شوي
رشة ملح
3 ملاعق سكر
ملعقه خميره
ملعقه بكنج باودر
وعادي سويها بالطريقه اللي تحبيها
زعتر وعيش ابو اللحم
الزعتر
نفس العجينه
نفردها
وندهن فوقها (جبنه سايله + مايونيز )
وبعدين نحط زيت زيتون
واخر شي نرش الزعتر
وندخلها الفرن
عيش ابو اللحم
نفس العجينه
ونسوي لحم مفروم عادي كانه حق سمبوسه
ونخلط معاه تقريبا نص كاسه طحينه سايله + مويه (على حسب)
تقريبا نص كوب اهم شي تكون الخلطه مو سايله مره
وكوب كراث مقطع ناعم
وملح وفلفل اسود
ونحطها على العجينه ونفردها ونرش فوقها سمسم وندخلها الفرن
كروبوو
سمبوسه ولفائف دجاج
لفائف الدجاج
نسوي الحشوه
دجاج مسلوق ومفتفت
نكشنه مع بصل وثوم وماجي وبهار واخر شي نحط فلفل رومي مقطع
ونجيب الخبز الشامي
ونقطعه ل6 اقسام
ونجيب مثلث الخبز وندهنه بجنه سايله ونحط شويه حشوه ونلفها
وبعدين نحطها في بيض وبقسماط ونقليها
اما السمبوسه
رقاق وحشوه لحم عاديه
رقاقي من حلواني الفت
نلف ونقلي
كاستي
هريسه
نغسل كاستين هريس وننقعها
وبعدين نحطها عالنار مع قطع لحم ولازم يكون فيه عظم عشان الطعم
وماجي وملح وفلفل اسود
نسيبها عالنار تقريبا 4 ساعات على نار هاديه
وافتحي عليها كل شوي وحركي عشان لاتنشف
واذا حسيتي الحب انرس خلاص شيلي العظمه
واضريه بالمضرب
وقدميه في صحن وعليه سمن
تشيز كيك
نطحن بسكوت دايجستف
ونحط عليه ربع اصبع زبده سايحه و4 ملاعق زيت
ونخلطها ونوزعها على الاكواب
وبعدين نحط في الخلاط ( 1 جبنه فيلادفيا +نص علبه قشطة خفق +2 دريم ويب + 3 ملاعق سكر+ عصير ليمونه )
ونوزعها على الكاسات
وبعدين نحط الصوص الاحمر
اي نوع ( انا احب اللي بالفراوله )
حلى بالشكولاته
طبقة بسكوت ونشربه بكوفي
ونحط فوقه ( 6 ملاعق نوتيلا + قشطه ) بس نص الكميه
وبعدين نرص بسكوت ونشربه بكوفي
ونحط باقي الخلطه
اخر شي نحط في الخلاط (4دريم ويب +نص كاسه حليب + نص علبه شطه + شوية شكولاته بودره )
وبعدين نحطها على الوجه ونفردها
ونزينها بشكولاته بودره او كوفي او جالكسي مبشور
اصابع جبنه
رقاق لوزين
وكيري
نلفها ونقفلها زين ونقليها
معليش اعذروني عالتصوير
الاضاءه عندي مو تمام
>>> اليوم كان عندي فطور للعمل
5رجال وكمان سويت فطور للبيت
وكمان بكره عندي شغل
المده 10 ايام
راح منها 9 وباقي بكره
دعواتكم
ان شاءالله اول مااخلص شغلي بنزل موضوع عن اطباقي الرمضانيه

التعليقات (8)