فوط تمسيح نصحتني بتجربتهم الغاليه وكانو من اروع الفوط اللي مرو علي

السلام عليكم ورحمة الله وبركاته
ياهلا والله بالغاليات.....
ويارب تستفيدون من تجربتي.....
مره من المرات قعدنا نسولف انا والبنات صاحباتي وصديقاتي بالمنتدى عن شغل البيت وخلافه...
وجبنا طاري التمسيح وخاصه الارضيات ...عاد تعرفون مسح السيراميك ومتاعبه...وحنا من زود السنع
نبيه يلعط اي (يلمع من النظافه) للي مايعرف معناها...
نصحتنا الزعيمه ارتوسه بهالمناشف ... وانها عمليه ورائعه بالتنظيف والتمسيح....
عاد انا طيران لجيان واحصلها هناك فيه منها للارضيات...والمرايا...والمطبخ....
وجربتها بصراحه لايعلى عليها رائعه بمعنى الكلمه وخاصه حقت الارضيات.....
تبون تشوفونها....؟؟؟
تفضلو....
هذي فوطه الارضيات روعه تخلي السيراميك يبرق وخاصه اذا استعملتي 2 وحده بالمويه والثانيه
لتنشيف وتلميع السيراميك....
شوفو حجمها....
ومن نفس هالماركه فوط للمطبخ رائعه...وهي فوط اسفنجيه...
المغلف فيه 3 فوط...وردي...وازرق...واصفر....
عليها عرض معاها قلافز من نفس الماركه و3 فوط زياده....
شوفو شكله عن قرب...
شوفو شلون مخربشه ...تمتص الرطوبه بشكل رهيب...
وتلمع لك الكاسات والصحون .....
وتقدرين كل لون تخصصينه لشئ...انا خصصت الوردي لتمسيح الكاسات...والاصفر
لتمسيح رفوف المطبخ...والازرق...لتمسيح الفرن...
ولو تستعملين معاها منظف 409من كلوركس ...تبخين وتمسحين ...طبعا لرفوف المطبخ وخلافه ...نظافه موطبيعيه...(هذي نصيحه من
ارتوس ونفذتها حرفيا) قمت ادعي لها......
وهذي فوطه المرايا برضو من نفس الماركه....
شئ شئ موطبيعي تنظف بذمه وضمير استعمليها مع ملمع الزجاج..خطيره...