فيليه سم ك

مرحباا على كل الطبااخاات الحلوين
هذي طريقه اخذتها من المنتدى من زمان بس توي اجربها
وماتوقعت ازبطها
بس الحمدلله تم كل شي بسلام
اول شي نتبل السمك
طبعاا قطعوه تقريبا 4 قطع لكل سمكه
وبعدهاا تبلوه بهذي التتبيله
مقادير التتبيلة:
(2 فص ثوم مدقوق + نص ملعقة صغيرة فلفل اسود + ملعقة صغيرة كمون + نص ملعقة صغيرة بهارات مشكله + عصير ليمونة + رشة ملح بسيطة)
للتغطية
نجيب ثلاث صحون
الأول:- نحط فيه دقيق ورشة فلفل اسود.
الثاني:- بيض مخفوق.
الثالث:- بقسماط ونحط عليه رشة ملح وسمسم تقريبا ثلاث ملاعق اكل مليانه .
الطريقة
:-
نجيب زبدية ونخلط فيها جميع مقادير التتبيلة ونبدأ نحط السمك قطعه قطعه ونفركه بالتتبيلة لمن نخلص الكمية ونقلبه كله باليد اخر شي لمن نتأكد انه كل السمك غطيناه بالتتبيلة.
نغطي الزبدية ونحطها بالثلاجة لمدة لاتقل عن ساعه. وكل ماطول بالثلاجة كل ماكان اطعم.
وقت مابتطبخينه طلعيه من الثلاجة طبعا وتكونين مجهزة صحون الدقيق والبيض والبقسماط وقبل مانبدأ فيها نكون ولعنا على الزيت لانه لازم يكون حار وقت مانقلي السمك
ونجيب السمك ونبدأ نغطية قطعه قطعه اولا بالدقيق بعدين بالبيض وبعدين بالبقسماط لمن نخلص الكمية
ونبدأ نحطه عالزيت ونخليه لين مايصير لونه من برى زي لون البروست يعني اشقر غامق شوي ومع السمسم بيطلع شكلة حلو
وعملت معاهاا هذي الطحينية
مقاديرهاا :-
نص كوب طحينة + ربع ملعقة شاي فلفل اسود + ربع ملعقة شاي كمون + ربع ملعقة شاي ملح + عصير ليمونه + 3 غطايات خل ابيض + موية .