قروب s0s0 والحلم

soosoo~

23-09-2022 - 12:32 am

اول شي ايش رايكم باسم القروب يارب يعجبكم
كيفكم يا حلوات وايش اخباركم
طبعا انتو شايفين الفيس الي فوق هذا تصوير لحالتي واللهِ من جد تعبانه
انا سلمكم الله كان وزني مره كبير بس بفضل من الله نزلت ولله الحمد ع رجيمات وشوية رياضه وشاي اخضر ، بس مرة فتره سبت الاشياء دي كولها وماكان باقيلي الاشويا واوصل للوزن المعقول
وصلت ل 119 والحين رجعت 131 شايفين الفرق وربي كارثه ومصيبه
طبعا بتعرفون السبب انا كنت ادرس ولله الحمد اتخرجت فتخيلو لا حركه ولا شغله ولا مشغله مافي غيري وغير المطبخ نواسي بعض يا حظي
بس كل الي يشوفني يهزائني ويحطم فيني وايش رجعك وكلام ع الراس
الموهم وانا بدور هون عن رجيمات شفت العالم مسوين قروبات ومره حلوين ماشاء الله بس قيدهم بداو او تكون اوزانهم بعيدده عني والله يهنيهم يارب ويكملو ويصيرو نحيفين ويساعدني ويساعدكم
بس اللحظه دي قلت ما يبغالها يا بنت يا سوسو لازم لازم تبدائي رياضه وشاء اخضر ورجيم واهم شي الرجيم
وحابه بجد بنتوتات تشاركوني وناخد بيد بعض ونصير سمبتيكات ع الاجازه ان شاء الله
كل وحده تحط وزنها وطوولها والوزن المبدائي الي مصممه توصل له
مصممه ومصممه ومصممه توصل له
بليز يا بنات يمكن انا حطيت الموضوع دا لاني بجد نفسي انحف وارجع احسن من اول لاني بجد شكلي تغير ونفسيتي تغيرت بس الحين واللهي النفسيه عدم
وزني الحين 131
وطولي 166
الهدف الول 125 ان شاء الله تعالى
يالا بنتوتات مستنيه همتكم بارجع بكره وبلاقي ع الاقل 3 بنات معايا
ونعمل قروب محصلشي يالا علشان نعلن عن افتتاح القروب
نسيت اقلكم بابدا من بكره ان شاء الله رجيم اللبن والتمره والا ايش رايكم

التعليقات (9)

فراولة مكه

23-09-2022 - 03:08 am

يارب ينحفك وينحفني
بس مو رجيم التمر واللبن يرجع الدبل <<كذا سمعت

دلوعة باباها والكل يبغاها

23-09-2022 - 04:09 am

موفقين

جولنااار

23-09-2022 - 05:10 am

السلام
أنا أبغى أكون معك ولست عنك ببعيد من ناحية الوزن

جولنااار

23-09-2022 - 06:11 am

بس ياعمري جربت رجيم التمر واللبن ومو حلو أبدا

رابحه بحبك

23-09-2022 - 07:12 am

هلا وغلابك عزيزتي منجد مؤسف انك توصلي الى هالوزن وترجعينه
بس دام الامل موجود لازم ترجعي وبعزيمه كبيره
وانا بكون معك هنا لانه وزني مقارب الك
بالتوفيق

*~شهودة~*

23-09-2022 - 08:13 am

أهلين سوسو كيفك ؟
والله ودي أدخل في قروبك
بس رجيم التمر واللبن سويته اسبوعين
نقصت في الاسبوع الاول : 3 كيلو ..
والاسبوع الاني : 1 كيلو ..
وبعدها رجعت الاربعه وفوقها كم كيلو
ماودك عنوني نسوي رجيم غيره ؟؟؟

soosoo~

23-09-2022 - 09:14 am

مرحبا بنتوتات
ترى عادي مو شرط رجيم اللبن والتمر
الي عندها رجيم تاني اوكي
الموهم الاقي احد معايا
يا بنات حطو اوزانكم علشان نشوف ايش راح يتغير فينا ولا تنحرجون
اوكي الي عندها مقترحات تانيه تقول عليها
بليز يا بنات محتاجه احد يكون معايا ويده بيدي وننحف كلنا
انتظر ردكم
جولنار وشهوده حياكم الله في القروب
يالا ايش ناووين تسون وشو الرجيم الي بدكم هو
والرياضه نتفق ع وقت ولازم لازم نلتزم به يعني ساعه او اقل مو مشكله المهم نلتزم
اما عن الرجيمات الي عندها تحط لنا
يسلمو لكل الي عندى من هون وقال كلمه حلوه ويارب ينحفني وينحفكم يارب

soosoo~

23-09-2022 - 10:15 am

باك يا بنتوتات
شوفي حبايبي الرجيم دا بصراحه عجبني كثير
الفطور يومي :
بيضه مسلوق مع كوب (شاي او قهوة) يمكن اضافة الحليب
او عصير (برتقال – تفاح – اناناس )
الغداءاختياري:
صدر مسلوق + خياره
او
حبة واحده "اندومي او نودل " بدون الزيت ويمكن اضافة الزيت بعد نقص وزنك واعتباره كهديه لنفسك + خياره
او
سلطة (خيار خس جرجير)يمكن اضافة الليمون والملح + علبة صغيره تونه بالماء اواذا لم تتوفر يصفى الزيت جيدا منها
او
2 قطعة من السجق + خياره
العشا :
حبة فاكهه (موز- تفاح )او 3 تمرات
+
حليب يمكن اضافة المنكهات (كاكاو نسكافيه فانيللا)او لبن
مع المشي ساعه في اليوم وشرب الشاي الاخضر
بصراحه احسه حلو ولا انتو شو رايكم
خلاص باحاول ابدا من اليوم باذن المولى
* الله يجزي صاحبة الرجيم عنا كل خير

حوريه الكون

23-09-2022 - 11:16 am

مووفقين ان شاء الله
وعلى القووه
ملاحضة
كلمة واللهي**واللهِ
بكسر الهااء
هذا اسم من اسماء الله يجب كتابته صحيح
مشكوره يااقمر

تجمع skinny jeans 4ever من 59Q/40←
نادي نسائي ياليت تساعدوني→