قصة حقيقية غروورك حطم احلامي

1. اول مشاركة لي في المنتدى اتمنى تعجبكن وماتبخلون علي بالرد والدعاء


2. بسم الله الرحمن الرحيم


3. السلام عليكم ورحمة الله وبركاته


4. اسمي نغم عمري 24 سنة وعنوان قصتي (غرورك حطم احلامي )


5. ولكن حب الله هو الوحيد الذي يبقى طول الحياة)


6. فراقك لي عذاب ماانام اليل من كثر لهفتي عليك


7. جلست ابكي ليش ؟


8. احبك قلتهاصافي نوايا


9. عيوني لك وماتملك يديه/؟/


10. وهلت العينين دمعن كالمسيل


11. لجل خله هان دمعه ياعجب*


12. واضرب براسي جدران لمقادير


13. لين اموت من حزني والصمت والويلات*


14. يامتى اشوفك وتتمتع الانظار


15. ياحمودماقدراتحمل غيابك خله*


16. انااعتذر عن الجفا يازين الاطباع


17. اسفه وربي يشهدعلى الحب اللي معميني*

اول مشاركة لي في المنتدى اتمنى تعجبكن وماتبخلون علي بالرد والدعاء

قصة خيانة وغدروطعن بالظهر قصة تقطع القلب واقعية وليست من نسج الخيال الغرض منها اخذ العظه والعبرة حبيت انزلهابالمنتدى عشان الكل يقراهاويستفيدوامنها اتمنى منكم تنشرونها لو بالبلاتوث وبالمسنجر وبالمنتديات اللي انتم اعضاء فيه انانشرتهافي كذامنتدى بس موكافي قصتي تحكي عن كلاب بشريه لان كلاب الحيوانات ماتعض اليداللي تنمدلهاومعروف عنها انهاتوفي لصاحبهامهماطال الزمان يعني احسن واشرف من الكلاب البشريةاللي يمشي الشربعروقهم ورفقاالشيطان

بسم الله الرحمن الرحيم

السلام عليكم ورحمة الله وبركاته

اليوم حابة اني اكتب قصتي واتمنى اني افيد الكثير منها وياخذون العبرة قبل مايذوقون من نفس الكاس اللي شربت منه يمكن تكون قصتي غريبة شوي لكن بكتب اهم الاحداث والتطورات وبختصر فيها وكل وحده تحط نفسها مكاني قبل تقراء وتعيش معي الاحداث على الله توكلت واببداء

اسمي نغم عمري 24 سنة وعنوان قصتي (غرورك حطم احلامي )

القصة بدت بعد حرب الكويت كنت عايشه بحفر الباطن ولانه على حدود الكويت فيه خطر علينا ولان ابوي بيروح يحارب ودانا للديرة عند جدتي الله يرحمها كنت ادرس بالصف الثالث ابتدائي ومتعلقه ببوي كثير وهو بعد نفس الشي لاول مره افارقه وتمر الشهور ماندري عنه حي والا ميت وفارقت صديقاتي ومدينتي وقتها كنت عايشه مع عيال عمي كنت دايم اصعد الجبل اللي بالحارة وابكي لما اشوف طيارة اناديها اقول ياطيارة ياحديد جيبي ابوي من بعيد كان واحد من عيال عمي دايم يلعب معي على انهم كلهم كانوا يلعبون معي بس هو اكثرواحد ماكنت اعرف شي بالحياة كثر اللعب البطل اسمه حمود عمره 23 سنة اصغر مني بكم شهر كثيره المواقف اللي بينا وراح اسرد بعضها خلال القصة بعد مارجع ابوي من الحرب نقل عمله للطايف وصار يجيناتقريبا كل خميس وجمعه ومره من المرات جاتني اخته نوره عمرها 27 سنة وقالت لي حمود يحبك ويبي يتزوجك لاكبر وتهاوش مع نواف (اخو عمتي مرت ابوي عمره 26 سنة )لانه يبي يتزوجك ومسمي اخته على اسمك سئلتها يعني ايش يحبني قالت يعني تصيرين زوجته ام عياله اذا كبرتي مو انت وبس شوفي مي تحب طامي وهو يحبها(طبعا طامي وحمود اخوانها) اذكر لما كنت باول ثانوي دخلت المجلس فجأة الااللي طلع بوجهي اخترعت وانحشت لغرفتي وهو هلوس من بعدها ارسلي خواته وبنات اخوانه وبنات خواته واخواني يطلب حبي وانا رفضت قاله اخوي هي تبي حمود ولد عمي قال (ابو قرص مات مااكل قرصه) صحيح اني ماعرف معناها بس باين فيها التحدي والتهديد وصار يخطبني كل سنه من امي وابوي اظنه عناد مو حب المهم مع الايام بديت اتعلق بحمود كنا نروح للمدرسة ونرجع مع بعض ودايم نلعب ونذاكر مع بعض صرت ما استغني عنه اذكر كل شي واذا اسعفتني ذاكرتي بكتب بعض الذكريات وفي عام 1416وحنا راجعين من المدرسة على رجولنا قالي نغم انا اذا كبرت وتوظفت بتزوجك لاني احبك وانت تحبيني قلت ايه قالي طيب ليش ماتكتبين لي رسايل انا دايم اكتب لك (على اني اربعه وعشرين ساعه معه)قلت طيب اليوم بكتب لك ولما رجعت البيت رقدت وقمت العصر رحت اللعب بالوادي ونسيت اكتب له زعل مني ومالعب معي لما تذكرت رحت عشان اكتب له كنت مادري وش اكتب شقيت ورقه من اخر الدفتر وبديت اشخمط اول مرة بحياتي اكتب رسالة والدليل اني شاقه من اخر الدفتر انبطحت وبديت اخبص ماذكر وش كتبت لاني تفاجأت ببوي داخل علي الغرفه وسحب الورقه مني وقراها كانت صدمة بالنسبة له وتوه جاي من الحرب ومتأثربه وخذي يانغم من الكفوف والضرب لين عرفت ان الله حق واخذ السكين وحماها على النار وكوى يدي ورجلي عشان احرم اكتب رسايل ومعد اروح له ولا اطلع من البيت وضرب امي يقول انت مهمله بتربية البنات انا اكبر وحده مافي اكبر مني خاف علي اضيع واخرب واهين انوثتي يعني موكره لالي ولالحمود وماكفاه الضرب اخذنا للطايف واشترى بيت وتحمل ديون ومشاكل وتمرمطت من حاره لحارة ومن مدرسه لمدرسة تكلف بسبب ورقه شقها وخاطر كسره سافرنا يوم الاثنين نهاية شهر 8 قبل الامتحانات النهائية الترم الاول الفجر قبل مانسافر كتبت له رساله وانا يدي تنزف دم اذكر كتبت فيها
(هذه الايام لاترحم الانسان بل تلاقيه بالحزن والحرمان
تستمد العهد ولكن لاتستطيع تخشى عليك التعلق بها ولا تفرقان
ولو يأتي الموت بغتت وانت تحبها لااصبحت ايامك حزنا وهما

ولكن حب الله هو الوحيد الذي يبقى طول الحياة)

بس هذا اللي اذكره ووديتها مع صلاة الفجر دخلت لقيته نايم قلت لنوره عطيها حمود قالت حطيها تحت مخدته جيت وحطيتها تحت مخدته وبست خده بشويش وسافرنا وطول الطريق كنت ابكي
كان كلام ابوي مأثر فيني قالي بعد فترة الحب الحرام اذا كبرتي وجاء يخطبك ماني براده لكن حب ورسايل وغراميات لالالالا كرهت ابوي ايامها شفته قاسي كان هذا في مصلحتي بس وانا في ذاك السن ماكنت اعرف شي عشت ع الذكريات وتحديت كل المشاعرعشان ابقى رمز وفاء بحياته لما وصلت المتوسط فهمت معنى الرسالة كان باين فيها حبي وخوفي عليه وبعد شي ثاني بس وش كنتوا تتوقعون اني بكتب وانا اشوف الدم بيدي سكنت بالطايف وعشت غربة فضيعه وحزن كل شي تعودت عليه فقدته ماكان يجيبنا للديرة يجي هو وامي عشان يسلمون ويصلون الرحم ويرجعون ولما توفت جدتي عام 1418ه نسيت اني اروح الديرة لان هذا سبب قوي يخلي ابوي يرفض جيتنا صرنا نجي ايام ونروح كان يكتب لي رسايل يرسلها مع اخته نوره وانا اقراها وارجعها لها لاني اخاف ابوي يشوفها لكني مااكتب له وعدت السنين وتغطيت عنه وانقطعت اخباره ورسايله مرت سنتين مارحت فيها لديرة كنت احاول اشغل نفسي باي شي تصدقون اني كنت اقراء موسوعات وجرايد وكتب والمصحف دايم بشنطتي والتلفزيون اتابع حتى الاخبار والاعلانات التجارية واذاكر وارسم بالدفاتر واسطر يعني مااحط راسي على المخدة الاانا دايخة وابي انام عشان ماافكر فيه ومع كذا كنت اتخيله واتمناه جيت بعد اول ثانوي ابي اسئله وش يبيني ادخل علمي او ادبي ومامعي الااسبوع وبعدها نرجع الطايف رحت مسمار عند اخته انتظرها تكلمني عن حمود عشان ادخل بالسالفه لاني جدا خجول وكرامتي وانوثتي تمنعني افتح الموضوع خلص الاسبوع ورجعنا ماادري وش يبي ودخلت ادبي لاني اذكر انه كان يكره العلوم والرياضيات ومرت السنين معد يجيني عنه ولا خبرو تخرجت من الثانوي ولان الله عطاني درجة كبيره من الجمال خاف ابوي علي من بنات الجامعة وخاصة ان الخطابة كثروا عليه كانت المفاجأه ان ابوي طلب التقاعد وخذ ملفي عشان اسجل بالكلية اللي بالديرة انا ماصدقت على الله اني اتعود على الطايف وناسه ليش الحين نرجع وانا قلبي مكسور من الجفاء والهجر وجينا وانا اموت كل يوم الف مره كل مايجني خواته اقول في نفسي الحين يهرجني عنه ويروحن وسيرت حمود ماجات ومرة من المرات وانا رايحه للكلية عندي اختبار شفته يصلح كفرة السيارة مبنشرة بغيت اصارخ من الفرحة اخيرا شفته غرت من الكفرة تمنيت اني مكانها بس مااوسخ يده ولا اوجعه وشوي عمي ينادينا عشان نروح معه ركبت يم الباب اللي صلح كفرته من الغيرة ودخلت الكلية والا انا ناسية شنطتي بالسيارة والادهى والا مر اني نسيت كل شي ذاكرته وبغيت ارسب بس الحمدالله نجحت وان كان على الحفه بس كنت فرحانه اني شفته بعد ذيك السنين عرفته من دقت قلبي وفزته عرفت انه حمود ماشفته زين بسبب الغطوه والبعد بس اهم شي شفته انا راضيه ويغني عن القصر عشه خلصت المستوى الاول ونجحت وكنت الاولى على الدفعه كنت حاطه حرتي بالكتب لانها هي الشي الوحيد اللي تشغل تفكيري شوي عنه لكن من جد نفسيتي عدم اصعب شي بالحب انك ماتعرف مشاعر الطرف الثاني واللي اصعب منه اذا عرفت انه مو لك ويحب غيرك
جبروني اهلي على الدراسة كنت ابكي يوميا وانا رايحه للكلية وانا راجعة بيتهم قدام بيتنا على طول وهذا قاعد يعذبني بس محد حاس فيني وهو راح راح يدور وظيفة بالرياض بعد ماخلص من المعهد خفت انوار المدينة تعميه خفت افقده خفت ينساني كنت انتظر جيته بفارغ الصبر ولما اسمع انه جاء لديرة اطير من الفرحه على انه مايدري عني

فراقك لي عذاب ماانام اليل من كثر لهفتي عليك

بشروني وانامهموم بشروني بقدومك يانظرعيني .. جيتك وانافرحان حاولت اقترب منك لكنك طلبت الوداع .. ويوم رحت دمعي ع خدي انتثر.. ومرت الايام .. وتقول عني مسكينة .. عليك الله ياظالم ومخلي المشاعريتيمه... روح وصد عن عيوني ..وبعدهاتكفى لاتناديني روح الله ينسيني ...الم حبك الم عشقك الم جفواك*
نهاية الترم الاول جات امه عندنا بالبيت وانا جالسه اكوي ملابس الكلية رحت اشم ريحت حمود فيها سلمت عليها وطرت اجيب القهوه نادتني امي تعالي القهوه هنا قالت عمتي ام حمود لي: حمود زادوا راتبه وعطوه سيارة بالاقساط ومابقى الا المرة يقول زوجيني يمه وقف قلبي بين ضلوعي وحارت دموعي بعيوني وهي قاعده تسولف عنه ثم قالت وش رايك ازوجه والا لا؟ بغيت اصيح بس امي قاعده خنقتني عبرتي وقلت انا وش علي ؟ قالت كيف وش عليك انا جيت عشان اخطبك لحمود ولدي ايش حمود حمرت خدودي من الفرحة ماني مصدقه رحت اركض لغرفتي بكيت من الفرحة ونطيت حمود يحبني يحبني مثل مااحبه وقفت على المرايه اكلم نفسي اناظرها اقول حمود باقي على عهده باقي مانساني من فرحتي ماقعدت بنت بالكليه من صديقاتي ماعلمتها وشديت حيلي لانها قالت خلصي الكليه اول ياربي الكليه اربع سنين وش يصبرني ! مايخالف باقي سنتين ونص اللي صبرني ذيك السنين وانا حيرانه بمشاعره يصبرني اللي باقي بعد ماجات (امه) تخطبني له حبيت كل شي يحبه لدرجة الاندومي اللي مااطيقه اول ماعرفت انه يحبه اكلته وادمنت عليه .الترم الثاني جاني ابوي بعريس على قولته ماينرد رفضت مابي غير حمود احرجت ابوي قدام الرياجيل كل ماجاني احد رفضت لما صار يضغط علي تعبت وغبت عن الاختبارات النهائية اسبوع وانا تعبانه ولان الاستاذات يحبني كتبوا لي توصيه عشان اقدر اعيد الاختبارات لان عذر غيابي مو لائحي وقت ماكنت تعبانه جاتني نوره بنت عمي قالت ياغبية كملي معد بقى شي والله ان تطفشين بكرة من جلست البيت انا ماصدقت قلت اكيد حمود ارسلها وماتبي تقول عشان امي جالسه عندي بالغرفة واقوم واذاكر واكمل دراستي الغالي يامر امر وخذت الثالثة على الدفعه بس وعدت نفسي اعوظها عن اللي فات واجيب اعلى الدرجات عشان اكبر بعين ولد عمي لما جيت المستوى الثالث كنت احمدربي كل ماذكر ان التخرج قرب واحاول اشغل تفكيري باي شي مرة وانا قاعده على التلفزيون قلت اللي بتجي فالي على حمود طلعت اغنية لاحلام
ارجوك تنساني وانا اوعدك بنساك وانسى باني في حياتك حبيبة
لادام غيري عايش الحب وياك مااريد اكون بوسط قلبك غريبة
كنت افتكرفرحي على كف يمناك
واحلم اعيش العمرمنك قريبه
لكن فرقنا القدريوم لقياك
الله اكبريالظروف العجيبه
ضحيت في حبك واضحي لفرقاك
والله يهني من غدت لك حبيبه
لاتعيش بي ذكرى ولااعيش ذكراك
كلن بياخذ في حياته نصيبه *

جلست ابكي ليش ؟

فجأة جات اختي اشواق الصغيرة تركض قالت لي حمود صار عليه حادث وامه في بيتنا الثاني تبكي
صحت حمود.............. كان قدام رجلي كاسه ماشفتها شتها برجلي وانكسرت وشقت رجلي ورحت اجري مثل المجنونه وانا مخطوفه على حمود الدموع ماليه عيوني طلعت الشارع من دون حجاب ولانعال رجلي تنزف وانا اجري رايحه للبيت الثاني دخلت والا هي تبكي وعمتي زوجة ابوي تهدي فيها دخلت دموعي تكت كت طرحت راسي على صدرها وانا ابكي قالت (تطمني جات سليمه الحمدالله على سلامته هذا يوم اقوله لاتسرع مايسمع الكلام عسى ربي يخلي لي حمود مايسرع) !! قلت (من اللي صار له الحادث) ؟ قالت( محمد) قلت (محمد والا حمود) قالت (لامحمد وحمود يقول بجي قلت لا يامك لاتجي خلك مكانك) ومن الفرحه استقبلت القبله وسجدت شكر لله انه مو حمود طبعا الكل لاحظ الحركة بس انا الوحيدة اللي مانتبهت وقمت اغسل دموعي والا اشواق على الباب واعطيها ذاك الكف اللي تموت مانسته قلت مره ثانيه اسمعي الاسم زين بعدين تكلمي جات امي تخاصمني تعذرت بانها روعتني وانا غافله بعدين حسيت الم برجلي يوم ناظرت والا اه رجلي وابكي توي استوعب واللي استغربت منه اني طالعه لشارع من دون حجاب ولا نعال وانتم بكرامه

• ابي منك الرضامابي هدايا

حنانك والوفى اكبرهديه

احبك قلتهاصافي نوايا

عيوني لك وماتملك يديه/؟/

ومرت هالسنه ونجحت وجبت الاولى على كثر المصاعب بس عشان حمود شديت حيلي وجات اخر سنة 1429ه ياربي لك الحمد باقي احدعشر شهر واتخرج صرت اعد الاسابيع والايام ياكثر ماعذبني الشوق وياكثر اللي جو يخطبوني لاني خلاص بتخرج بس مايهمني ولد عمي يحبني وخطبتني (امه) الحين خلاص معد باقي لنا عذر والله تعبت الشوق يذبح

• من يقول الشمس ماتشرق بليل

من يقول الغيم مايمطرذهب
من ذرف دمعة فراق للخليل
لازم يصدق كلامي ياعرب
والمجرب اسأله عنده دليل
من عنا الفرقى وقسوتها شرب
وسامرالنجمات باليل الطويل
النجم يتعب وهوماقدتعب
صارسهراليل عن خله بديل
واصبحت قمراه شمس تلتهب
لورقد باليل جاطيف جميل
كدرالخاطرعلى من هويحب

وهلت العينين دمعن كالمسيل

لجل خله هان دمعه ياعجب*

وجاء عيد الاضحى كنت بالمطبخ في بيت عمي والا اللي دخل تصلبت مكاني اناظر مو مصدقه بعد هالسنين اشوفه على الطبيعه *لان صورته عندي بالجوال وهذا اللي مصبرني على الدنيا وبلاويها وعلى الهجر والجفاء بس ماقد شفته من تغطيت عنه الا مره واعتقد قلت لكم متى لما كان يصلح الكفرة* وقفت اناظر نسيت ان المطبخ مليان وهو وقف شوي ثم طلب منشفه وصابون وطلع ماحسيته مستانس ماحتى سلم ولا عيد ولا ابتسم كان في عيونه حزن نفسي امسحها انط واجيب اللي يبغاه لكن ارجولي تسمرت مكانها ماطول على طول طلع اما انا تقربت الارض ماني قادرة اوقف على رجولي و ركبي تصقع في بعض واخذت الكبد واللحم وقطعته مع عمتي على اني كنت قبل لحظات اقول ووع مابي اقطع اللحم اتقرف من الدم قالت حمود هو اللي سلخها هو وعمك تمنيت اني كنت السكينه اللي ماسكها من كثر غيرتي عليه طلبت عمتي جوالي عشان تكلم طامي لانه ماجاء للعيد تبي تعيده عطيتها جوالي على اني مااحب رقمي يطلع بجوال رجال بس مدري كيف انشل تفكيري حسيت ان ذاك العيد احلى عيد بحياتي كاني من زمان ماعيدت واليوم الثاني لبست احمر وكشخت ومسكت اخته بدرية قلت اكيد بتجيب لي سيرته وبتعلق على الموقف اللي صار امس وجابتها اخيرا لكن وش قالت قالت (انا اقول لمشاعل صديقتي بزوجك حمود )وبعدها سكتت تناظرني تفاجئت بدموعي اللي حارت بعيوني وعشان تتدارك الموقف قالت (حنا نمزح مع بعض دايم كذا نتريق ) بس انا ماقدرت اتحمل كل شي يهون الا ان حمود يروح لغيري كرهت اسم مشاعل وبكيت من القهر وتعبت طول شهر(12و1و2)وزاد التعب لما كنت في بيت عمي عند وحده من بناته نفاس كنت جالسة بجنب نوره ودق حمود اه ياليتني الجوال ليتني اقل شي اسمع صوته ذبحني الشوق احيانا احس ان حمود خيال مو حقيقه حسيت نفسي ببكي لان محد فاهمني ومو قادرة اتكلم مع احد ولا افتح قلبي وفعلا بكيت لكن لما طلعت للمجلس وتخاصمت مع مرام بنت عمي لانهاقالت لعمي يخطبني لمشاري وزعلت وارسلت لي رساله تعاتبني رديت عليها

• كملي الناقص من الدنياوقولي مايصير

اتدخل في حياتك وبتركك للذكريات
واصفقي خدي ولكن بحرصوت الهجير
وانقضي عهدالقرابه وش اسوات
بنت عمي وودهابحالي الكسير
ماينجبروابقى كذاطول الحياة
اصرخ بصمت اوانادي واستجير
من نارالشوق بجحيم الظلم والونات
قلت لك عن عيدالاضحى وش حصل فيه من التغير
قصة عبدالرحمن وابوي قلتها لك اه
مااظن انك نسيتي سالفةقلب الزمهرير
والكلام اللي حكاه ابوي لعمي يوم جاه
قلت لام سلمان لعل همي الاسير
ينعتق اسره واعرف وش اللي بلاه
اكره حياتي وحالي كل ماله في سعير
سألتهاعن حمودوش اعني له بدنياه
ابي اعرف منهواللي عطاه ابوي الامير
بنته وقال هي لك وبهالصيف بيلفاه
وانت وعدتيني تعرفين السالفه وقمت استخير
واشكي همومي لرب البيت ماخاب من دعاه
في كل سجده ادعي وابكي من حالي الكسير
وانت كملتي الناقص وتهددين بشقاياه
اذا انت بنت عمي وحكيك مثل حكي النذير
اجل وش حال غيرك اذا درى عن الشكاه
مابقى لي غيرحزني والمي الاخير
واخرامنية لي يقولهاكل من قراه
يمرعلى قبري ويدعي لي ابعث مع البشير
واشوف حمودهذي اغلى الامنيات
وانت كبيره علام تفكيرك صغير
من عقلك هذي الرساله شمعة طفتهأ المعاناة
لكن بكيفك مثل مابغيتي خليني بهمي اسير
في وحدتي على اشواك الالم والحسرات

واضرب براسي جدران لمقادير

لين اموت من حزني والصمت والويلات*

وجات الامتحانات النهائية الترم الاول وكنت مرهقه نفسي اكثر من طاقتي عشان ارفع راس اهلي وراس حمود واخر سنة مرة صعبة وموادها كثيره والاستاذات زفت في التعامل مع التربيه الميدانية تكمل الرصه وبكرة عندي اختبارولما رجعت من المستشفى بعد المغرب لقيت ام حمود قدامي جلست تكلمني عن حبي الوحيد كان نفسي احط راسي على صدرها واقول اه يابخت هالصدر اللي رضعه وضمه تقول( حمود نحيف بس قوي ) وانا اقول بنفسي افداه لو يكسرني حلاله ماازعله ولا اعصاه وحمستني للامتحان ورحت اذاكر وخذت بالمادة الدرجه الفل على اني جلست ربع ساعه على الورقه ابي استوعب اللي صار البارح والناس يختبرون بس الحمدالله حليت ورجعت البيت اخر اختبار بكره جيت من الكليه بفطر واكل فيتامينات وانام لاني مرهقه جدا وانا على الفطور قالت امي لابوي (ام حمود جاتني البارح ونبهتني ماازوج البنت لانها تبيها لحمود) قال ابوي( يصير خير المواضيع هذي مايتكلم فيها الا الرياجيل النسوان مالهن دخل) ابوي انسان شكاك لابعد حد وطبعا ولد عمي ماراح بعيد خذا هذي الخصلة قالت امي (انا ماقلت شي بس انبهك لاتعطي الرياجيل وولد عمها اولى بها ثم حمود مافيه عيب موظف وطيب وبار بامه وابوه ثم كلن يناديه يبي يزوجه وهو مايبي الا بنتك امه تقول ان صباح زوجت اخوها تقوله تعال واختر من بناتي) وقتها بغيت اموت غضيت بالقمه وطلعت دمعتي قدامهم رحت اركض لغرفتي ماني متخيله ان وحده ثانيه تجي تنافسني على حبي الوحيد تقفلت الغرفه وانا مخنوقه لاياحمود دخيلتك لاتسويها وتبيع بنت عمك ابوي جاء يدق علي الغرفه مافتحت العصر فزر الباب وانا طايحه نزل عندي الضغط ارجف من التعب والهبوط شالني ووداني للمستشفى كنت ابكي وانتفظ ورجعت البيت الساعه11 بالليل وبكره عندي اختبار ماذاكرت كنت ناويه اغيب بس عشان حمود رحت وانا والله تعبانه راحت امي معي من كثر ماكنت تعبانه ((تتخيلون بنت بالكلية مستوى رابع امها تروح معها وش معناه)) لما جلست على الكرسي تذكرت في وحده تنافسني ويمكن تاخذه مني طحت على الورقه ماقدرت اتحمل وماحليت ورسبت بالماده!!!!! اول مره ارسب صرت دايم ساكته اناظر باهلي مو مستوعبه رسبت!! وحمود يمكن يروح عني

• قولوا لحبي ترى طال الانتظار

والصبرقدملني من قبل لامله
بلغوه عن حالي الذي بدا ينهار
ماعادلي غيره حبي وعشقي له
يارب ياعالم بحالي والاسرار
تجمع قلبي معاه واحتله
يارب تسترعليه وتكفيه الاشرار
يارب احرسه حتى من النمله
ياحمود اشكي لك الحب والاخبار
ماقصرت في وصف كل زله

يامتى اشوفك وتتمتع الانظار

ياحمودماقدراتحمل غيابك خله*

رحنا جده نغير جو ورحت اجلس على الشاطئ وافكر باللي سلب عقلي وخلاني اتقلب على نار الحيرة كنت مشغله اغنية هندية وحاطه السماعات باذني ورحت للهند وياي حمود بتفكيري عشت جو رومنسي ماقدرت اتخيل حياتي من دونه تمنيته جالس جنبي وراسي على كتفه واللعب باصابعه وهو يتغزل فيني وجلست ابكي لاني تذكرت ان غيري حاطه عينها عليه وتقدر تتكلم بس انا كتوم ماعندي احد افتح له قلبي واحكي له مافي احد اثق فيه كنت انتظر حمود يجي عشان اقوله كل شي بخاطري

• شكيت والاحبست الالم بوسط الاضلاع

بكيت والاحبست الدمع في وسط عيني
حبيت والاكرهت وش نفع الاوجاع
دام الحبيب صادعني ومايجيني
اموت الفين مره ويزيدالهم صاع
وانا اشوفك ياحمودمومهتم فيني
اناصغيرالسن وشعري قليل الانفاع
مثل شخاميط الطفل شعري بيديني

انااعتذر عن الجفا يازين الاطباع

اسفه وربي يشهدعلى الحب اللي معميني*

جا الترم الثاني وجات عمتي تجدد الخطوبة راح التعب يعني حمود يحبني مايبي بنت خاله لعيونك ياحمود باكمل ومثل ماخذت الترم الاول بكل المواد ممتاز ماعدى مادة باخذ الترم الثاني ممتاز اهم شي لاتخليني وشديت حيلي وانا حيلي مهدود خذت تقويم الايام وصرت اعد الايام على الصيف خلنا نتملك وبعدها ياخذ وقته لو يقعد عشر سنين بنتظره بس ماخذ غيره ولا ياخذ غيري ابي انطق اسمه من دون لااخاف ابي اسولف واسئل عنه من دون لاحد يشره علي مرت الايام طويله وبعد الامتحانات الشهريه جاء قرار ان المواد المحموله تختبر بعد الشهرية واختبرت ونجحت الحمدالله وجات الامتحانات النهائية سويت ملخصات للبنات وحددت الكتب وشرحت الصعب وبذلت اكثر من مجهودي عشان حمود على اني تعبانه ومرهقه من شان عين يقال تكرم مدينة كل يوم اشطب على اليوم اللي راح واعد كم باقي

• عشانك بس راح اكمل.. لاجل ارضي شخصا عشقته من زمان... عشانك بتحدى الظروف ..واقتل كل معاني الخوف ..واسلم على احلى همس بالدنياواترنم ..واسمع صدى صوتك واغني احلى القصيد عشانك بس.. ابي اهتف لكل الناس.. احبك يااصدق احساس.. يااروع كون بالاكوان ..ياحموديااغلى الناس.. أحبك والله الشاهد وعشانك بس بصرخ احبك موت يااحلى من التوت *

واخيرا جا اليوم الموعود بكره اخر يوم اتفقت مع البنات انا نلبس ونكشخ ونتأخرونسوي احلى مينز رجعت نمت ثم قمت المغرب صليت وقريت الاذكار ومسكت كتابي والشوق يصارع الثواني قبل الساعات متى يجي باكر متى ارجع من الكلية متى نتملك اندق الباب من؟ بدريه اخت حمود فرحت اني شفتها احسها تدري اني احبه ماطولت لما شافتني اذاكر لسه مابدت اختباراتهم نسيت وش قال