قصتي مع ولد عمي الوسيم

1. المهم ...


2. الجزء الثاني و الأخير :


3. قلت له .. إيه عد واغلط ...!!! قال لي .. وين تروح بالضبط ..؟؟؟ ...


4. قلت له .. والله أنا دايم أروح الربع الفاضي


5. وقال الذيب .. آآآآآآو ... (( يعني .. كلك تراب ..!! )) خ...

هاذي قصتي يوم أنقهرت من ولد عمي الوسيم !!!؟؟؟>> تم دمج جميع الاجزاء هنا
..
هاذي قصة أحد الشباب أضحكتني كثيرا" ,,, فنقلتها ,,, وهي من عدة أجزاء .........

المهم ...

هذا الله يسلمكم ... كان عندي ولد عم في نفس عمري ... بس إنه قاهرني ... لأنه متفوق في دروسه وذكي ووسيم ورجال ... وأنا عكسه .. لأن الكل يقول إني أهبل وشين وماعندي ماعند جدتي ... واللي قاهرني إن ابوي دايم يقول لي .. ليش ما تصير رجال مثل ولد عمك ...!!! ..!!!
عاد ولد عمي ما يدري إني حاقد عليه وإن ودي أتوطى في بطنه من القهر ... حتى أذكر إنه أول ماتخرج من الجامعه وأنا كنت في ثاني متوسط .. مع إننا في نفس العمر بس مثل ما قالوا .. لله في خلقه شؤون .. (( وش دخلها ..!! )) .. المهم إن ولدعمي جاني وهو فرحان وقاال لي ... بااركلي يافهد أنا تخرجت من الجامعه بإمتياز .... قلت له ... مبروك يالزلابه... (( من الحقد اللي فيني ..!! ))... هو استغرب .. وقاللي .. وش قلت ..؟؟؟ قلت له .. أمزح معاك الله يأخذ عمرك .. (( ماش .. ماقدرت اخفي الحقد ..!! )).. قال لي .. فهد وين ودك أدخل بعد ما خلصت الجامعه ..؟؟ مدري وش ارد عليه من زود القهر ..!!! ...
(( يحسبني امزح وجه الزمزميه .. مايدري إن ودي أفقع جبهته ببقس ..!! ))....
وحتى عند الرجاجيل .. دايم يحترمون ولد عمي وأنا مطنشيني .. ماحد يعبرني ... ويقلطون ولد عمي مع الرجاجيل .. وانا يقلطوني مع الدفعه الثانيه انا والبزران ...
الين جتني حاله اسمها فرانكفورت ... وهذي الحاله تصيب الشخص اللي يحس إنه مضطهد .. (( ياشيخ افلقني إذا كنت فاهم معناها ..!! ))... ومن آثاار هذي الحاله إن الشخص يكون ما يهتم في أحد .. ويصير يدخل الحمام ويخلي الباب مفتوح ... يعني ماجاب خبر أحد ... (( لأنك وااثق إن مافيه أحد بيطل عليك يالشين ..!! ))...
وفي ليله من الملاليل .. كنت جالس في غرفتي .. وافكر في شي يخليني اصير أحسن من ولد عمي ... وطبعا في الدراسه ماافيه أمل اصير أحسن منه .. لأنه حسبي الله عليه ذكي .. وأنا مافي راسي لدرجة إن اللي في نفس عمري تقاعدوا وبعضهم توفى .... وفي الشكل برضه مافيه أمل أصير أحسن منه ... لأنه حلواحمر ووسيم اللي مانيب قايل وجه الطماطه .. (( والله يانا حاقدعليه ..!! )) ....وانا شين ووجهي كله جروح وعمليات .. حتى أذكر مره إني بغيت أصور .. ورحت لمحل تصوير .. وجلس المصور المصري ساعتين يحاول يصورني وماقدر ... ويووم تعب قال لي المصور .. شوف يابني .. إنت تصويرك صعب لأن وجهك مالوش أول ولا آخر .. لكن أنصحك يابني إذا كنت عاوز تصور إنك تروح لأقرب مستشفى وتاخذإشاعه لوجهك ... لأن الإشاعه حتوضح وجهك أكثر من الصوره العاديه ... (( حسبي الله على المصري يذب علي ..!! ))..
المهم .. إني قررت أتفوق على ولد عمي في المرجله ... يعني أتعلم المرجله .. واصير رجال .. عشان أبوي يرفع راسه إذا شافني ... (( اكيد ابووك اذا شافك بيررفع راسه ... وبيقوول يارب خذه وفكني منه ..!! ))....
وفي اليوم اللي بعده اتصلت على واحد من العيال إسمه هيثم .. وقلت له .. ابيك ترسلني لوااحد يعلمني علوم المرجله .. ويكوون فاهم في كل شي .... قاال لي ... إبشر بارسلك لواحد مشهور إنه رجال وعنده علووم طيبه .....قلت له .. منهو ...؟؟؟قال لي .. منصور ..... قلت له ... لا ياخوي إرسلني لواحد سعودي ..!!!!قال لي ... طيب هذا سعودي ..!!! قلت له .. كيف سعوودي ومن صور .. ولا يمكن أمه عمانيه ..!!! قاال لي .. ياالخبل .. الرجال إسمه منصور ... قلت له .. ماعليش أحسبك تقصد إن الرجال من مدينة صور العمانيه ... (( واضح إني من جنبها في الجغرافيا ..!! ))
المهم ... رحت لمنصور .. وفتح لي الباب .. وقال لي .. ياهلا والله .. أرحب ياولد ابوي ... وقلطت عنده في البيت .. وهو أنوااع الترحيب فيني وطاير فيني لدرجة إني شكيت في نفسي وقلت وش ناوي عليه ذا ...!!! (( ماتعوودت إن أحد يحترمه ..!! ))... وجاب لي قهوه وشاهي بعد ماكنت إذا قلطت عند أحد يجيب لي قوطي بيبسي مشرووب نصه وبعدها يمسكني الباب ...!!!
وبعد ما تقهويت ..جلس منصور يسولف علي من سوالف الأولين وقصصهم وقصايدهم .. وانا ماني فاهم وش يقول لأنه يتكلم بلهجه غريبه وكلمات قديمه .. بس أحس إنه رجال وهو يتكلم .... وجلس يسولف علي وأنا مثل الدجاجه مدرري وش يقول هو يمدحني ولا يسبني ... بس إني إذا شفته ضحك ضحكت معه .. وإذا شفته زعل زعلت معه ... إلا مره زعل هو وأنا تلخبطت وضحكت ... وقاام يناظرني وهو منهبل .... المهم إنه غثني بسواالفه وقصايده ....ويووم خلص قال لي ... وانت وش عندك من قصيد يااولد ...؟؟؟ قلت له ... عندي انشوده حلوه .... قاال لي .. أنشوده ...؟؟؟؟ قلت له .. إيه .. إسمع وش تقول ..... كان فيه أرنب قاعد يلعب **** لا لا لا ........ وما أمداني أكمل إلا ورجله داخله في بطني ... وقاال لي .. نعن أبووك هاللحين جالس أسولف عليك سواالف رجااجيل وآخرتها تقول لي كان فيه نعامه جعلها ترفس بطنك....!!!!
بعد ما تهزئت جلست ساكت ... ومادريت إلا منصور يقول لي .. ترى ذبيحتك ماتت .... قلت له .. أفا .. هذا اللي كنت خايف منه ... من اللي ذبحها ...!!!!؟؟؟؟ هو انهبل .. وقاال لي .. لا قصدي ذبيحتك ماتت يعني ...!!! قلت له .. يعني عدلتها انت هاللحين .. علمني بس من اللي ذبحها والله لأتوطى في كرشته ( أخس يالقوي)....!!!!الرجال ماعاد عرف وش يقول ... وسكت شوي وجلس ماسك راسه .. وانا واقف عنده وطلعت جوالي ... وقال لي .. وش بتسوي انت ..؟؟؟ قلت له .. باتصل على الشرطه واعلمهم ...!! قال لي .. ياخوي أنا قصدي إني ذبحت ذبيحه لك عشان نتعشاها مع بعض ....قلت له .. الله ياخذ هالوجه .. خوفتني .. كنت أحسب إن الارهابيين ذبحوها ...!!!
وجلسنا نتعشى .. وبعد ماخلصت من العشى قمت .. ومنصوور يناظر فيني يحتريني أقول له أنعم الله عليك ولا أي شي ... وأنا مااجبت خبره .. دبغت في العشى وقمت أغسل ولا قلت ولا كلمه .. وبعد ماجلست قلت له .. بصراحه عشاء إبن سته وستين (......).... وهو يناظرني ومنهبل ... كني به يقول من وين جتني هالبلوه ...!!!
وجلسنا بعد العشا أنا وياه وهو باقي يرحب فيني ويمدحني .. عاد أنا انبسطت عنده لأنه أول واحد أحس إنه يقدرني ... ونشبت له ... عاد جت الساعه وحده وأنا لازق عنده ... والرجال فيه النوم ووراه دوام ... وقام يلمح لي مره يتثاوب ومره يغمض عيونه ومره يناظر الساعه ... وأنا ماعندي إحساس أبد جالس ألعب لعبة الثعبان في جوالي .... وقال لي ... تصدق إن الوقت طار .. وهاللحين السااعه وحده ... قلت له .. يارجال هذي حاال الدنيا .. (( مالها دخل في الموضوع ..!! ))... سكت منصور شوي وقاال لي ... ياخوي تصدق إن الدوام قلق يقولون لازم تجي بدري ... قلت له .. يارجاال الدوام لله ... وأنا أقول في نفسي .. وش هالغثيث .. يشوفني جالس ألعب وهو يسولف علي ..!! .... وسكت شوي وقاال لي .. تصدق إن النوم عباده ...قلت له .. الله المستعان ...!!!! عاد أنا أقول في نفسي .. شكله منقهر مني عشاني جبت درجه عاليه في الثعباان ويبي يخرب علي .. (( منيب عاقل مخترع الطاقه..!! ))....
..المهم إنه أذن الفجر .. ورحنا نصلي في المسجد اللي جنب بيتهم .. وهو فيه النوم لدرجة إنه نام وهو ساجد في الصلاة .... ويوم طلعنا من المسجد قال لي .. يالله عاد وخلنا نشوفك ... قلت له .. ماعليك كل يووم باجيك ... (( كني حسيت إن وجهه تغير وانصدم يوم قلتها ..!! ))... ومشينا أنا وياه .. ووصلنا بيته ... عاد هو يحتريني أركب سيارتي .. وأنا أحتريه يفتح بااب بيته ... قال لي .. وش فيك نسيت شي في المجلس ...؟؟؟ قلت له .. لا بس تونا بدري وودي أجلس معاك .. إلا إذا كانك تضايقت مني ...!!! قاال لي .. لا وش دعوه حبيبي .. البيت بيتك ...!!! قلت له .. لا أنا بيتي بعيد هذا بيتك إنت ..!! قال لي ... قصدي إن البيت واللي فيه تحت أمرك ....... قلت له .. حتى خدامتكم ...!!! أنا قلتها ولا ماقلتها ... مادريت إلا أنواع الضرب ... وانا اصيح وأقوله إني كنت أمزح معاه بس .... وهو مستمر في الطق ... اللين طلعت العشا اللي تعشيته .... وبعد ماخلص من الطق دخل بيته وسكر الباب ... وتركني غارق في دمائي ..... وركبت سيارتي ورجعت للبيت .
بعد مارجعت للبيت .. اتصلت على صديقي العزيز هيثم .. وعلى فكره ترى عمر هيثم اثنعشر سنه عدا ونقدا ... إتصلت على هيثم وعلمته بالسالفه وقاال لي .. ولا يهمك .. وأنا أعرف شباب حقين بر وعلوم مرجله .. وهم هاللحين بيطلعون البر ... وأنا باوصف لك مكانهم ورح لهم وهم بيعلمونك المرجله .... (( مع إن عمر هيثم اثن عشر سنه .. بس أحسه أرجل مني ..!! ))..
المهم جمعت أغراضي وحطيتها في شنطه .. وكانت أغراضي عباره عن كريمات للجسم وعطورات ومزيل رائحة العرق .. (( صفقني ياشيخ ..!! )).. وبناطيل جنز وفنايل بدي وشورتات .. (( إنت رايح للبر ولا لسوريا ..!! ))... وركبت سيارتي ورحت للشباب ... وعلى الطريق وقفت عند بقاله وشريت لي حليب السعوديه لأني سمعت إن البر فيه حليب خلفات مدري مخلفات وخفت على نفسي وقلت لاازم آخذ احتياطاتي ...
وصلت عند الشباب .. وكان عددهم أربعه وكلهم أشناب ... ولقيتهم محملين عزبتهم في جيب شاص ومعاهم برضه جيب لاندكروزر ..... وقفت سيارتي الفياقرا عندهم .. (( يالرربع تراه بدا يكذب ..!! )) ونزلت عندهم ... هم قاموا يناظروني ومستغربين ... وسلمت عليهم وقلت لهم .. أنا اللي مرسلني لكم هيثم ...قالوا لي .. انت اللي تبي تتعلم المرجله ...؟؟؟قلت لهم .. إيه أنا .... قالوا لي .. يالله لبق سيارتك واركب انت وشنطتك في صندوق السياره مع العزبه ... (( يلعن أم الاحتقار ياشيخ .. بس ماعليه أهم شي أصير رجال ..!! ))...

الجزء الثاني و الأخير :

ركبت أنا وعفشي معاهم .. وتوجهنا للبر .... وبعد مامشينا مسافه طويله .. طلعوا عن الخط ومشوا في طريق ترابي ... بيني وبينكم أنا شكيت في نفسي .. وحسيت انهم ناوين شر .. (( ياخوي من زينك انت وخشتك .. يعني يمكن نصدقك لو قلت إن شنطتك هي اللي شكت في نفسها ولا نعلتك هي اللي شكت .. أما انت معصي ...
المهم .. مشينا في البر وبعد فتره وقفوا سياراتهم ونزلوا .. وانا ماسك في يدي مقص اظاافر ومطلع السكين حقته .. عشان إذا أحد سوى لي حركه بايخه أطعنه ... (( يا زين المرجلة ..!! خ
المهم .. انهم نزلوا ونزلوا عزبتهم ... وقلت لهم .. لا يكوون قصدكم بتجلسون في هالظلام ....!!!! وهم اللي ينااظروني باستغراب .. وقال لي واحد منهم .. ماعليك ياشااطر بكرره بنسدد فاتورة الكهرب وبيرجعون النور ...!!! (( والله إني صدقته ..!! ))
أهم شي انهم نزلوا الخيمه عشان يركزونها .. والتفت علي واحد منهم وقال لي ... جب الاطناب ...!!! بيني وبينكم أنا توهقت .. لأني ما أدري وشهي الاطناب ... وانا اللي أسووي نفسي نايم عشان مايدري إني من جنبها ...
وبعد ما ركزوا الخيمه وصلحوا القهوه والشاهي جلسنا كلنا في الخيمه ... وقاال واحد منهم لي .. أنا صنهات وهذووللي محماس وناشي وشايع ... قلت له .. نص بطيخه ....!!! قالي لي .. وشهي ذي ...؟؟؟ قلت له .. جواب اللغز اللي قلته ...!!!! قال لي .. ياخوي هذي أسامينا ...!!!!! قلت له:اها وانا اسمي فهد..... وسألني صنهات: بالله يا فهد أنت قد رحت للبر قبل كذا ....؟؟؟
(( والله البلشه .. وش اقوول له هاللحين ..!! ))

قلت له .. إيه عد واغلط ...!!! قال لي .. وين تروح بالضبط ..؟؟؟ ...

قلت له .. والله أنا دايم أروح الربع الفاضي

وهم اللي ينهبلون .. وقالوا لي .. وين وين ...؟؟؟ ... قلت لهم ... ماتعرفون الربع الفاضي ...!!!! قالوا لي .. وينه ذا ...؟؟؟؟ .. قلت لهم .. الربع اللي مافيه شي ... مااعمركم سمعتوا عنه ...!!!! ومادريت الا محماس يضحك ويقول ... قصده الربع الخالي ...!!! وهم اللي يضحكون .. وقلت لهم .. يارجال نفس المعنى بس أنا بغيت أختبركم ...!!! (( ايه هين ..!! ))
عاد طول ماحنا جالسين كان ناشي يناظرني بنظرات تخوف .. بيني وبينكم أنا خفت .. يعني ما يصير بعد كل هالعمر أموت وفي بر بعد ... وقلت في نفسي لازم أخوفهم .... وقمت أسولف لهم عن بطولاتي ... وقلت لهم ... تصدقون يوم إني صغير كانوا عيال الحاره يسموني رونالدو لأني كنت أقوى واحد فيهم ... وتصدق ياناشي إنه مره تجمعوا علي خمسه كلهم قد شنبك أو أكبر شوي .. (( من الخووف قاام يهذري ..!! )) .. تصدق إني طقيتهم كلهم .. ومن بعدها صاروا عيال الحاره كلهم أصدقائي .....
قاال لي ناشي :يارجال الدنيا مصالح ... قلت له: مصالح النعيمه ...!!!! ومادريت إلا فنجال القهوه مسنتر في جبهتي ...!!!! ..
المهم ... إن العيال ناموا .. وانا ماقدرت أنام من الخوف ومن شخير صنهات ... أزعجني بشخيره والله كني نايم جنب ماطور كهرب ... وبعد جهد جهيد نمت ... بس ما أمداني أنام إلا حسيت إن ودي أروح الحمام ... وقمت من النوم متوهق ... لأن البر مافيه حمامات ... وأخاف ألبس الحفاايظ اللي جبتها معاي ويشوفوني .. وفي الأخير قرت إني أطلع برى الخيمه وافتك ..... طلعت من الخيمه وقضيت حاجتي .. (( إخس يالمؤدب ..!! )) ...
وانا راجع للخيمه سمعت صوت .. وشفت شي يلمع عند باب الخيمه ... ويوم قربت منه إلا هو ذيب ... أفا وش السواة هاللحين .. وجاتني أم الركب وقمت أرقص من الخوف ... وقلت للذيب : ياذيب أنا باوصيك لا تآكل الذيب ...!!!

وقال الذيب .. آآآآآآو ... (( يعني .. كلك تراب ..!! )) خ...

ويووم شفت الدعوه كذا وانا اللي أحط رجلي وانحاش ... والذيب كافخ وراي ... وانا منحاش .. والذيب ماسك طبلونه وراي ... المشكله إني ما أشوف شي ... وبرضه مازلت منحاش .... ومع الظلام صارت لخبطه وصررت أنا اللي الحق الذيب وانا مدرري عن نفسي .. والذيب منهبل ومنحاش مني .... ويوم انتبهت إن الوضع تلخبط وأرجع أنحاش والذيب رجع يلحقني .... وفجأه وانا منحاش والذيب وراي لقيت قدامي ذيب وذيبه في وضع مخل ... ويووم شافوني استحوا وتغطوا بالشرشف .. (( يلعن أم النصبه ..!! ))
المهم أنا يووم شفتهم صاروا ثلاثه يئست وجلست بينهم وقلت لهم .. كلووني بس بشويش ...!!!!! بس صار شي غريب .... لاحظت إن الذيب اللي كان يلحقني جالس يتكلم على الذيب الثاني ويصاايح عليه .. والذيبه منزله رااسها وجاالسه تلبس ملابسها .. (( يااخوي تسوولف على محششين أنت ..!! )) المهم إنهم جلسوا ساعه يتكلمون مع بعض وانوااع الصياح ... وانا جالس أهديهم واقوول لهم تعوذوا من الشيطان يالرربع وانت يابو الشبااب البس سروالك .... مع إني ما أدري وش يقولون .. بس فهمت إن الذيبه هذي زووجة الذيب اللي كان يلحقني .. وإنها كانت تخونه مع أعز أصدقاائه ... وفهمت بعد إن الذيبه تقوول لزوجها .. إنك تتركني طوول الوقت وتجلس تطارد خلق الله وتاركني في نار وعذاب ....
المهم ... إن الذيب اللي كان يلحقني واللي هو الزووج المغدور .. طلع من جيبه مسدس وذبح زووجته ... ونط عليه الذيب الخاين وشات المسدس من يده .. وجلسوا الذيبين يتضاربون .. وانا جالس أفرق بينهم ... وفجأه وصلوا أخوياي صنهات ومحماس وناشي وشايع .. وشافوني بين الذيبين وذيب ثاالث ميت .. وحسيت انهم انهبلوا .... وطاالت المعركه بين الذيبين وانا بينهم .. وثار الغبار واختفينا أنا والذيبين داخل الغبار ..... وفجأه .. انقشع الغبار .. واخوياي منهبلين ويحتروون اللي بيصير ... وطلعت أنا من بين الغبار والذيبين ميتين وانا ماسك كل ذيب بيد .. (( لا يرووح فكركم بعيد .. الذيبين ذبحوا بعض .. يعني أنا ماالي دخل ..!! )) خ....
واخوياي يوم شافوني نطوا علي وهم يصايحوون ويصفقون .. (( فااهمين غلط ..!! )) ... ويقولوون لي .. والله إنك رجال وماشفنا ولا سمعنا بمثل شجاعتك ...!!! ... بيني وبينكم أنا مشيتها عليهم .. وما علمتهم السالفه الحقيقيه ... وخليتووهم يحسبون إني أنا اللي ذبحت الذياب الثلاثه ...!!! ... وطلع محماس كاميرا وجلس يصورني وانا سادح الذياب الثلااثه في الأرض وحاط رجلي فوقهم .. وصوره ثانيه وانا ماسك ذيب مع حلقه وأقول له .. قول ركبنا الدباب مافرملناابه مية مره بدوون ماتغلط ولا بأشويك ..
المهم بعد ماخلصنا من التصوير .. التفت على ناشي وقلت له ... وش عندك اليووم تناظرني بنظرات ميب زينه ...؟؟؟ قاال لي وهو يرتجف من الخوف ... ماعندي شي والله .. بس لأني أول مره أجلس مع وااحد في مثل شجاعتك ورجولتك ...
وانقلب الحال ميه وخمسه وسبعين درجه ..(( بااقي خمس درجاات .. خصمت لسوء السلوك ..!! ))
وصاروا أخوياي كنهم عبيد عندي ... أتحكم فيهم على كيفي ... وأي شي أبيه يجيبونه لي بدوون مناقشه ... وصاروا يصدقون أي شي أقوله لهم .. وبعد ماكنت طالع معاهم عشان يعلموني .. صرت أنا أللي أعلمهم ... (( الله يعوض أهلهم خير بداالهم ..!! )) خ...
وفي إحدى جلسات السمر .. سألني شايع وقاال لي ... إنت عندك حلال يافهد ...؟؟؟ قلت له :أكيد عندي حلال واجد .. لأني ما أحب الحرام .. وأي شي حلاال أسويه .. وأي شي حرام أبعد عنه .. لأن الحلال بيّن والحرام بيّن ...!!! .....
ولاحظت إنهم إستغربوا من كلامي .. بس أتوقع إنه أعجبهم ...... وقال لي شايع:لا أنا قصدي عندك إبل وغنم ..؟؟؟ قلت له .. طيب لاا تقااطعني لأني أصلا فااهم سؤالك وكنت باجاوبك ... (( صفقني ..!! )) ...
وبالنسبه للحلال اللي تقصده فجدي الله يرحمه ويطوول عمره كان عنده براعين واجد .. وكان أشهر واحد عنده براعين الوانها حلوه ...!!! وسألني صنهات:وش هي البراعين ؟؟ قلت له :أحد ما يعرف البرااعين ؟؟ البرااعين هي حيوان يشبه الزرافه لكن ظهره مورم ومنتفخ مثل وجهك ...
قال لي :قصدك البعارين ..!!! وأنا اللي أفك الضحكه .. وقلت له .. ياقدمك يااشيخ .. طلع من فمك غبار يوم قلتها ... يااخوي أول كانوا يسمونها بعارين .. بس بعد مادخل الانترنت للسعوديه صاروا يسمونها براعين ... (( عاش مصرف ..!! )) .... وشكلهم صدقوني خ...!!!!
وسألت الشباب :انتم وش اللي يطلعكم للبر .. مع إن حكومتنا الرشيده وفرت جميع سبل الراحه للشباب .. ووفرت لهم أماكن يضيعون وقت فراغهم فيها .. مثل الأسواق والمقاهي والشوفي كوب .. (( قصدك كوفي شوب الله يصلحك وياخذك ..!! )) خ..
. يعني مافهمت وش يطلعكم للبر ...؟؟؟؟ قاال لي صنهات - اللي الظاهر إنه المتحدث الرسمي حقهم - : شوف يافهد .. في البر نحصل راحتنا ونختلي مع أنفسنا بعيدا عن ضوضاء المدينه وصخبها ... في البر نرمي ورانا كل الهموم ونسترجع الطاقه اللي ضاعت في زحام المدينه .. في الب.........
على وين يا فهد...؟؟؟ وكنت أنا باوقف ... وقلت له :والله ودي أقضي حاجتي ،
قال لي :بس أنا جالس أسولف معاك ...!!! قلت له :يارجال كلك تبن من زين سوالفك هاللحين يامحمد الشرهان على غفله ...!!! .... وكان محماس فاك خشته ويتبسم .. وكني به يقوول في نفسه .. أنا أشهد إنه رجال .... (( أحس محمااس أكثر وااحد صدقني ومتأثر فيني ..!! ))
ويووم جا وقت الظهريه طلع ناشي با