قصه روعه لا تفوتكم آآه يالدنيا عيال عم ولا يتعارفون

الجزء العاشر
سار حمد عند موزه هو وشمة بس خايف شو بكون ردة فعلها بعد ما قرت القصيدة أخاف الحين تفرنى بالكتب إلى عندها ..الله ينطب هالحالة ..بس يالله بستر ..سار حمد صوب موزه ويحس خطواتة ثقيلة ولا يروم يشل ريوله من الدعنة.. الحين أكيد بتفشلنى جدام الخلق ولا بسوي مشاكل..كانت موزه عاطية مقفاها لحمد لأنها بعدها ما منتبة لوجودة عند شمة ..تقرب حمد أكثر فأكثر ..وقلبة يدق بشكل كبير ..خلاص الجرأه خانتة ..يالله بلعون.. ويمر هاليوم على خير..حمد خلاص مسك عمره وخذ نفس عميق: الشيخة لو سمحتى ممكن دقيقة ..وتلف موزه لورى..
موزه من شافت حمد قلبها إنقبض وطاحن كل الكتب إلى عندها ويلست مبهتة فيه.. اله محلاتة.. وعيونها بدن يلمعن تقول نجوم في ليلة ظلمة..ومبهتة فيه..حمد إستغرب من ردة فعلها؟؟!!!..أكيد هاي تخبلة...؟؟
حمد والإبتسامة على ويهه:السموحة الشيخة زيغتج؟؟؟؟!!
موزه بعدها ما ردت لعالمها:.............
حمد وخى وشل الكتب وعطاها إياهن:سلمتى..
موزه بعدها ما منتبة للموضوع ولا شلت الكتب:..............
شمة شافت موزه وهى مستغربة ليش ما شلت الكتب من عند حمد..فقامت ومطت طرف عباة شمة وفي صوتها صايح :موزوه...موزوه؟؟
موزه الحمد لله الحين إنتبهت وشافت شمة:ها شو ؟؟
شمة: موزه حمد يكلمج ليش ما تتكلمين؟؟؟
موزه وتلتفت لحمد: آسفة..خير؟؟
حمد وعلامة تعجب على ويهه: لا حصل خير...
موزه ردت الذاكرة لها الحين هذا حمد إلى يلعب ويا شموه؟؟؟؟اله محلاتة والله أنة يعق الطير من السما...الحين هذا من وين ظاوى؟؟؟ معقول هذا الحين مواطن ؟؟أنا شفت ناس وايدين بس مثل جمالة ما شفت..ياي..
حمد ويقطع حبل أفكارها:الشيخة شىء فيج؟؟
موزه:هاه شو؟؟..لا ما فينى شىء..
حمد الحمد لله والشكر هاي أكيد خبلة مش طبيعية:أقول الشيخة ممكن أشل شمة وألاعبها وبردها..ما بتأخر خمس دقايق..
موزه تذكرت القصيدة وردة لعالمها..ردت موزه إلى كانت معصبة منة.. ومن حركتة ومن كلامة إلى في القصيدة..صدق وقح..كيف يتجرأ ويكتب القصيدة؟؟.. الحين أنا قولى كذب ظاهر؟؟ على قولتة.. وأنا الحين ما أعرف أكتب القصيد.. والله أنة جرح شعوري من كلامة.. ليش يسوي فينى جيه؟؟..أنا موزه بنت سالم ..يقولى جيه ..ما علية الحين براويك: لا الشيخ ..ما أقدر أخليك تاخذها..
حمد إنصدم من ردة فعلها ..توها كانت غير والحين غير شو بلاها: هاه ليش الشيخة؟؟
موزه وبدت تظهر ملامح الحقد من عيونها والعصبية:بس جيه (وترفع صبعها على راسها) كيفى.عندك مانع ..هيه أختك ولا إختى؟؟؟
حمد عصب منها ومن حركتها..شو هالحركات؟؟شو هيه ياهل إسوي جيه؟؟ بس هو كان متوقع أنها إسوي جيه..ما فينى على المشاكل.. لف عيونة على شمة ويمسح على شعرها: شمة حبيبى إن شاء الله مرة ثانية .......وقطعتة في كلامة..
موزه: شو؟؟ مرة ثانية؟؟ هههاي أونة مرة ثانية.وبعدين من تكون أنت عشان إتى وتكلمنى؟؟ ولا بعد تبى تشل شمة؟؟ أونة يبى يشلها يلعبها..
ويلست تظحك عليه ظحكة إستهتارية.وهى تكلمة مربعة إيدينها ورافعة واحد من حياتها..
حمد بدأ يعصب منها ومن كلامها عطاها نظرة حارة بس هيه بولباس.. سارت عندة ومطت شمة من إيدها..يلست شمة تصيح بصوت عالى لدرجة الموجودين إنتبهو لها..حمد عصب منها ليش هيه إسوي جيه؟؟..عنبوه هيه ليش ما ترحم أختها؟؟..أنا ما بسوي شىء بس بلاعبها وبردها..الحين هيه حطت حرتها على إختها ..كلة مني والله حرام عليها ..هاي بنت صغيرة ما تفهم..عنبوه هيه من الصبح يالسة تصيح وهي ما عاطتنها ويه والحين بعد تبى تصيحها..هاي ما فيها رحمة؟؟..أنا لازم أوقفها عند حدها.. سار حمد وراها ..ومسك شمة من إيدها ..
حمد وهو معصب:صبري ..صبري شعندج؟؟
موزه وتطالعة بنظرة تكبر من فوق لتحت:خير شعندك؟؟؟شىء فيك؟
حمد خلاص فول من رمستها:الشيخة حرام إسوين جيه بالبنت ..أنا غلطان والسموحة وإسمحيلى على الكلام إلى كتبتة في القصيدة و لو كنت أعرف أنج بسوين جيه ما كتبتها..ولا تحرجين على البنتية ومحطية حرتج عليها أنا الغلطان مش هيه.هاي ياهل ولا تفهم..
سارت موزه عند أختها ومطتها من عندة مرة ثانية..
موزه وإبتسامة سخرية على ويها: أقول تراك وايد ماخذ من عمرك مقلب..الحين أنت تتحسبنى وايد مهتمة بقصيدتك..ههاي أولا تعلم كيف يكتبون قصايد وبعدين تكلم ..أونة أنا زعلانة منة..شو تتحسبنى وايد ممتحنة منك؟؟وبعدين كيف تكلمنى؟؟ولا بعد لاحقني..صدق ما فيك مذهب..وأنت شو يخصك ليش داز بالوية..تراه رزت الفيس من طباع التيس..يا تيس..
خلاص حمد وصل حدة..صبر عليها وايد بس الحين خلاص ما في فايدة كثر الكلام وياها..هاي المرة الثانية إلى تكلمة بهاي اللهجة وهو ما ممسوي شىء وتغلط علية الحين أنا مظيع المذهب؟؟الحين أنا تيس؟؟ خلاص حمد من كثر ما هو كان معصب .. عطاها كف..عشان يصحيها من الكلام إلى تقولة وثمنة..موزه كانت منصدمة من حمد وكيف تجرأ وسوى جيه..عيونها إمتزرن من الدموع..وقفت محلها ولا تحركة ويالسة تطالعة والدموع تنزل من عيونها ..خلت إيدينها على ويها وشلت أختها وسارت عنة.. حمد..يلس مكانة منصدم بعدة ما مستوعب شو إلى سواه..لا أنا في حلم..أنا كيف وتجرأت وصفعتها؟؟ معقولة؟؟!! أنا سويت جيه..حس الدم في عروقة حارة حس إيدة خلاص تعورة..الصفعة ما كانت خفيفة الصفعة كانت قوية..لدرجة علمن صبوعة على خدها..آآآآآآه أنا شو سويت ليش سويت جيه؟؟..ليش ما تمالكت أعصابي ؟؟شكلها ياهل وأنا لازم أتغاضا عنها..هيه كان من حقها أنها إسوي جيه؟..أنا الغلطان.. أنا الغلطان.. يا رب الحين شو أسوي؟؟حتى أختها كانت مندسة وراها كانت خايفة مني..شمة إلا كانت تقولى حمد أحبك ..خلاص العلاقة إلى بينى وبينها راحت ..هاي البنت الصغيرة كانت تنتفض من الزيغة مني. .يلست تصيح..آآآآآآآه أنا شو سويت ليش سويت جيه؟؟ليش؟؟ليش؟؟..ما قدر حمد يوقف على ريولة يلس حس قلبة يعورة حطة إيدة على قلبة ومسك القميص ورص على صدرة..آآآآآه قلبي يعورنى الويع رد علية مرة ثانية حس حمد الدنيا تدور به يشوف الدنيا سودة في عيونة..حاول أنة يوقف على ريولة عشان ما يطيح على الأرض وبعدين أهلة بيدرون بحالتة ما حد من العائلة يدري بويع حمد ما يريد شىء يستويلة فمشى شوي ويلس..حس حمد بشوية راحة بعد الويع ما وقف..أريد أسير عندها..أريد أتأسفلها..أريد أشوفها..حرام ...حرام ..يلس حمد يصرخ في داخله ..لالالالالالالالا ..دخيلج لالالالالالا أنا غلطان ..أنا غلطان..أريد أتأسف لها ..أريد أراضيها ..والله بسوي أي شىء المهم أراضيها.. السموحة.. السموحة.. بس ما يفيد بعد الفوت صوت..
موزه..بعدها ما سكتت من الصايح...كانت تصيح مثل اليهال..إختها كانت ساكتة وتطالعها.. ما تكلمت ولا قالت كلمة..موزه تصيح وتصيح..أنا ليش قلتلة هالكلام؟؟أنا ليش جيه غبية؟؟الحين شو أسوى؟؟أنا ليش غبية لهاي الدرجة؟؟أأأأه وترفع عيونها لفوق وتصيح.. كانت الصفعة إلى عطاها حمد ما عورتها كثر نظراتة وردة فعلة..عيونة تكلمن عن لسانة.. محر نظرات..نظراتة تكلمن ووفن عن لسانة..أنا ليش نزلت من مستواي جيه.. الحين شو بقول عني بنتهم جليلت أدب..وترفع صوتها على الرياييل ..آآآآآآآه يابوية ..الحين شو بكون رايك في بنتك؟؟؟...الحين خيبت ظن أبوية فينى..كان يقولى بنتى غدي عاقل ورزين..البنت حلاتها في عقلهاو تصرفاتهاوأدبها .. قايسي الكلمة قبل لا تنطقينها هى زينة ولا لا ..آآآآآه الحين لو يدري أبوية عنى شو بقول عنى.؟؟!!يا ظياع التربية ؟؟؟يا ظياع التربية؟؟!!..أنا أستاهل كل إلى يانى وبعد أستاهل كفين مش كف..يالله برحمتك..يالله برحمتك.يا الله بالعون ضاعت منى حواسي.يا حر الجرح لما يكون على إيدك يالغريب..ويلست موزه تلوم نفسها وكلامها لحمد..هو كان ياي بطيب نية ..أنا ليش عاملتة جيه؟؟ليش ياربي؟؟ليش؟؟هيه إلا قصيدة ..وأنا كنت البادية..بعد شوي اقطعن أفكارها ..وهدى صايحها شوي..رنة تيلفونها..
موزه وتغير صوتها على أن كل شىء طبيعى:ألو..
سلامة: موزوه وينج؟؟
موزه يالسة تتلفت على المكان هيه أصلا ما تعرف وين يالسة ..شافت محل عطورة عدال محل الكتب: هااه ..سلامى أنا عدال محل الكتب بمحلين..
سلامى: أوكية..يالله تعالى بسرعة..
موزه:أوكية..
إلتفتت موزه لشمة ..إلى بعدها ما مستوعبة إلى إستوى ..مسحت دموعها وإبتسمت لشمة..هي ما كانت تريد إصيح شمة ولا أنها تأذيها هي سوت جيه بس عناد بحمد هي أصلا وايد تحب شمة لأنها أختها وأختها الوحيدة ..فكيف بتكرها؟؟وصيحها؟..
موزه وإبتسامة على ويها:شمة شو فيج؟؟
شمة: بدت تصيح..
موزه: حبيبى لا تصيحين...أنا بس كنت أصيح لأنة حمد كان يغايضنى بس..
شمة تطالع أختها وعيونها إنترسن دموع:.........
موزه: شمة حبيبى ما ريدج تقولين حق حد أنى كلمت حمد ..أوكية..
شمة ونزلن دموعها:أوكية بس أنا ما أحب حمد..حمد شرير..
موزه خنقتها العبرة: لا حبيبى حمد مب شرير حمد وايد طيب..لا تقولين أنة شرير ..حليلة مرة ثانية يوم بيي بييب لج هداية وألعاب لج..
شمة بدت شوي تهدا :صدق والله؟؟
موزه:هيه.. آآآآآآآه حليلج يا شموه..
سارت موزه وشمة عند محل الكتب عشان يلقون موزه هناك..
سلامى ويدينها متروسة من الألعاب حق شمة: شمووه حبيبى إندوج هاي الألعاب حقج.
شمة: حقى أنا ؟؟اله وايد حلوات.
موزه كانت تمشى بخطوات ثجيلة ومنزلة راسها تحت كل تفكيرها بحمد..تذكرت الصفعة وتحجبت زين عشان ما حد يلاحظ ...وهى ما تريد تفتح الموضوع حق حد حتى سلامة..
ويلست سلامة تزقر موزه وقطعت حبل أفكارها..
سلامة: موزوه..موزوه..
موزه وإبتسامة مطفية على ويها: هلا سلامة شو بلاج؟؟
سلامى: لا والله شو بلاج أنتى من متى أزقرج وعاطتنى بو لباس..
موزه:أنا ...لا بس كنت أفكر شو من الكتب أشتري؟؟
سلامة: خلاص أنا إشتريتهن كلهن ما عندى وقت ..يالله بسرعة...يتريونا...وتمسك موزه من إيدها ويظهرن من المحل عند الباركنات ...كانت سيارتين ليمونيز واقفات في الباركنات يتريونهن ..كلهم ركبو السيارتين ..بس يدتهم وحمد وسعيد بسيرون بسيارة حمد البورش إلى كانت مبركنة في الباركنات..لأنهم بسيرون لندن عشان الدكتور قال لازم يسوون فحوصات حق يدتهم قبل العملية..ويوم بخلصون الفحوصات بردون عند عمهم وأهلهم في الريف..
حمد بعدة قلبة يعورة ما رايم يقوم من مكانة..حس أن سعيد يتقرب منة خلا عمرة ولا شىء فيه..عشان سعيد ما ينتبه له..ويسويلة سالفة..
سعيد: حمد يالله بسرعة نروح أمايا شيخة تتريانا ..الحين أكيد محتشرة..
حمد يقوم شوي شوي:يالله سعيد ..سعيد حس بحمد ..أنة مش طبيعى شىء فيه..
سعيد ماسك كتف حمد:حمد أبوية شىء فيك؟؟
حمد وإبتسامة صفرة على ويه:لا سعيد ما فينى شي..
سعيد:لا والله عيل شي فيك ..
حمد:يا بوية قلنالك مافينى شىء يالله عن نتأخر على أمايا شيخة..
سعيد يمشى ويحس بحمد خطواتة ثجيلة ولا يروم يمشى ..وويه معتفس ..الحين أنا ما بسألة ولا بقولة شىء لين يهدى شوي..وصلو عند الباركنات..كانت يدتهم من التعب راقدة في السيارة..
سعيد: الحمد لله العيوز رقدة وفكتنا من الصدعة..ههه
حمد ولا رد ولا قال شىء:................
سعيد:حمد خل أنا بسوق أنت شكلك اليوم وايد تعبان..
حمد: على راحتك..
سعيد: أقول حمد وين تبانا إنروح بيتك ولا بيتنا؟؟
حمد :بيتنا..لأنة بيتكم سمعت عمى منصور يقول فيه صيانة..
سعيد:أوكية ..
دام الهدوء والسكوت طول الدرب..مش من عادات سعيد أنة يسكت طول الدرب يلتفت على حمد إلا كان سرحان يطالع الدريشة طول الدرب وساكت ولا يتكلم اللهم كلمات بسيطة(أوكية.....إن شاء الله..على راحتك...ما مشكلة) سعيد حاس بحمد مش طبيعى.. بس لو الحين تكلم بحرج علية حمد وما يريد يظاربون في الدرب وبعدين بعصب وبروح يسكن في الفندق..لأنة حمد يوم يعصب ماحد يكلمة لأنة يسوي ويقول كلام ما يثمنة وبعدين يتندم علية..وصلو البيت..والخدامة فتحت الباب لأن كل الخدم موجودين لأنهم يعرفون أن حمد بيوصل اليوم لندن..بس الخدم إللى في بيت حمد لبنانيات لأنة ما يحب الأجانب يخدمونة..البيت طابقين ووايد فخم لونة بنى غامج على خمري أول ما دش البيت إتيك صالة دائرية كبيرة كلها زجاج لونها بنى فاتح والطابق التحتى كلة صالات مفتوحة على بعضها وفي صالة مطلة على الحديقة فيها بيانو..لأن حمد يحب يعزف على البيانو لأنة يوم كان يدرس في بريطانيا كانو يعطونة دروس موسيقى طبعا يوم كان صغير.. أما الطابق الفوقي فيه خمس غرف مع صالة وحمام خاص بكل وحدة وإلى فوق يشوف إلى تحت لأنة البيت كلة مفتوح على بعضة..وشكلة مثل المتاحف من كثر اللوحات والتحف ولون البيت من داخل أسود ..وخمري..شكلة فخم ..لأنة حمد يحب هاي الألوان..
أم فادي:الحمد لله على السلامة أستاز حمد..
حمد ما عطاها ويه كان تعبان..
سعيد رد بسرعة:الله يسلمج...أم فادي جهزي غرفتين حقى وحق أمايا شيخة..
أم فادي:لك تأبرنى ست أم سالم..الحين دغري بروح أجهز الغرفتين.أستاز سعيد بدكن عشى؟؟
سعيد:لا والله مشكورة..
حمد سيدة دخل غرفة وخذ شاور ونسدح على الشبرية كان وايد تعبان قلبة يعورة .. يلس يضغط على صدرة ..ويتلوى من الويع .يلس يكح ويكح ..ويه صار أحمر من الكحة ..سار الكبت يدور الدوى وين مخلنة ..مالقاه يلس يدور في الغرفة لين ما لقاه خذ الدوى ومهدئات..ومن التعب رقد..أما سعيد يلس ويا يدتة ووداها الغرفة عشان تترتاح... يلس سعيد في كراسى الحديقة ما ياه الرقاد يفكر في حمد وفي إلى غيرة بهالسرعة؟؟حمد أكيد شىء فيه ..شكلة وايد تعبان لدرجة أنة ماكان يمشى زين ..كان ميود شىء عنى ..بس باجر إن شاء الله بقولى.
مد ريولة على الطاولة ..وشل وردة من المزهرية..ويلس يطالعهاو ينتفها...ويلس سعيد يفكر ..في حال هالدنيا ..حرام أبى أرد عند قوم عمى والله الرحلة كانت فنانة ووناسة.. ما كنت أتوقع أنى بتعلق بهم بهاي الدرجة....وخطر في بالة مى...آآه يامى يابنت عمى ..لو أنها مغرورة بس غرورها حلو..بس ماشاء اللة جمال ما شاء الله عليها..ذكرها يوم كانت ياية عندة عشان تقولة أن يدته كانت تبى حمد..شقايل كانت ...كانت تبى تيلس وياي وتتكلم بس غرورها ما خلاها..بس نظراتها تكلمن عن كل شى..يلس سعيد يعد قصيدة ..سعيد وايد يحب القصيد..
كحسنك طبيعى كله اعجاب *** سبحان ربى لى مسويك
نظرة عيونك طرف جذاب *** ماريت لي مثلك يباريك
بسباب بين ويش لاسباب *** يلي من محبك تجافيك
الروف واجب بين لاحباب *** والوقت شاين دون غاليك
والحب لزم اعهود واطلاب ***لا عاش خلي من يخليك
تعال صوبى زد لا حباب *** لبي محبك لي يناديك
لنه فوادي منك ماطاب ***باع الغوالي لاجل يشريك
ادوس لجلك وسط لصعاب *** اطلب حياتي صدق بعطيك
ما همني من قال كذاب *** الرب يشهد واني أبغيك
يا زين حظ كيف ما جاب *** نحس الليال ضد مغليك
آآآآآآه يا مى شو إلى سويتية فينى؟؟؟
سبحان ربي كيف الأوصاف تعجر** عنك يا ذا راعى العيون المناعيس ..
متى برد عند الأهل وأشوفها مرة ثانية..آه ياعيونها ذبحتنى.. شكلى طحت من أول مرة.. هاي أول مرة أشوفها جيه إستوالى ..الله يعين بلى بيي..وبعد شوي سار سعيد يرقد لأنة خلاص كان ..تعبان ..
في السيارة الاولى كانت موزه ومى وسلامة ونورة وعمهن منصور..والسيارة الثانية كانت أم موزه وسلطان وحرمت عمه منصور وشمة وسارة..طول الدرب كانت موزه ساكتة وطالع الدريشة السيارة ولا إطالع الكوب إلى عندها وسرحانة وعيونها كلهن دموع ..أما البنات ما سكتن من كثر السوالف ومى وسلامة كل عادة يظاربن..
سلامة وتكح من الظحك:موزوه..موزوه ...شو فيج؟؟
موزه إنتبهت أنة سلامة تزقرها تمسح دموعها عشان ما حد يلاحظ وظهرت إبتسامة صغيرة: ما فينى شىء أنا أسمعكم...
نورة: عيل نحن من ظهرنا من المطار نسولف وأنتى ما تكلمتى ولا بكلمة ...
مى: والله إفتكيتى إلا جان سوالف سلامى ما حد يريد يسمعهن...
سلامى وصد صوب موزه: في ناس بموتون من القهر عشان أن سوالفى أحلى من سوالفهم..الله يعينا من الغيرة..
مى: أأأأأأأأأأأأأأوف..الله يعينى منج ..يا دبة..وتفرها بالمخدة..
سارت سلامى ومطتها من كشتها: أنا دبة..يمسودة ويه..من حلات جسمج..يا درام ديزل.
سارت نورة تحايز بينهن: الله يهديكن شو فيكن..أنا خاطري مرة تيلسن ولا تظاربن ..بس خلاص أنتن مش يهال..
مى: أأأأأأأأي شعري ..ما بى أيلس وياها أريد أمايا ..الحين أنا درام ديزل ..والله كل البنات يقولن جسمى جسم عارضات أزياء..
نورة:أص تراكن بتوعن أبوية..حرام عليكن ...تعبان..ما بقى شىء الحين منوصل.. إستحملن..
مى وطالع سلامة:أنا ما كنت أعرف في بنات غجر ما عندهن أسلوب ..
سلامة وهى معصبة:أنا غجرية ..ماعلية ..الحين براويج كيف الغجر..
مى بصوت عالى:خلاص التوبة ..التوبة..أنتى شيخة البنات..
سلامى:هيه جيه أباج..يلست نورة وموزه يظحكن عليهن...وعم الهدوء في المكان.. وسلامى ومى رقدن أما نورة يلست تقرى الجريدة ..وموزه ردة على ذاكرتها ويا حمد.. يلست تلعب بالكوب إللى في إيدها..وإبتسمت..يالله يارب تحطينى أشوفة مرة ثانية.. وصدت لدريشة تشوف المكان..ما كان حد موجود برى كل الناس في بيوتهم الوقت فير الناس بعدهم في سابع نومهم..رفعت نظرها لسما كان القمر بدر والسحاب مغطنة بس ضوءه باين.. نزلت عيونها لأرض كانت الأرض ياينها مطر والبقعة متبللة..حست ببرودة في جسمها ما عدا المكان كان دافى..لمت جاكيتها بقو على صدرها..وحكت راسها على كتف سلامى وإستسلمت لنوم مثل ياهل صغير..وبعد ساعة وصلو البيوتهم..
عمهن منصور:موزه...سلامة...نورة...مى...قومن الغاليات وصلنا..
موزه وتفتح عيونها شوي شوي:هاه ........إن شاء الله عمى.. سلامى..سلامى.. قومى يالله
نورة قامت من رقاد:مى...مى...قومى..
قامن كلهن وسارن كل وحدة بيتها ومن التعب سيدة دخلن ورقدهن..أما موزه سارت عند السيارة الثانية عند أمها ..
موزه والإبتسامة على ويها:أمايا ..أمايا..الحمد الله على السلامة..
أم موزه:الله يسلمج..أخيرا وصلنا..أسمنى تعبانة وما شوف من الرقاد..أمايا سيري ونزلى أختج من السيارة ووديها غرفتها..
موزه:إن شاء الله ..سارت وشلت أختها ووقفت عند مدخل البيت..آآآآآآآه يا البيت ما تغير.. آخر مرة يايتنة من 8سنين.. بيتهم كان شكلة ريفي وعصري ممزوج.. فيه حديقة كبيرة أول ما تدخلين البيت وفيها مسبح وكراسي..وفيه غرفة زجاجية في الحديقة..البيت طابقين أول ما دشين البيت صاله كبيرة وفي النص جرة كبيرة وداخلها ورود من كرستال شكلها وايد حلو ..والطابق الأول فيه مجالس ومن الصوب الثانى مطبخ وغرفة طعام.. وفيه دري دائري للطابق الثانى وفي الطابق الثانى 4 غرف مع حمام خاص لكل غرفة وفوق الجرة مباشرة نافورة (خيول)شكلها وايد حلو..كل شىء مثل ما كان ما تغير شىء ..البيت كان دافى لأن الخدم كانو مورين المدافىء إلى في البيت والغرف..الله البيت محلاتة وسارت وخلت أختها في غرفتها ..وسارت المطبخ عشان تسلم على أم وديع وبنتها..عشان هن إيلسن في لندن ونظفن البيت وأم موزه ما تعرف إنجليزي عشان إتيب خدم إنجليزيات وهن كانن من زمان عندهن..كانت أم وديع وبنتها راقدات لأن أهل موزه وايد تأخرو ...فهن رقدن ...ما علية باجر بسلم عليهن..
موزه:ميري ..هاتي شنطي وخلين داخل الغرفة ..أبا أسبح..
ميري:أوكية مام..
سارت موزه داخل غرفتها..ويلست تطالع الغرفة..كل شىء مثل ما كان ماشىء متغير.. ووقفت عند البلكونة وطالع برع ..الله الصراحة الجو روعة متى بي باجر عشان أسير أسلم على نيكولاس وساندرا..(نيكولاس وساندرا)بيتهم مقابل بيت قوم موزه وهي وايد تحبهم وهم بعد..هم أصلهم لبنانين بس سكنو في لندن ..وهم بعد أغنياء بس الله ما عطاهم العيال فكانو وايد يحبون موزه مثل بنتهم..
فيابت ميري الشنط ورتبتهن في الكبت..
موزه:ميري وين ماما وسلطان؟؟
ميري: كلش روح نوم..
موزه:أوكية قود نايت..
ميري:قود نايت وشلت موزه بجامتها وخذت شاور بسرعة وسحت شعرها ويلست تنزل المخاد من شبريتها ..وندست في فراشها..لازم باجر أقوم من الصبح عشان عندي مشاوير والله إشتقت للندن.. ما بقى غير كم من ساعة عن إيي الصبح..وغمضت عيونهاورقدت بسابع نوم..
شو بستوى لموزه؟؟؟؟وشو بستوى لحمد؟؟؟ وشو بستوى لسعيد؟؟؟وشو بستوى لمى؟؟؟ وبعد سلامة وسلطان؟؟؟؟

الجزء ال 13
الساعة 7 الصبح ... الشمس مخطتنها الغيوم ...والهواء تلاعب أغصان الشير ... بدى اليوم... العصافير في الشير يغردن بصوتهن الحلو.. والجوى برى روعة...الناس قامو من رقادهم .إلى ساير الشغل ....وإلى يسوي رياضة.. وإلى في الحديقةوإلى يسقى زراعة وإلى يعدلها ويقصص الشير.. وإلى يالسين في الحديقة يتريقون... واليهال يتريون الباص عشان يروحون المدارس... بس في بيت أهل موزه غير ..العرب بعدهم رقود لأنهم كلهم كانو سهرانين لين الفير...وحليلها حتى يدتهم مسهرينها..بس السهره إفتقدت موزه وحمد..لأنهم كانو في حاله ما يحسدون عليها.. فما سارو وياهم عند بيت عمهم منصور لأنها كانت هناك السهر عند يدتهم ..فيوم سألت عندهم يدتهم..قالولها أنهم راقدين..
من حشرت العصافير إلى يالسات على دريشتها قامت موزه...لقت عمرها راقدة على الأرض.. قامت..وسارت ونسدحت على شبريتها..ورد شريط ذكرياتها بالى إستوالها أمس..ويلست تصيح..وصيح...وتتحسف ..وبعد شوي... قامت وعدلت يلستها....ليش ما يكون هو يالس يقص علية؟؟.ومن الصبح يلعب علية؟؟؟.والله يستوى ليش لا؟؟..وأنا ما أستبعد هالأمر..لا أنا لازم ما أصيح..ليش أصيح؟؟..شو بفيدنى الصايح؟؟..بس أنا لازم أراويه؟..وأخليه يعرف منو موزه بنت سالم...ولا منو هي بنت عمة؟؟..عشان ثانى مرة ما يلعب علية ..ويخلينى آخر من يعلم أنة ولد عمى..وحركة كانت بايخة؟؟..وبعد أنتة يا سعيد.. والطراق إلى عطانى إياه بردة بطراقين..وماعلية والأيام جدامنا يا حمد..وخصيصا الحين بتكون ويانا 24 ساعة..وبيوتنا جريبة من بعض...يعنى أقدر أشوفك لو مش في اليوم 4أو3مرات ..وليش ما تكون أمس إللى سواه حركة منه؟؟...هو يمكن ما فيه شىء.. بس يريد يلعب بأعصابى ...ويخبرنى بطريقة غير مباشرة أنة ولد عمى..وكان يلعب علية كل هاذيج المدة...بس يمكن هو صدق مريض.معقوله يكون يمثل!!.. لالالالالالالا. بليس ما يكسر وعايينة...والله عاد أنا الحين براويك..وبتشوف؟؟؟؟؟.. خلاص أنا لازم ما أصيح..لازم أواجه الأمر..وأعرف شو تحت راسة؟؟؟؟.....خلاص ما أريد أفكر فيه.... مسحت دموعها ..وسارت الحمام عشان تاخذ شاور...وبعدين سارت وصلت الصبح.. ولبست تنورة بيج وقميص أسود سبورت..عشان تبى شىء بسيط لأنها اليوم عندهم حفلة..وبعدين بتتكشخ..وترتيب الحفلة بكون عليها وعلى سلامى..ورفعة شعرها بشباصه ..وظهرت من الحجرة..وكل عادة الأهل بعدهم راقدين وهى أول وحدة تقوم... سارت سيدة حجره أمها..
موزه وتحب راس أمها: صباح الخير ..أمايا..
أم موزه تقوم وهى زايغة:هاه موزوه شىء فيج؟؟شىء يعورج؟؟؟
موزه:ههه لا أمايا ما فينى شىء....
أم موزه: عيل شبلاج؟؟
موزه: أمايا بسير أنا وأم وديع السوق إلى عدالنا عشان نشتري أغراض للحفلة..
أم موزه:لا يا بنتى ما أروم أخليج بروحج تروحين...وماحد وياج..
موزه :أمايا وين بروحي؟؟تراها أم وديع بتروح وياي وميري بعد...وبعدين إلا فرت حصاه مش من بعدة ولا منتأخر...
أم موزه:لا بوج ما أروم على صدع أخوج...
موزه:أمايا حرام والله ما بتأخر..ومش بروحي..
أم موزه :بس ما تبطين..
موزه وهي فرحانة:أوكية ما بتأخر..
أم موزه:الله يحفظج..
طلعت موزه من حجرة أمها وسارت المطبخ..لقت أم وديع يالسة تسوي الريوق...
موزه:صباح الخير أم وديع..
أم وديع:صباج النور...
موزه: شحالج أم وديع؟؟
أم وديع:بخير..أنتى كيفك؟؟
موزه متحمسة:بخير ..الحمد لله..أم وديع أباج تسيرين وياي السوق عشان الحفلة ..
أم وديع:حاضر حبيبتى بروح معاكى..
موزه:عيل الحين أبا أروح..
أم وديع: أوكية بطفى إلى على النار وجايه..
موزه: خلاص أنا بروح ألبس عباتى وبييج..
أم وديع: أوكيه..
سارت موزه بسرعة تلبس عباتها وشيلتها وشلت شنطتها..ونزلت تحت ولقت ميري..
موزه: ميري يالله منروح...
ميري :وين ؟؟
موزه: السوق...
ميري: أوكية..
وسارن موزه وأم وديع وميري...
أما في يران قوم موزه.. حالتة مثل حالتة بيت قوم موزه هادي محد قايم من رقادة..كان سعيد راقد ويا حمد في نفس الحجرة ما قدر يودر حمد بهاي الحالة بروحة ..فرقد وياه .. حمد فوق الشبرية وسعيد فرشله فراش ورقد تحت..عشان خايف على حمد يرقد بروحة لو كان شىء يبى... سعيد سمع صوت في الحمام...قام زايغ لف صوب الشبرية ما لقى حمد..سار يربع صوب الحمام...يدق الباب..
سعيد:حمد...حمد...حمد شبلاك؟؟
حمد:...............
سعيد خلاص زايغ شى فيه:حمد.....حمد...
حمد يفتح الباب الحمام وفرشات الأسنان في ثمة ويظحك على سعيد ويالس يغنى: (دقايق وقفتى يمك دقايق..تساوي العمر مع ماضى سنينى...حقايق أكتشفت أجمل حقايق...شعورك وقلبك الطيب يبينى)..
سعيد:حمد..أنت صاحى..ويشل إيدة ويخليها على يبهت حمد....لا أبوك ما فيك حمى.. حمد شو بلاك؟؟؟
حمد دخل الحمام:ههه ما فينى شىء يعنى حرام حد يغنى الصبح.. ومتانس؟؟
سعيد:بس إلى يشوفك أمس ما يقول أنت هذ اليوم؟؟؟
حمد ويعدل المزهرية: عادي ما دام بتيلس وياي تعود..أقول سعيد..سوري إنكسرت المزهرية...ههه ماشفتها..
سعيد ويطالعة بإستغراب:حمد....أنت بخير؟؟
حمد سار عند الكبت :سعيد هيه والله بخير..الحمد لله مافينى شى...سعيد...شو ألبس؟؟؟هذا ولا هذا؟؟؟
سعيد متعيب منة:حمد..بقولك شىء..
حمد يتهرب لأن حمد يدري أنةسعيد بيسأله عن أمس:سعيد شو رايك..ألبس أسود وبيج...تراه الموضه هاي السنة سبورت..
سعيد يمسك إيد حمد:تعال لاتشرد..أبا أكلمك..
حمد:أنا أشرد؟؟؟بس دقيقة بتلبس ..وبييك..
سعيد:أوكية بس بسرعة..
حمد شل المشط وعطر ونظارة الشمسة: فالك طيب..
وبعدين تلبس ولا شافت العين..ظهر برى..
أدري أنة ما يريد يقولى بس الحين تعبان وبرد وبعدين بتفاهم وياه..وسار وكمل رقادة...
أما حمد نزل تحت...ماشاء الله العرب بعدهم رقود؟؟..الحمد لله إفتكيت من حشرت سعيد..وسار الصالة يدور على الجريدة.. وشل الجريدة..وسار المطبخ..وقال حق البشكارة أنة إيتيبلة الريوق برى في الحديقة..وسار الحديقة ويلس يقرى الجريدة.. أوه أمايا ما دقيت لها تيلفون..أكيد الحين بتم تحاتي..والوالد بعد..شو هالحالة؟؟.. سار فوق الحجرة بشوي شوي عشان سعيد ما يقوم..دور التيلفون ما لقاه..لقى التيلفون الثانى..مش مال أمس فشلة..الله ينطبة وين سار تيلفون الأولى؟؟.. يمكن في السيارة نسيتة.... ظهر من الغرف بسرعة..نزل الصاله..وسار عند السيارة وما خلا مكان ما دورة ولا لقاه..أف وبعدين وين سار؟؟؟؟...ظهر من السيارة وخلا إيدينه على خصرة ..الحين وين زال؟؟..ويلس يفكر؟؟..أنا أمس وين سرت؟؟..ولا وشوي ثلاث حريم خاطفات جدام البيت..يسولفن ويظحكن...وكل وحدة شالة أكياس في إيدينهن.. ووحدة ماسكة مجموعة نفافيخ إلى يطيرن بإيدها.. حمد يلس يطالعهن بإستخلاب هذيلة وين يبن؟؟..أوه صح اليوم الحفلة... وكانت الماسكة موزه النفافيخ ويالسة تسولف وتظحك..ربع إيدينه ووساند على السيارة...الله يا الدنيا جان هاذيج البنت هيه بنت عمى؟؟.. بس ماعلية ياموزه؟؟عثرج بنت عمى ولا دريتبج؟؟ ماعلية؟؟وأونج مخلية عمرج ما تعرفينى؟؟براويج منو حمد بن على.. ماخليتج تندمين على هاي الحركة؟؟بس والله دواج يوم عطيتج كف..والله إلا أراويج.. وما خليتج تصيحين؟؟.. اوه صح أمس كنت عندهم..أكيد التيلفون طاح عندهم..يوم كنت في المطبخ..صح عاد أونها يوم شافتنى تأثرت..مالت عليها...أمحق تأثر؟؟.. حتى ماي ما ناولتنى إياه..شاف الساعة...الحين الساعة 8..بسير عندها وبشوف شو بسوي يوم تشوفنى جدامها...ههه ...يالله غايته..
موزه:الحمد لله ما تأخرنا...
أم وديع:الحمد لله .. لأن ست نايمة...يعنى ما تأخرنا..
موزه:أنا بسير الحين أرتب الزينة وأكتب البطايق..
أم وديع: رح أعمل الحلويات..
موزه: الله يعينج..
أم وديع:ههه..أنا بحب أعمل الحلويات..
موزه ودور البطايق:أقول أم وديع يوم بخلص كتابت البطايق..أباج توزعينهن..أوكية..
أم وديع:من عيونى..
موزه:تسلم عيونج..مشكورة..وسارت أم وديع ويا ميري المطبخ..عشان يالله يكفيهن الوقت...وبعد شوي...............
دق الباب...ماحد فتح..دق الباب مرة ثانية...
موزه ويالسة على الأرض تكتب البطايق حق إلى بتعزمهم من اليران..ماحد فتح الباب..يعنى أنا لازم أفتح الباب...أف منو الحين ياي عندنا الساعة 8 الناس رقود..وتنش وسير تفتح الباب..شافت حمد يالس يلعب بريولة يتريا حد يفتح الباب...من يوم شافت قلبها دق بقو يلست تتنافض من الروعة أول مرة تشوفة فيس تو فيس.. تذكرت شو سوابها... عدلة شيلتها...وهي مخلية عمرها مفوله من الغيظ هذا شو يايبنة الحين؟؟الله ينطبة؟؟؟وينطب الساعة إلى شفتها فيه...
حمد رفع نظارتة الشمسية وخلاها فوق راسة:عنبوه سنة لين ما تفتحون الباب..
موزه:نعم خير شو تبى؟؟؟ما شفت الساعة قبل لا إتى؟؟
حمد وربع إيده:كيفى بيت عمى وأيي متى ما أريد....شو يخصج؟؟؟
موزه: وما تعرف أن عمك مش موجود؟؟
حمد:أعرف بس أريد عيال عمى....شخصج أنتى رازة بالوية؟؟
موزه وربعت إيدها وطالعة من فوق لتحت:أنا رازة بالوية ولا أنت؟؟
حمد:يا بوية فكينى من صدعتج تراج لوعتى بجبدي..
موزه :تعرف أنك............
حمد: أنى شو؟؟؟؟؟
موزه وطالعة معصبة: سلامتك..
حمد: ههه تحسبت شىء بعد؟؟
موزه: أوكية ما حد الحين في البيت كلهم رقود..
حمد يبى يطفربها: أوكية بترياهم..
موزه: أوكية سير بيتكم ...ويوم بقومون بقولهم يدقولك تيلفون..
حمد:ماريد...أريد أترياهم.
موزه خلاص فولت منة:أف تراك طفرتنى شبلاك..
حمد:ههه ..سلامتج...أنا من بونى ما ياي لج أريد تيلفونى..
موزه: أي تيلفون؟؟؟ما عندنا تيلفونات لك..
حمد ويحك راسة: أنا أمس نسيت تيلفونى عندكم..وعلى ما أظن في المطبخ..
موزه وتفكر:أوكية ..برايك جان قلت جيه من الصبح ..يالس تطفرنى..
ودخل حمد البيت..
موزه بصوت واطى:صدق والله بليس ما يكسر وعايينة..عنبوه إحصان إلى يشوفة أمس ما يقول هو هذا..
حمد:سوري شىء قلتى..
موزه: لا ماشىء..
سار حمد المطبخ....ويلست موزه تكمل البطايق...الله ينطبة والله طفربي.. أف يحركاتة...غلسة مثله...الله يعين منة.. أكرهه.. أأأأأأأأأأأأأأأأأأأأأأأأأأأأأأكرهه.. حمار.. تيس..عنلاته...خام..أنا مفوله وهو ببرودة يكلمنى.. وتسمع في المطبخ حمد وأم وديع يسولفون ويظحكون..وهى ميتة من الغيظ تبى تسمع شو يقولون وليش يظحكون؟؟..وتريد تيلس وياهم؟؟ حمد من زمان ما شاف أم وديع وهي وايد كانت تحب حمد لأنة يوم إيي الريف هيه إلى تطبخلة وهى عيوز يعنى من كان صغير هى وياهم..وهو بعد قاصد هاي الحركة عشان يغايض موزه...حمد وموزه كل واحد غرضة يغايض الثانى بس وين بوصلون ويا هذا الغياض؟؟ وبعد ربع ساعة..ظهر حمد من المطبخ.. وهو يظحك ويا أم وديع..ويالسة أم وديع تقنعة أنة ييلس وياهم..ويتريق..بس هو ما طاع..وكانو في الصالة...وموزه تطالعهم وهي مستغربة؟؟شو تباه إيلس خليه يزول نفتك من حشرتة..
أم وديع: حمد ما بدك فطور ألنا ما عليه.. بس شو رايك بسويلك نسكافيه ؟؟
حمد ويطالع موزه وموزه صدت عنة وأونها ما عاطتنة ويه يبى يغايظها:أوكية..
أم وديع :دئايق وبكون عندك..
حمد:مشكورة..ترانى تعبتج..
أم وديع:تعبك راحة..
يوم سارت أم وديع....المطبخ..
حمد: ناس عندهم ذوق ويطالع موزه...موزه أونها ما تسمعة..
كان حمد يالس في نفس الصالة إلى يالسة فيها موزه..بس حمد في الكراسي.. وجدامة موزه يالسة على الأرض عدال المدفأه وتكتب البطايق...
حمد:أحم ..أحم...أقول بنت عمى الجو مب جنه حار؟؟
موزه ولا عاطتنة ويه:................
حمد:أقول بنت عمى....في أي صف أنتى؟؟
موزه فولت أي صف شو يستهبل هذا ولا عاطتنة ويه ويالسة تكتب:..................
حمد شل الجريدة وأونة يطالعها:إنزين ما بتقولين أي صف؟؟أوكية كم عمرج؟؟؟
موزه :........................
حمد: أم ...شكلج صف الثالث الإعدادي...لا شو ثالث الإعدادي كبيرة..يمكن ثانى ثانوي...
موزه ماسكة أعصابها:.....................
حمد اليوم إلى بخليها تتكلم: اليوم فديتها سلامى..تبانى أشلها السوق وأحوطها..(من سمعت موزه كلامة حست بالغيرة..وبعدين أنا شو يخصنى فيه الله ينطبة)..وهو يشوف حركاتها..بس عاد ما أعرف وين أوديها وايد أماكن..وبعد أريد إسير ويانا أمايا شيخة..لو طاعت وبعد الشباب بسيرون ويانا وعمى..أوه أنتى تبين إسيرين ولا لا؟؟
موزه وهى وشوية من الغيظ بصيح:الله الغنى..
حمد مستانس أخيرا تكلمت :ليش؟؟؟والله أنتى الخسرانة..
حمد قال هذا الكلام يشوفها شو بكون ردت فعها..وهى الذكية ما نتبهت أن اليوم حفلة يعنى كيف بروحون واليوم حفلة؟؟...ولا بعد يالسة تكتب البطايق لهدرجة من الغيظ ما نتبهت؟؟
موزه الحين هو شو يبى منى؟؟: لا ما أريد أسير وياكم..ما دام أنتا بسير أنا ما ريد أسير..
حمد: والله ..أحسن ..أنا كنت خايف أنج بسيرين..بس الحين الحمد لله منستانس ما دام ما بسيرين..
موزه:جب..
حمد وأونة معصب:شو؟؟ما سمعت عيدي إلى قلتيه؟؟
موزه وعدلت يالستها وكلمتة فيس تو فيس:قلت جب...سمعت..
حمد ما عاطتنها إهتمام: أف اليلسه في هذا البيت ممله خصيصا ويا ناس.. أف أعوذ بالله..
موزه ووقفت وخلت إيدها في خصرها:وبعدين؟؟؟؟؟؟
حمد أونة ما يشوفها:أم وديع.. وينج؟؟ ترانى يالس ملان..حرام عليج تخلينى ويا يهال..
موزه شلت البطايق وسارت شوي بعيد عنة..
حمد بصوت عالى:والله الفكة....الحين فتكيت من الحشرة..
موزه..الله ينطبة هذا ليش جيه؟؟؟والله حمار.. أف حشة غلس....
حمد مستانس أنة طفربها...يت أم وديع عند حمد..
أم وديع:آسفة تأخرت..
حمد:لا والله عادي..بلعكس يلسو عندي ناس وظهرنا لهم قرون..
أم وديع وهى مستغربة:شو بتقول لك أبنى؟؟
حمد:هاه ماشىء...سلامتج..
أم وديع:لالالالالالالالا..
حمد: إشبلاج؟؟
أم وديع:نسيت القاتو؟؟
سمعتها موزه....فيت عندهم..
موزه: صدق والله نسينا نطلب ..
أم وديع:موزه لك تأبرينى سيري أنتى وميري وجودي..وأوليلهم يعملوها..
موزه:لا ما أقدر أمايا بتنازعنى عشان ما حد بسير وياي والبشاكير ما بتخليهم..إسيرون وياي.
حمد بخبث:أنا بسير وياج..
موزه:لا........ قبل لا تكمل قطعتها أم وديع...:لك تأبرنى...مشكور كتير..
موزه:بس..
أم ويع:موزه مافي وقت..
موزه:أوكية سير أنت ويا أم وديع..
أم وديع:لا أنا ما عندي وقت الوقت ما بكفى لازم أخلص الحلويات..وحمد شو بعرفو بالقاتو؟؟
حمد وهو متشقق من الفرح:هيه والله أنا شدرانى بالى تبونة؟؟
موزه وهى ما تبى سير وياه :أوكية..بس قولى حق أمايا.يوم بتقوم.
أم وديع:أمك ما بتقول شى عشان ولد عمك معاكى..
موزه بصوت واطى:أمحق ولد عم..الله يعينى منة..
حمد :يالله بسرعة سيري..
موزه تطالعة معصبة:أوكية لا تاكلنى..
يلس حمد يترايها تحت في الصالة ..هي سارت إتيب عبارتها..فيوم نزلت من الدري.. شافها حمد.. يالله ماشاء الله كيف محلاتها..وكان مبتسم..وهو يطالعها..من شافتة يطالعها نزلت عيونها وحمرن خدودها....حمد فهم حركتها..
حمد ويطالع الساعة:سنة لين ما تتلبسين؟؟
موزه وطالع فوق:أف..منك..
حمد قام:يالله بسرعة..أنا مش فاضى بس لج عندي أشغال..
موزه:إنزين ماحد ظربك على إيدك وقالك سير وياي..
حمد ويلبس نظارة الشمسة: شو أسوي عن خاطر أم وديع..وإلا لو إنتى ما سرت وياج.. وع وع حد إيسير وياج؟؟؟
موزه كانت ساكتة لأنها صدق حمد كلامة وايد جرحها:..........
حمد: مشى ..مشى..
موزه تطالعة...:حمد صبر...صبر..دقيقة...
حمد ويلف روى:خير شبلاج؟؟
موزه:ليش؟؟منسير نمشى؟؟؟؟
حمد وحطى إيده على خصرة:لا منسير بطيارة.. (يبى يغايظها هو فهم قصدها بس يبى يطفربها ويباها إسير وياه مشس.. مش في سيارة)..الجو حلو...وبعدين السوق مش بعيد...وسيارتى خربانة..
موزه وشكلها والله ترحمونة: حمد حرام تونى ياية مناك ما روم أمشى مرة ثانية..
حمد وهو يمشى: ماشىء يالله سوي رياضة..ويطالع ورى.. ههه حمدي ربج بسويلج رجيم..ببلاش..
موزه خلاص عرفت أنة يبى بس يغايظها:على راحتك..
حمد ما علية ما طفرتبج:يالله بسرعة ليش وايد متأخرة؟؟
موزه وتمشى بسرعة:سوري..
حمد:يالله أباج تكونين رياضية..مثلى..
حمد وموزه يمشون في نفس المستوى....بس دام السكوت بينهم....
الحين أنا شو سويتله عشان جيه يعاملنى؟؟لازم أنا إلى أزعل مش هو...وبعدين هو إلى كان يلعب علية ولا قالى أنة ولد عمى..يعنى أنا كلت المقلب...والله أحس أنى أمشى وريولى ما يشلنى وايد تعبانة..بس والله بتشوف..ما رديتها لك...إلتفتت شوي شوي لليسار عشان ما يلاحظها..هو كان يالس يقرا مسجاته..بس كيف ياب التيلفون؟؟مش هو قال أنة ضايع ويدورة؟؟الله ينطبة كيف يعرف يدور له أعذار وجذبة متناسق...لفت مرة ثانية..الله محلاتة ..صدقها سلامى يوم تقول ملك جمال...محلاتة..ومحلاتة بنظارات.. وحتى شعرة حلو مخلنة شو طويل..وحيتة مخففنها..وأحلى شىء فيه يوم يظحك فيه غمازة وحدة بس وايد تنبان يوم يظحك..ولون عيونة عسلى فاتح..وأحلى شىء فيهن أنهن ناعسات..الله يغربلك محلاتك..لو مش المستحى بيلس اليوم بس أطالعك...الله ينطبة لابس مثلى أسود وبيج..صدقها سلامى يوم تقول مثل عارض أزياء في أناقتة.. ويلست تتذكر وصف سلامى يوم كانت توصف حمد.الله ينطبج يا سلامى كيف صدق ما خليتى شىء ما قلتلى إياه..ما شاء الله عليها..كيف تعرف توصف الواحد..وكل إلى وصفة صح.....وتبتسم على وصف سلامى..شافها حمد تبتسم...
حمد وهو يطالع تيلفونة: شبلاج تظحكين؟؟؟
موزه :أنا ما ظحكت أبتسم..
حمد: أوكية..ليش؟؟؟شىء في يظحك ولا إنتبهتله..
موزه وتلف ليسارها: عيل أنت من الصبح تظحك وتتبسم ولا سألتك..
حمد بخبث: أوكية أنا عندي شىء عشان أظحكلة..إنتى ليش تظحكين؟؟و إلا من الهوا تظحكين..
موزه:أف أنا من الهوا أظحك.... وأنت ليش حظرتك تظحك..
حمد ويطالعها بخبث:ناس غالين عيونهم سود مطرشيلى مسجات ..
موزه ربعت إيدينها:الله يخليكم..
حمد نقع من الظحك: شو قلتى؟؟؟
موزه :قلت الله يخليكم ليش؟؟شىء فيها؟؟
حمد:ههه لا يسير تفكيرج بعيد..
موزه بكبرياء:وأنا شو يخصنى...إنزين أنا ما ممتحنة منك..
حمد:أها
سكتو.... خطفو على بيت الورد مالة وايد حلو..
حمد سار صوب البيت:صبري شوي..
موزه مستغربة:هذا وين يبى؟؟
حمد سار وقطع وردة حمرا....وعطاها موزه..
موزه بسم الله هذا شو عنده:ليش؟؟
حمد:حمدي ربج عاطنج وردة...ناس يتمنون أعطيهم ويه..مش وردة
موزه :إنزين أنا ما قلت أريد ورد..مشكور...
حمد:إنزين خذيها إنتى..
موزه وشلت الوردة:مشكور..
حمد وهو مبتسم:تعرفين ليش عطيتج الوردة؟؟؟
موزه يمكن عشان الكلام إلى قالة:ليش؟؟
حمد:لأنه هذا البيت بيت عيوز وما تحب حد ينتف وردها..ومن كثر ما تحب وردها لو حد نتف ورودها حاكمتة..ودخلة السجن.
موزه من سمعت حمد يقول جيه فرت الوردة وشردت:لالالالالا ..أنا ما يخصنى.. حمار...آآآآآآآآآآآآآآآآآي أريد أمايا..
حمد من كثر ما ظحك على ردة فعل موزه يلس على الرصوف يظحك عليها...
موزه:حمار..أكرهك..عنل اتك...ما ريد أسير وياك أريد أمايا..
حمد قام وسار صوبها: يا بنت الحلال كنت أجذب عليج.. شبلاج...
موزه وخلاص دموعها بنزلن: لا ما ريد أنا ما أصدقك...روح بروحك ما بروح وياك..
حمد:يا بنت الحلال والله أجذب عليج..خلاص السموحة..
موزه:لا خلاص ما ريد أسير وياك..ماري يد
حمد ومشى عنها :سمعى هاي الحارة فيها مجرم وذيج المرة إستوت جريمة...
موزه:جذاب..
حمد:أوكية...برايج تبين إتين تعالى ما تبين برايج..على هواج..ترا المجرمين يحبون الحلوات..
إنصدم من قال هاي الكلمة كيف قالها..ويته الجرأه..
موزه هيه أصلا كانت مضايجة من كلام حمد وبعد حركتة البايخة..فيلست على الرصيف وتصيح..
حمد وقف ولف ورى..وشافها تصيح..
حمد حرام أنا صدق وايد زوتها....سار عندها..ووقف جدامها..
حمد:موزه السموحة...
موزه :..................
حمد يلس على ركبه ورفع نظارتة: موزه سوري ما كان قصدي أصيحج...والله..
موزه عصبت منة ومسحت دموعها: ما حد يريد أسفك..وبعدين أنا ما صيح عليك.....يالله نروح بسرعة..أريد أرد البيت بسرعة..ما ريد أشوف شكلك بعد هاي المرة..
قامت ومشت..مسكها حمد من إيدها...
حمد :صبري...وين تبين؟؟
موزه وطالع إيده إلى ماسكه إيدها:شل إيدك...لين الحين ترانى حاشمتنك...
حمد شل إيدة:صبري منتفاهم..
موزه:أنا ما ريد........ غصب؟؟
حمد عصب منها:أوكية على راحتج..يالله نروح بسرعة..
سار حمد وياها...ولا واحد يكلم الثانى..حمد متلوم من إلى سواه..وموزه مضيجة من حمد وحركاتة البايخه..بس حمد ما كان يتوقع أنها بصيح..بس كان يغايض...ما قصده شىء ثانى...وموزه زعلت عشان صدمة أمس وكلامة لها..
في بيت عمهم منصور..
قامت أم سالم...ونزلت تحت....لقت مى يالسة في الصالة....سارت عندها..
مى من شافت يدتها ياية صوبها قامت وحبتها على راسها:صباح الخير أمايا..شحالج؟؟
أم سالم:بخير يعلج الخير...
مى:أمايا اليوم ما نشيتى من وقت؟؟
أم سالم:يالله يالله صليت الفير ورقدت أهلج ما خلونى أمس أرقد من وقت حشرورنى حتى ما قمت من وقت..
مى:أمايا شو تبين ريوق؟؟
أم سالم:بشكارتى هيه إلى إسويلى ريوق..ريوقكم ما ريدة..
مى:ههه ..ليش أمايا؟؟
أم سالم:أنا ما أعرف غير ريوقي...أما ريوق الإنقليز ما ريدة..
مى:إنزين يالله أمايا إنسير نتريق..
أم سالم:أوه وتبينى أسير أكل على طاولة.. بتبطين لين ما تشوفينى أكل على طاولة.
مى :عيل أمايا وين تبين تيلسين؟؟؟؟
أم سالم:قولى حق البشكارة تفرشلى برى..بتقهوي برى...
مى:إن شاء الله..
سارت مى تقول حق البشاكارة يفرشن برى...وسارت ويا يدتها برى..
أم سالم:هنيه ..فرشى تحت هاي الشيرة...يحافظ على شيرتهم غاوية...
مى:ههه أمايا كل شى في لندن غاوي..
أم سالم:مين ياها الغوى؟؟
يلست أم سالم...وسارت مى إتيب ويا البشاكير القهوى والريوق...وإلا وشوية حادر عليهم سعيد..
أم سالم:يا مرحبا...يامرحبا بوليدي..
سار سعيد وحبها على راسها.
سعيد:شحالج أمايا؟؟شخبارج؟؟
أم سالم:بخير وسهالة بشوفتكم يا الغالين...قرب..
سعيد:جريب..قلت بسير أشوف أمايا شصبحت..ويلس ويا يدتة..
أم سالم:يعنى ما خلا منك...عيل وينة هذاك الثانى؟؟؟مسود ويه حتى سلام ما سلم..جنة إلا يبى الفكة منى؟؟
سعيد:ههه..والله أمايا ما أدري وين سار من غبشة ناشر مدري وين يبى؟؟
أم سالم:يالله بستر وين يبى؟؟؟
سعيد:شدرانى به؟؟؟ يمكن عندة شغل؟؟؟
أم سالم:عنبوه ما أيي ويسلم علية؟لا حق على الشغل؟
سعيد يبى يغير الموضوع: ي

الجزء 18
وتشوفة ياي صوبها وهو منزل راسة..ويه محمر وتقول مضارب ويا حد ..هى خلاص قلبها توقف من الزيغة..لالالالالالالالالالالالالالالالا..لالالالا لالالالالالالا...ولدي بخير..لا دخيلك يا رب...وياها.......
حمد دموعة نزل ومسك إيد أمه:...........أمايا..و.........
أم حمد تحس أنه ما فيها قلب خلاص إيدها من كثر ما تنتفض ما تروم تسيطر عليها: قولى شو قالك؟؟؟؟؟؟؟
وقالها....من قالها يلست تصيح وصيح...وحمد يهديها ..أحلف أنه صدق وهذا إلا قالك؟؟؟؟؟؟؟.....والله أمايا هذا إلى قالى........لا زدت في رمستة ولا قللت...وصاحت..وحمد يحاول يهديها.......
أم حمد وصيح وويها أحمر وحاظنة ولدها من الفرحة:الحمد لله يا رب....الحمد لله .....والله أنى عرفت أنك ما فيك شىء الحمد لله...وصيح...يالله فديتك يا ولدي...فديت ريحتك...وفديت روحك..يعلنى ما أخلا من شوفتك..
حمد ويمش دموعة:أمايا تراج صيحتينى..
أم حمد:ههه فديتك يا ولدي.....فرحانة ..والله أن حتى ما روم أمشى أحس ريولى ينتفضن من الفرحة..والدنيا ما شالتنى....الحمد لله يا رب الحمد لله......
حمد ويلس أمة على الكرسي :أمايا ..وهو يظحك..إصدقين أمايا الدكتور خربط في الأرقام...وقالنا ملف واحد ثانى..
أم حمد:ياله يعله النفاد...جان زيغنا وجتلنا...حشة أنة حتى العقل ما بقى عندنا...والله يا ولدي حتى الصلاه ما عرفنا شو نقول فيها..وأنى أعيدها كم مرة..أنة عقلى ما كان عندي....
حمد:أمايا الدكتور يتأسف...ويقول أنة بدفعون فلوس عشان هاي السالفة ووعشان زيغونا وعطونا حالة مب حالتى...
أم حمد:لا يا ولدي أنا إلى بعطيه مب هو إلى بيعطينا..ما همنا شىء غير ولدنا بخير وعافية..والله يصبر أهل المريض...
حمد:أوه أمايا ذكرت بعد سألت عن حالة أمايا شيخة...ظهرن الفحوصات ..هي بخير ونعمة بس فيها السكري توه بادي ولازم تسير عند الدكتور لأنة يبا يعطيها دوا ويكتب شو لازم تاكله..أما الظغط..لازين...
أم حمد:الحمد لله ..الحمد لله ..
حمد:يالله يا أمايا من قالى هالكلام أنى فرحت ....
وقطعتة أم حمد :عيل شعنة توك تهاد وشال الدنيا على راسك..؟؟
حمد:لأنة خربط..وعطانى حالة غير..ولا دق تيلفون عشان يقولنا أنه مغلط ومخلنا كل هاي المدة بدون ما يعطينا خبر..
أم حمد: خله يولى..المهم ظهر ما فيك شىء...إنزين الحين شو صحتك..شو قال فيك؟؟
حمد سكت:.............
أم حمد:يا ولدى تراك بتجتلنى قولى شو فيك؟؟وشو قالك؟؟
حمد رفع عيونة ويلس يشوف أمة:أمايا قال الدكتور ...أنة فينى إلتهاب في الرئه..
أم حمد شهقت:أي لتهاب هذا؟؟..أبوي هذا الدكتور خبيل وبخبلبي خلنا نروح عند غيرة..لندن شكبرها ومافيها مستشفى واحد فيها آلاف..شو الله بالنا عند هذا؟؟؟والله أنة بخلينى بلا عقل..الله ينفدة...حشة بيجتلنى..
حمد يبى يهديها:لا أمايا والله صدق..هذا يقول صدق حتى أنا أحس جيه..
أم حمد:شو تحس يا ولدي؟؟
حمد أنا ما أقدر أقولها انى اليوم كنت أكح دم...لانى صدق بييب لها الجلطة وأنا إلى بجتلها:أمايا بس أنا وايد أكح..وأحس صدري يعورنى..يعنى يمكن صح ما يجذب...وبعدين كل التقارير تقول جيه مب أنا ولا الدكتور...
أم حمد:إنزين شو يعنى المرض خطير؟؟؟
حمد:تنبين الصراحة لا...بس بيعطينى دوا وقالى أنة توه في البداية يعنى نقدر نتدارك الأمر قبل لا يزيد..
أم حمد:ومتى قالك تسير عندة؟
حمد:تعرفين أمايا ..قالى يوم السبت..
أم حمد:أحلف أنة مب خطير وأنة بخير..بعد ما تتعالج..
حمد:ههه..والله أنة مب خطير..والدكتور قالى بس يبانى أداوم على الدوا ..ولا أخرة وأراجعة دوم...بس هذا كل إلى قالى
أح حمد:الحمد لله على كل حال يوم أنة مب خطير..
حمد:الحمد لله.
أم حمد:أوه نسيت أخببر أبوك.....وبسير أصلى شكر لله..يا الله يا ولدي انة الفرحة ما شالتنى....
حمد:ههه...يعلج دوم الفرحة ما تفارقج...
أم حمد:إن شاء الله وأشوف عيالك ...
حمد:ههه..إن شاء الله...
أم حمد:يالله عيل قوم..
حمد يلس يفكر:أماايا.....
أم حمد:هلا....
حمد:أقول امايا ..بس قولى حق أبويا ولا تقولين حق حد غير...دخيلج..
أم حمد:يا الله بستر يا ولدي جان ما تبانى أقول حق حد..يا لله بسير ما بخلى حد ما بقوله...
حمد سار ويحبها على راسها:دخيلج أمايا لا تقولين حق حد غير أبويا وبس..دخيلج..
أم حمد:ولدي أنت صاحى؟؟؟شعنة عاد؟؟
حمد:أمايا أريد أسوي مفاجأه بعدين حقهم..أريد أعرف شو بسوين ..خليهم هالأسبوع وبعدين بخبرهم...طلبتج دخيلج...
أم حمد تطالع ولدها بإستغراب:على هواك بس المهم أنى دريت وعرفت ...وأبوك بعد..بس أنا ماللى شغل ..بقول كل هذا من تحت راسك...إنزين...
حمد ويحبها على راسها:مشكورة يعلنى ما اخلا منج...عادي أنا بتحمل المسؤولية..
أم حمد مترددة: بس حرام حمد والله أهلك ما يهونون علية..حليلهم يحاتونك ومضايقين عشانك..خلنا نفرحهم..
حمد:أمايا عاد أنا طالبنج.....حرام عليج..
أم حمد:إن شاء الله...بس حمد والله حرام..بفرحون لك مثل ما فرحت...
حمد:أمايا أنا بتحمل المسؤولية ..ولا تحاتين..إنزين..
أم حمد:على راحتك..برايك.......شو ما بسير صوب أبوك؟؟
حمد:بعد شوي ياي...
أم حمد:عيل أنا بسير أخبره..برايك...
يلس حمد ...يفكر...بهاي الحالة..أمس كان حزين..واليوم الفرحة ما تشلة..بس كيف الدكتور خربط؟؟..وبعدين شو تفسير إلى إستوى اليوم في الحمام...أنا شوفينى بالظبط؟؟..بس قال الدكتور إلتهاب ...لازم أسير أتأكد...وأفحص مرة ثانية..لأنى المرة الأولى أهمت عمري هاي المرة ما بهمل ومش كل مرة تسلم الجرة.......بس في داخلة فرحة ما تنوصف.....يعنى بخير وما فينى شىء...الحمد لله...يا لله يا سعيد لو دريت ..شو بسوي...ولا أمايا شيخة؟؟...ولا....ويوم ذكر موزه سكتت....آآآآآآآآآه يا موزه..لو بتعرفين شو بكون شعورج؟؟..بس ما بخبر حد لين ما يخلص هذا الأسبوع وبعدين بخبرهم...حتى لو زعلو ...أريد اعرف شو بسون في هذا الأسبوع..وأتمنى أمايا ما تقول شىء ...ولا أبويا...وقام وسار عند أبوه...عشان إيلس وياه ويشوف ردت فعله...
الساعة8 ....الصبح....
يالسة يدتهم في الصالة وحذالها الكوار .وماسكة المسباح في إيدها..وتستغفر...بعدهم العرب رقود من سهر أمس...ويت البشكارة ويابت لها الريوق...بس ما كلت شىء..مهمومة من مرض حمد...الله يعينج يا أمايا شيخة...بس لو تعرفين أنة بخير وما فيه شىء...ومدت رويلاتها...وشربت فنيان قهوة..وإلا حد يدق الباب...
أم سالم:خديجة ......خديجة....تعالى بطلى الباب....ما حد ياها...يو خديجة..بطلى الباب ما سمعين...
خديجة يربع:إنزين ماما...
أم سالم:تو الناس جان ما يتى بعد..
وإلا حادر عليها حمد........من شافتة فرحت وإستانست..
أم سال تبى تقوم:مرحبا ملالالالالالالالالالالالاين ولا يدسهم في ذمتية..
حمد يسير يسلم عليها قبل لا تنش:المرحب باقى...لا تقومين...شحالج أمايا شخبارج..شو صحتج ؟؟
أم سالم:بخيير ونعمة...إلا شو صحتك أنت؟؟
حمد ويلس عدال يدتة:أنا ..بخير يعلج الخير..
ويطالع الصينية ويشوفها أن يدتة ما كلت ىء وشكلها حزين.....ومد إيدة عند الكوار..عشان يدفا.
حمدويطالع يدتة:أمايا شعنة ما ماكلة شىء؟؟؟
أم سالم:والله يا ولدي مالى نفس..
حمد ويظحك:أمايا عندي خبر لج...بفرحج..
أم سالم ومسكت الدله:والله يا ولدي ما شىء بفرحنى..إلا جان أنك بخير هذا إلى بفرحنى ولا شىء ثانى ما ظن..وتمسح دموعها بوقايتها.....
حمد صخ ما قال شىء....أخبرها؟؟؟؟...ولا ما أخبرها ...بس حرام والله أنها بتفرح: أمايا بس خبري بفرحج وايد...ويمكن بتنقزين على كراع....ويلس يظحك من الخاطر على إلى قاله..هو كان يبى يظحك عشان يعبر عن شعورة وما يبى حد يزعل يباهم كلهم يظحكون ويستانسون..ويدتة مستغربة منة...هذا أكيد ين ولا تخبل من سمع أنة مريض..
أم سالم مستغربة:أقول ولدي بسم الله عليك شىء فيك..؟؟؟يعورك شىء...وهو يظحك ولا علية...
يدتة مستغربة ويالسة تشوفة.....شبلاه ؟؟
حمد ويضحك حظن يدتة:أمايا ظهر الدكتور مخربظ أنا ما فينى شىء...
من سمعت كلامه يلست تصيح وتشكر الله..
أم سالم:بذمتك؟؟؟
حمد:نعام..
أم سالم:الحمد لله ..الحمد لله....وصيح ...ودموعها خيسن البرقع..
حمد :أمايا عاد أنا قلت بفرحج مب إصيحين..
أم سالم وتمش دموعها:يا ولدي هاي دموع الفرحة.....الحمد لله ..أجر وعافية...الله فكك من هذا المرض..الله يكافينا شرة....يا لله يا ولدي كيف فرحتنى..
حمد ويحك راسة يبى يغايضها:أمايا هذا الخبر المفرح..بس في خبر...وسكت..
أم سالم قلبها عورها:شو ...يا ولدي قولى شو مستوى ...
حمد ونزل راسة:أمايا ظهرن فحوصاتج...من قال جيه صخت يدتة ولا قالت كلمة وحدة...وبعدين..
أم سالم:إنزين يا ولدي بشر...
حمد ويرفع راسه شوي شوي:أمايا الدكتور يقول أنج بخير وما فيج شىء.....
أم سالم فرحانة:الحمد لله ..يا ولدي...الله يبشرك بالخير.....
وبعدين ظربتة على كتفة...حشة يا ولدي أنك زيغتنى..وهو يظحك عليها..
حمد:أمايا لازم أطفرج شوي......
أم سالم:حشة يا ولدي تراك بتجتلنى..جان سويتها مرة ثانية ..بروحى أنا زايغة ..
حمد:أمايا يقولج الدكتور أنج بخيروكل الفحوصات زينة بس سكري توه ظاهر ولازم تنتبهين لأكلج...ويبى يعطيج دوا..
أم سالم:خيبتة...أنا ما أكل الشكر ..من وين بيينى؟؟وبعدين هذا الدختور مالك..ظنى شوب وخرف..ولا عندة تيم..
حمد:ههه ..لا أمايا مب دكتوري هذا واحد غيرة..
أم سالم:أوه..كلهم واحد ..دخاتر مخرفين...عيل وين أصكة أنا الشكر...ما ييه..من وين بيينى؟؟..إلا يوم أقولك مخرف...ويبى ياكل فلوس...خلنى بس أشوفة...لغسلتة بهاي العصا...مسود ويه..عيل وين فينى سكري..
حمد ناقع من الظحك عليها:إنزين أمايا الدكتور ما قال شىء بس قال أنة بادي ينى في بداية ولازم تحذرين..
أم سالم:يهبى...مافيني شىء .
حمد: ههه على راحتج...ويلست تتحرطم على الدكتور..وحمد يظحك عليها..
أم سالم:أوه..الله يغربله نسانى...يو أهلك؟؟
حمد:هيه أمايا اليوم الصبح يو...
أم سالم:تستاهل سلامتهم...
حمد:الله يسلمج....
أم سالم:عيل وينهم؟؟؟
حمد:أحيدهم في البيت..بيون قالو الساعة10ولا11..
أم سالم:حياهم الله..
حمد:الله يحييج...أقول أمايا بسيرين ويانا؟؟
أم سالم وتقرب الريوق عند حمد:وين ولدي؟؟؟
حمد:منسير الحديقة إلى عدالنا وبعدين يمكن إنسير شوي نتمشى...
أم سالم وتعابل الكوار:والله يا ولدي ما ادري...ما روم..
حمد يبى يغايضها:أمايا تراه الدكتور قال اليلسة زينة لج..عشان تغدين قوية وصحين بسرعة ولا إييج السكري والظغط...
أم سالم من سمعت طاري الدكتور:خيبته..عيل أنا سايره وياكم ..بعد هذا إلى ناقص إنقليزي ويتشرط علينا..خلنى بس أشوفة..
حمد مستانس أنة سوي إلى يباه..وهو بالعكس أصلا المشى زين ومفيد للصحة..بس يعرف أنة يدته راسها يابس..وتحب تعاند: إنزين عيل الغالية أنا بروح أوعى عيال عمى ويوم برد ألقاج جاهزة ومنروح...
أم سالم:إن شاء الله..ونزل عمة وحرمة عمة...ويلسو يسولفون ...وبعدين قال لحرمة عمة أنهم اليوم بسيرون يتمشون في الحديقة جان بسير وياهم هى وبناتها...فطاعت عشان عمتها بسير وياهم ...وبعدين ظهر من البيت ساير لبيت عمومتة..
الساعة8:40 الصبح......
ملت موزه من المجلة إلى ما سكتنها...أف شو هالحاله..والله مليت..الله ينطب هالرحلة من بدايتها منحوسة ولا تبين أنها بتكون حلوة...يا لله يا بوية وينك والله أنى مشتاقتلك...وايد...وقامت وسارت عند أم وديع ...بس لقتها سايرة السوبر ماركت..جان قلتيلى يا أم وديع قبل لا سيرين عشان أسير وياج...والله حرام عليج ..أنا بموت بروحى أحس راسي يعورنى..شو هالحالة؟؟؟....فجت الباب الصاله المطل على الحديقة...جان الجو عذاب ...الجو بارد..وفيه شوي رذاذ...والشمس مش ظاهرة كلها شوية...سارت صوب الغرفة الزجاجية...مشت شوي شوي فيها..يالسة تدور الدفتر الوردي إلى كانت كاتبة فيه قصيدة وبعدين حمد كتب فيه...كانت تبى تكتب قصيدة..لأنها كانت محتاية قلم وورقة عشان تكتب إلى في خاطرها..ولقتة..وشلت ةوظهرت من الغرفة عشان تبى تيلس برى ..لأنة الجو ما يتفوت في اليلسة داخل..سارت عدال الورد..وقصت وردة وشلتها..وبعدين مشت لين جدام شيرية...كانت كبيرة وحلوة..يلست تفكر وظحكت....تذكرت يوم كانت ترقا الشيرة يوم كانت صغيرة..وكان أبوها دومة يهاد عليها يخافها تطيح..وبعدين ما سوت سالفة رقت الشيرة لأنها كبيرة ..بس مش عالية...ويلست وكانت مستانسة.. صح أنها مبلولة بس عيبها الوضع..ويلست تظحك لو حد شافها..وبعدين فتحت دفترها...ويوم كانت تبى تكتب..يلست تصيح..وتزاعج..
شو تتوقعون إستوى لموزه؟؟؟؟؟؟... وحمد بخبر أهلة ولا ما بخبرهم؟؟؟؟؟؟؟؟
وشو بيستوى في هذا اليوم؟؟؟؟؟؟؟؟....

يالله ابي رايكم بالقصه
علشان اكمله لكم