كل شي في وقته حلو ياحلو

من الجميل أن يكون في الحياة الزوجية تجديد وتغيير
للروتين .. والأجمل أن يتذكر الزوجان ذكرياتهم الجميلة في تلك
الليلة وأيضا يكون فيه شيء من تجديد المشاعر .. بينهما ..
ولكن كل شيء في وقته حلو يا حلو ..
خلوني أضرب لكم مثال بسيط .. أحيانا بعض الزوجات تحضر
نفسها لليلة رومانسية .. ولكن لا التوقيت مناسب ولا حتى
المكاان فتنقلب السالفة على رأسها ..
فاذكر لكم قصة سمعتها في احد المحاضرات ..
هذي اختنا في الله حست بالفتور والملل في حياتهم وخصوصا
انها ساكنة مع أهل زوجها .. يعني الحياة كانت ما شيه على
روتين معين ... فحبت تغير من الروتين وتنبسط مع
زوجها .. وقالت في نفسها بسوي ليلة رومانسية ونتذكر أنا
وزوجي ليلة زواجنا ... طبعا أختنا في الله جهزت عدتها
كاملة ... وكلش تمام لكن ما بدت بالترتيبات بشكل فعلي
فلما دخل الزوج للغرفة على آخر الليل يبغى ينام .. صرفته
وقالت يا بو فلانة علبة الحليب حقت رضعة البنت خلصت
ياليت تجيب لنا علبة حليب للبنت >> طبعا تكذب بس بتصرفه
عشان ترتب الوضع .. المهم راح الرجال يجيب الحليب ورجله
فوق رقبته .. الأخت بشكل سريع جهزت المكان ...
وكلش جااهز تمام .... شوي يدخل أبو الشباب للبيت ..
ولسه ما دخل غرفة النووم ..
لكن تفاجأ بصراخ أهله ويراكضون اللي فوق ينزل تحت واللي
تحت يطلع فوق وكل واحد منهم يقول (الحقوا ولعت حريقه
في غرفة محمد) >> (طبعا محمد هو أخونا في الله اللي جايب
الحليب لبنته ) طبعا هو سمع ان غرفته فيها حريقه طاار مع
أهله ورمى الحليب اللي في يده بينقذ زوجته وبنته من
الحريق ... وأخيراا يوصل للغرفة هو وأبوه واخوانه وخواته
وأمه وكل أهل البيت ما ادري ان كان الشغالات
معهم ولا لا !!! وش تتوقعون صار ؟؟؟؟؟؟؟؟؟؟؟؟
لماا فتحوا باب الغرفة لقوا اختناا في الله لابسه فستان زواجها
وفوق راسها حمامة بيضاء تطير والدخان الصناعي حق الزفات منتشر
في الغرفة وكمان طالع من تحت باب الغرفة .......
طبعا هي فزعت يوم شافت كل الحشود داخله عليها ...
أبو زوجها يوم شافها .. تغير وجهه وقال إيه ياولدي الحمد
لله على السلامة الحمد لله انها جت سليمة .. الأم لا تعليق !!
ويمكن لسان حالها يقول الله يوفقكم يا وليدي منك المال ومنها
العيال ... أخواانه وخواته في نفسهم ضحكون لكن كاتمين
الضحكة .. وطلعوا وهم ساكتين .. الزوج المسكين وجهه
صار ألوان الطيف من الإحراج بالإضافة إلى حمرة
الغضب غطت على وجهه !!! الزوجه ميته من الفشلة !! بالأخير
خربت الليلة ولا صارت روماانسية وصارت ليلة نكدية
جت على رااسها المسكينه لأن الزوج عصب عشان أخوانه
وخواته شافوا كل شيء ... والمسكينه من الفشلة قعدت اسبوع
ما تطلع من غرفتها ..
حلو ان الوحده تسوي ليلة رومانسية لكن لابد من اختيار
التوقيت والمكان المنااسب ..
وكل شيء في وقته حلو يا حلو ...
وتمنياتي لكم بليالي رومانسية سعيده
أختكم في الله