كيف اصبغ صبغه طبيعيه في البيت بليز ترا احبها اللي تساعدني امواه

هاي لاحلى فراشات في العالم ..
ان شاء الله تكونوا كلكم باحسن حال يا رب ...
يا بنات انا هريت شعري صبغات بس الحين خلاص ابغى اوقف صبغات ..
ابغاه يرتاح ..
بس اخر صبغه لي كانت في رمضان وكانت اشقر هاي لايت ..
وطبعا عارفين لمن يمشي الاشقر يصير شعرك لونين من فوق غامق لون شعرك الاساسي ..
والباقي يكون الصبغه فيصير لونه شوي مزعج ..
فابغى اصبغه في البيت ..
دايما اشوفكم تقولوا تحطي كركرديه او قشر رمان او قشر بصل او قهوه او كاكاو ..وتعطي لون للشعر ..
اللي تعرف الله يخليها ويسترها دنيا واخره تقولي على طريقه اصبغ فيها شعري في البيت ..
طبعا زي ما انتو عارفين تكون من دون حنا عشان الصبغه .. ماادري ايش تسوي الحنا في الشعر المصبوغ بس اعرف انه ما تنفع الحنا للشعر المصبوغ ..
وتكون امنه مو مضره للشعر .. >> شحات ويتشرط ...خ ... الله يوفقها اللي تقولي يارب ...
مو مشكله اللون بس ابغاه غامق يعني مثلا بني او بني محمر زي ذي الالوان ..
وشكرا لكل اللي قراوا موضوعي والله يعطيكم العافيه ...
احبكم كولك م