كيف اطول شعري النارجين الأس

(دلوعة الفهد)

13-08-2022 - 06:41 am

السلام عليكم ورحمة الله
كيفكم يااحلى فراشات
انا ابغى اهتم بشعري وابغى اطوله اتمنى شعري يطول
الحين شعري تحت الكتف بشوي ومن زمان ماقد طولت اخر مره قبل 10 سنين كان طويل وبعدين على طول اقص واصبغ
انا راح استخدم زيت النارجين العلبة الخضراء القديمه مع محلب
واستخدم كريم الكثيراء اللي اشتريته جاهز ونزلت عنه موضوع بالمنتدى ومالقيت الجواب الشافي عنه
وافكر استخدم عشبة الاس أو زيت الأس بس مدري كيف طريقة استخدامها وايش الافضل الزيت او العشبة نفسها؟
ياليت اللي استخدمتها وفادتها تفيدني كيف الطريقة وخلال كم شهر تبان النتيجه..؟
واذا عندكم وصفات مجربه لتطويل الشعر ياليت تفيدوني
طبعا لاتقولون استخدمي الحناء أو الثوم والبصل او السدر هذي الاشياء مااحبها
ابغى زيوت او اعشاب
وجزاكم الله خير

التعليقات (9)

دلع الشرقيـه18

13-08-2022 - 09:29 am

شوفي ياحلوه سوي لك جدول كل يوم زيت ويوم راحه ولاتنسين يكون شعرك نظيف جدا ولاتنسين المساج على الاقل 5 دقايق وكل مازادت افضل
اما عن الاس الزيت افضل لك..
انا امس شريت دابر املا مع كيشور دهني مع جنين القمح وخلطتهم مع بعض واليوم ببدء فيهم الى جانب خلطتي القديمه زي النارجيل مع الثوم والنشا
وزيت الزيتون الاصلي مع حبات السمسم والحبه السودا
ونفسي احط سدر مع حركات بركات ههه بس الجو مايساعد ابداا

فراشة امي وابوي

13-08-2022 - 10:30 am

شوفي حبيبتي
انا استخدم عذي الطريقه
جبت زيت النارجين القديم اللي في علبه حديد
وحطيت معه فصين توم بعد ماقطعتهم
وحطيتهم على النار العلبه نفسها لين
تسخن شوي
بعدي صرت ازيت شعري
شبه يومي
واحطفوق شعري بعد الزيت
فوطه مبلوله بمويه شبه حار
يعني تحملين حرارته
وبعدين لفي شعرك فيها
وخليه
حسب ماتبغين
ساعتين ثلاث اربع براحتك
وشوفي الطول
والنعومه والكثافه
والكل لاحظ الطول والثقل في شعري
وعاد انا طماعه شوي مو كثير والله
سالت الافعى الحنونه عند شي يطول اكثر
قالت حدي ملعقه سدر مطحون
في مع الزيت
وخليه ثلاث ايام
واستخدميه
نفس طريقتي
اللي كتبتها لك
اللي فيها فوطه مبلوله
ضروري
لان هذا يساعد على تطويل الشعر بشكل رهيب
تكفين تكفين
ادعيلي
ان ربي يوفقني بزوج صالح
ويطول في عمر امي وابوي ولايحرمني منهم

انا اجمل النساء

13-08-2022 - 11:31 am

حبيبتي انا سمعت ان زيت هندتيلر حلو بس الصراحه ماجربته
وفيه خلطه كانت امي دئمآ تسويها اللي هي
زيت الثعبان
زيت الخروع
زيت الجرجير
زيت برشوت
زيت الصبار
زيت الرانجيل
وتحط شوي حبه سوداء
وبصراحه كانت مناسبه لشعرنا وحلوه
اتمنى اكون افدتك يالغاليه

ياقوته1980

13-08-2022 - 12:32 pm

اب

(دلوعة الفهد)

13-08-2022 - 01:33 pm

دلع الشرقيه18
جزاك الله خير يالغلا
بس ابسألك انتي جربتي زيت الأس؟؟وكيف كانت النتيجه؟؟

(دلوعة الفهد)

13-08-2022 - 02:34 pm

فراشة امي وابوي
جزاك الله خير
الله يوفقك يالزوج الصالح ويخلي لك امك وابوك ويسعدك

مالْيـۓ فِيـۓ هالْدِ&#

13-08-2022 - 03:35 pm

النارجين +الثوم
مرا حلو
استغفر الله واتوب إليه

(دلوعة الفهد)

13-08-2022 - 04:36 pm

انا اجمل النساء
جزاك الله خير يالغلا
بس احس عدد الزيوت كثيرة مره
كيف ريحتها؟؟

باتشي 2009

13-08-2022 - 05:37 pm

فراشة امي وابوي
يعطيكي العافيه حبيبتي بس كيف ريحت الثوم ... ما تمسك في الشعر نارجين ويالله بتحمل ريحته ههه
وقد ايش المقدار كل علبت الزيت احط عليها فصين ثوم ولا المقدار الي ابستخدمه لي شعري فصين ثوم ..
اتمني تردين ع الله يرزقك الجنه ..

تجربتي مع زيت دابر أملا روعة يابنات تعالوا←
مشاكل الحنه والصبغه تكفون ادخلوا وافيدونا واستفيدوا نداء خاص الافعى الحنونه→