كيكة من اختراعي يمي يمي واللهي طلعت لذيذة بالصور

1. نطلعها لتبرد طبعا ,,

بسم الله الرحمن الرحيم,,,
من كثر ما اعمل حلويات صارت لي عادة غريبة اني اخترع انواع حلويات مرة تصيب ومرة تخيب ,, بس هالمرة طلعت يمي لذيذ والله بشهادة اخي اللي ما يعجبه اي شي ,, وبشهادة اهلي,,
المقادير :-
2 باكيت كيك جاهز نوعية جيدة ويكون طري مو قاسي ويتفتفت - 3 علبة قشطة - حليب علبة - باكيت جبنة كيري 6 طروف- نص كوب سكر ناعم- نص كوب سكر خشن - ملعقة كبيرة فانيلا- 3 بيضات- نص فنجان زيت -
الطريقة,,
اول نشغل الفرن ونخليه ليسخن .
نشرح الكيك شرائح ونصفهم بطاجين فايركس الحراري ونسقيهم بشوي حليب مو كثير يادوب نسكب عليهم سكبتين بالعلبة .
نخلط بالخلاط 3 بيضات مع نص كوب سكر ناعم وفانيلا ونص فنجان قهوة زيت ونص علبة الحليب لمدة دقيقة ونسكب الخليط فوق الكيك وتخبز في الفرن ونولع النار من تحت طبعا ثلث ساعة بهذا الشكل
لما تنضج من تحت نرفعها للنار من فوق ,, وتصير بهالشكل

نطلعها لتبرد طبعا ,,

نكون مجهزين التغطية وهي عبارة عن علبة قشطة و6 طروف كيري ,, ونغطي الكيكة من فوق ونحطهم بالفرن النار من فوق طبعا لين تجف الطبقة وتتماسك,,
ونطلع الطاجين يبرد نص ساعة ونجهز التغطية الاخيرة وهي عبارة عن التوفي ,,, نص كوب سكر خشن على النار طبعا ليصير مثل الكراميل اشقر ونسكب عليه علبة القشطة ونحرك بسرعة لين نوصل للقوام المطلوب انا خلطت بشوي حليب مركز .
ونسكب التوفي فوق الطبقة الثانية ونحطه بالثلاجة وياكل بارد طبعا .
واسفة ما صورت طبقة الكيري وطبقة التوفي ,,,
ان شا الله يعجبكم
احلام