كيكه في المكرويف تاخذ30 ثانيه فقط

مشهوره50

22-10-2022 - 11:47 pm

من خلال تجربتي انا ..
لاتفوتكم الكيكه
الغريب فيها انه
راح نستعمل الميكرويف مدة 30 ثانيه فقط
وليس الفرن
انا مثلكم ماكنت مصدقه لين سويتها وطلعت والله طعم خورافي
والحلو ان احيانا تكوني مستعجله والضيوف بالطريق وانتي ماعندك شي تقدميه الطريقه هذي بتفك آزمه
او تكونين ميته من الجوع وما تقدرين تستنين
او غازك مخلص
انصح الكل يطبقها
طبعا راح تدعولي عاد انتي وشطارتك سويها بصحون قزازصغار وحطي على الوجه انواع الخلطات
مره سويها شيزكيك مره ثانيه حطي كريمه انتي وتفننك
انا مره سويتها وحطيتها بالصحون الصغيره او كاسات صغار حطي ملعقه من الخلطه وحطي فوقها ملعقه نوتيلآ وفوقها باقي الخلطه
عن جد الحركه هذي خطيره طلعت سوفليه ولآأروع
اول ماتدخل الملعقه بالكيكه يسيح الكاكاو .وهنا تاخذ من الوقت 50 ثانيه
وجيبي كريمه جاهزه اللي تجي بالعلب وتصير مثل البخاخ ان شاء الله عرفتوها
اما لو تبينها ناشفه مرره ومستويه فتاخذ100ثانيه
وانتبهي لاتملين الصحن فقط الربع فقطط لانها بتنتفش مره
وهذا مقدار قليل من4الى 5 صحون كريمه صغييره
هذي صورتها اول ماسويتها ......
وهنا صورها للمره الثانيه
المقادير :
4ملآعق كبار طحين بس لاتكون مليانه مره
5 ملآعق كبار سكر
2 ملآعق صغار كاكاومر بودره مليانه
ملعقه كبيره حليب نيدو بودره
بيضه
6 ملآعق كبار ماء
3 ملآعق كبار زيت
فانيلآ
ملعقه صغيره بيكنج بودر
اخلطي المواد السائله زين
بعدها ضيفي المواد الجافه
يصير سمكها مثل الكيكه العاديه
نجي لأهم شي بالسالفه كلها
ان دخلتيها الميكرويف خليك مراقبتها يعني انا مااقدر احدد وقت بالضبط على حسب
الصحن راح تستوي حطي اول شي 30 ثانيه وبعده افتحي الميكرويف ان شفتيها نشفت خلآص
وتكون طريه و اسفنجيه
بتنبهرين من شكلها وهي تنتفش بسرعه عجيبه
وردولي اذا صلحتوها
منقول لاني احبكم

التعليقات (9)