لأني احبك

لو جيت لمي بحضنك حضن محروم
واعاتبك وازعلك وابكي بدالك
واسلمك قلبن من الشوق مهموم
قلبن رغم طول العنى قد وفالك
والله مافارقت فكري ولايوم
ارقب توالي الليل مطلع هلالك
اهديتلك بيتن من الشعر منظوم
اجمل حروفي يالغلا كلها لك
قيدتني لك بالغلا وصرت ملزوم
ملزوم احبك وصادق الود جالك
القلب جاك مقيدن لك ومختوم
بختم الموده صار قلبي حلالك
ياشوق شوف الحب واضح ومفهوم
والي فبالي ادري انه فبالك
من دون شوفك الفرح صار معدوم
والقلب ينشد ياترى كيف حالك
تدري احبك والهوى كان مقسوم
وادري بان الي جرالي جرالك
لاعاد تنشدني عن اخبار وعلوم
لاعاد تسالني ولاعاد اسالك
انتا معي دايم وانا الي معك دوم
انتا غنى روحي وانا راس مالك
حبيبتي تقبلي مشاركتي في موضوعك واقبلي مني هذي

يالبى قليبك انا وموضوعي تحت امرك حبي
واشكرك ع المشاركه الأكثر من رائعه
فديتك