لفزعه ياخبيرات الحنا لاتتخلوا عني بحط لاول مره لها دعوه اللي تدخل

Rnoonah

28-10-2022 - 12:03 pm

سلام عليكم يابنوتات كيفكم شخباركم الموهيم انا اليوم لاول مره بحياتي بحط حناا وانا مااعرف لها ولا امي ولا احد اعرفه يفهم فيها فياليت تساعدوني الله يسعدكم اول شي النوع وش احسن نوع اللي ماياثر ع الشعر وشلون اخلطها واسمع كثير يحطون مسمار وش فايدته نجي للمهم نوعية شعري جاف شسوي فيه عشان ماايجف زياده مع الحنا ولا تنصحوني اتركها احسن؟؟ نجي للي اهم من المهم اللون اللون اللون اللون ماابغى لون الحنا الاحمر او البني او البرتقالي يبين بشعري مع العلم انه لون شعري كستنائي او اسود باهت ابغى يزيد سواد ابغاه مرره غامق وش احط مع الحنا عشان يسير اسود ع الشعر سمعت ناس استخدموا الحجر الاسود مع الحنا هل له اضرار ع الشعر او يجفف او يبهت بنات اتوسل اليكم ساعدوني شعري معدوم والله اللي تساعدني لها دعوه حلوه بهالعشر الاوااخر .........

التعليقات (8)

سارة كل الدنيا

28-10-2022 - 03:01 pm

السلام عليكم ورحمة الله وبركاته اختي الغاليه الحل عندي
روحي عند العطار قوليله يعطيك حناء ورق والافضل تكون يا حقت اليمن او حقت العلا
ثانيا خلطتها جدا سهله
جيبي ابريق شاي وعبيه مويه واغلي فيه ملعة شاي مر وخليه يغلي بعدها اعجني الحنة بالشاي المر وبعدها تكوني مجهزه مسبقا 10 حبات قرنفل اللي هو المسمار وبعض الناس يقولون لع عويدي واطحنيه وحطيه فوق عجينه الحنه وحركيهم مع بعض وجيبي علبة لبن زبادي وحطيه فوق الحنة واخلطيه معهم وخليها لين ثاني يوم ثاني يوم اضيفي حبة بيضه وملعقتين زيت زيتون وملعقتين زيت جوز الهند
وحطيها على شعرك من ساعتين الى 5 ساعات بس لاتتعرضين لهواء بارد او مكيف واغسلي شعرك بموية بس لين ينظف وتنزل الحنة كلها من شعرك وبعد كذا اذهني شعرك باي نوع زيت تفضلينه وانصحك بزيت جوز الهند من براشوت اذا مو مستعجله وماعندك طلعة اغسليه ثاني يوم واذا مستعجله خلي الزيت ساعتين على شان يرطب الشعر لان الحنه تجفف وبعد كذا اغسلي شعرك بالشامبو وسلامتك
وياريت اكون افدتك وادعيلي بالزوج الصالح والذرية الصالحة تحياتي لك

Rnoonah

28-10-2022 - 04:02 pm

مشكوره حبيبتي الله يسعدك ويرزقك بالزوج الصالح والذريه الصالحه امين يارب
بس حبيبتي ماقلتي لي ببيسير لون شعري احمر بعد الحنا لاني ماابغاه لونه احمر ابغااه اسوود مرره وش احط

ملامح قمر

28-10-2022 - 05:03 pm

حبيبتي الشعر مايتلون على طول بالحناء ..هو مع كثر الاستخدام يصير أحمر ..
لكن حطي ملعقتين نسكافه .. تعطي لون حلو للشعر ..
موفقه حبيبتي ..

Rnoonah

28-10-2022 - 06:04 pm

تسلمين لي حبيبتي ع مرورك
الله يسعدك
معقوله بنات ماا في احد سمع بالحجر الاسود

أمال الاسمر

28-10-2022 - 07:05 pm

عزيزتي
الحنة تفيد الشعر وتجمله وصدكيني الاصباغ ابد متنفع ولاتربي شعر مثل الحنه
أني أختج أعشق الحنه بجنون كل يوم أوبين يوم واخر احطها في الشتاء مرتين
نعمة والحمدلله
بلنسبة للون اذا ردتي أسود عند العطار عفص أخبطي معها ويصير اسود
ولو الاحمر جنان
تحياتي

~ ضحكتي ماركه ~

28-10-2022 - 08:06 pm

صراحه الحنه خيال
انا اسوي الحنه بمويا السدر او بمويا الكركديه
او حنه عاديه مااحط مهاه شي لماتغسلينه حطي بعده زيت اللي انت متعوده عليه

الدرالمكنون,,,

28-10-2022 - 09:07 pm

والله اللي قبلي ماقصرو وكلهن كلامهن صج والله يوفقج وعلشان مايجف شعرج حطي زيت كم ملعقه
والله يعدل شعرج وينعمه ويكثره ويطوله امين

Rnoonah

28-10-2022 - 10:08 pm

يعطيكم العافيه حبيباتي ع المرور بس ماافي شي يسود الشعر؟؟

خلطة تخلي شعرك حرير وناعم←
محلول كارويان س→