لقيت مزيل للبقع فعال حتى مع الارواج الثابته الملابس البيضاء

1. فقررت اجرب بخاخ الجسم


2. طلعت الثوب ورجع كأنه جديد

بسم الله الرحمن الرحيم
السلام عليكم ورحمة الله
كل عام وانتم بالف خير
طبعا امس تعرفت على مزيل فعال للبقع وقلت لازم افيدكم
خاصه انو الاطفال الله يصلحهم مستحيل ما يمر العيد بدون ما يتكروا بقع كذكريات!!
امس وفي اول ايام العيد الفطر المبارك لبست ولدي ثوب بناءاً على رغبته والقماش من الجديعي مو اي كلام واخته فستان انيق بالمبلغ الفلاني
وبعد ماصلينا العيد ورحنا لجدي الله يحفظه ويمده بالصحه والعافيه
ورجعنا كان جالس يلعب مع الصغار وفجاءه زعل منه ولد عمته ويأخذ روج ويلطخ الثوب في اكثر من مكان واخته لانها بجنبه جات عليها بقعتين بسيطه ..
بصراحه ارتفع ضغطي وما ادري كيف مسكت اعصابي مالهم ثلاث ساعات لابسين لبس العيد ويصير فيه كذا ..
وشلت هم البقع لان الروج من النوع الثابت ولونه قوي ومو في الرياض اعرف مغاسل تزيل البقع وما اضمن مغاسل المنطقه اللي انا فيها ومعروف اذا انغسلت البقعه بدون مزيل بقع مستحيل تروح ..
وفي الليل وانا جالسه سألتني اخت زوجي في شو تفكرين ؟؟
قلت لها كيف ازيل الروج ؟؟ ولو الثوب جاهز ولا من خياط معليش لكن قماشه وخياطته ممتازه والفستان روعه ومتحسفه عليه والبقع عدمت القطع مره
قالت لي انا استخدم شيء يزيل لي جميع انواع البقع حتى اللون الاصفر اللي بسبب المكوى الارواج والاقلام وكل البقع اللي ممكن تخطر على بالك
فرحت وقلت لها اسعفيني قالت :
بخاخ الجسم برائحة الكرز الياباني من ذى بودي شوب
قلت معقوله
قالت التجربه خير برهان
وبالفعل اخذت الثوب
وعند الغساله قلت خلي اجرب الكلوركس وخففته شوي وحطيت على البقعه وما نفع

فقررت اجرب بخاخ الجسم

اول شيء ارش على البقعه من البخاخ واخليه كم دقيقه وبعدين افرك البقعه بفرشاة اسنان مااحتاجها واذا بدت البقعه تخف اصب مويه مغليه وصابون اريل واستمر في الفرك حتى تختفي البقعه وكملت على كل البقع بعدها ارمي القطعه في الغساله تكون عبت مويه وحطيت شوي كلوركس وصابون اريل

طلعت الثوب ورجع كأنه جديد

لكن بصراحه متعبه الطريقه عشان كذا بخليها للبقع الصعبه مثل الارواج اما البقع الثانيه اللي من العصير والاطعمه استخدم لها فانيش السائل اضيفه على البقعه مباشره لمدة خمس دقايق وبعدين اغسلها ومره سهله الطريقه ومرتاحه معها ..
وبالنسبه للبخاخ سألتها ينفع احط بخاخ غيره تقول لا جربت اكثر من نوع مانفع
اتمنى اكون افدتكم بهالطريقه
ولا تنسوني من صالح دعائكم