للي يحبون أطباق الكاكاو حلو

للي يحبون أطباق الكاكاو (حلو)
السلام عليكم
اسم أول طبق حلو ( مس فليك ) ماكو أسهل منه وحلو مره
بسم الله
المقادير:

• 1 ونصف علبة قيمر
• 1 كوب كاكاو بودر
• 6 كاكاو فليك
• كيك كاكاو (جاهز من السوبر ماركت)

الطريقة:
يقطع كيك الكاكاو وتصفينه عدل بالبايركس
وتخلطين المقادير كلها وتصبين الخلطة فوق الكيك
بس ديريبالج ------>> الفليك يكون أحسن شوي لين عشان أسهل بالخلط
وآخر شي تزينينه بالفليك المبشور وتحطينه بالثلاجه لما يتماسك ..
وطبقي الثاني الحلو (كيكة الآروو) حلوه وبسييطه بنت خالي علمتني عليه
المقادير:

• 3 كاكاو آرو
• 1 علبة قيمر
• كيك كاكاو الجاهز
• 1 فليك للتزيين
• 1 دريم ويب

الطريقة:
حطي الآروو بحمام مائي أو بالخلاطة مع الدريم ويب وشوية حليب
قطعي الكيك وصفيه بالبايركس وصبي الخلطه فوقه
ورشي عليه الفليك المفتفت وحطيه بالثلاجه لما يمسك ..
وعندي طبق حلو اسمه (كرات كاكاو مارس)
المقادير:

• 10 حبات كاكاو مارس
• 3 ملاعق كبيرة عسل
• ثلاث أرباع زبده حجم صغير 113 جم
• وعلبة كورن فليكس

الطريقة:
يقطع الكاكاو ويوضع بحمام مائي وتضيفين له العسل والزبدة
تحركين الخليط لما يذوب الكاكاو ويصير الخليط لزج
ترفعين الخليط عن النار وتضيفين الكورن فليكس مباشرة وتقلبينه عدل
وتخلينه 5 دقايق عشان يبرد شوي
تدهنين إيدج بشوي زيت وتسحبين قطعه صغيرة من العجين المتكون وتكورينها بإيدج
وتكررينه لما يخلص العجين
وتصفين الكرات في صينيه ملفوفة بقصدير ولا تسوين نفسي تحطينها بشي
صراحة ماأعرف إسمه بس اللي يكون مجموعة من الورق لتزيين الكيك
حق الكيك الصغار المدور <<-------- ههه القتول بدعت ماتعرفين اسمه سكتي
المهم انشالله عرفتوه
وبس آخر شي تحطينه بالثلاجة ربع ساعة وبس
وآخر طبق عندي (كاسات الكريما بالكراميل والشوكولا)
المقادير:

• 150 جم شوكولا سوداء
• ملعقتين من الكراميل السائل
• كوب كريمة سائلة
• 50 جم زيت
• للتزيين ملبس زهري اللون

الطريقة:
إغلي الكريمة السائلة بجدر صغير على نار خفيفة ولاتخلينها وايد
وذوبي فيها مباشرة الشوكولا اللي تكونين من قبل مكسرتها
وحركيه لما يمتزج تماما مع الكريما
ومن ثم ضيفيله الزيت والكراميل السائل وامزجيهم لما تحصلين على قشدة متماسكة ولامعة
صبي هالقشدة في كاسات وغطيها وحطيها بالثلاجة لمدة ساعتين
ولما يحين وقت التقديم رشي فوقها حبوب الملبس المكسر وقدميها بارده ..
وبالعافية عليكم