لو كنتي مكاني ايش تسوي

انا والدة قيصري من اسبوعين تقريبا وكان زوجي يجي المستشفى وتقول امي باين عليه انو خايف مرة
لما خرجت من المستشفى حصل بيننا خلاف هايف جدا بعدها ما صار يكلمني
انا نفسيا اتاثرت يعني الوحده مننا ايش تبغى غير احد يكون حنون معاها بهالمواقف
حتى لما ننام بغرفة وحده يسمعني اتوجع واتالم و لا يخفف عني الا تاني يوم قبل ما يسافر حتى حن شوية وعملي مساج لضهري
قبل ما يسافر كلمته عالمصروف واعطاني وقلتلو ما يكفي لاني جالسه طول الاربعين عند اهلي
يقولي لا يكفي انتي ماعندك شي اصلا تركته وقتها ورحت الصاله عندنا ضيوف جايين يباركولي
المهم هوا اخد اغراضه وراح وما ودعني بعدها بنص ساعه اتصل وقال انو مسك الخط ورجع عشان يودعني ما جاه قلب يسافر
رحت قلتله انا يالله امشي من الم العمليه وتبغاني اقوم قدام الناس واجي اسلم عليك قلي خلاص انا رايح بس انتي لا تزعلي تقولي ما ودعني
اتصل عليا بعدين قلي شوفي المبلغ الفلاني خليته بالدرج عندك
ومن بعد هالاتصال اربعة ايام لا حس ولا خبر لا يتصل يسال عليا ولا على عياله ارسله رسايل ولا يرد
واليوم من القهر قفلت جوالي وانا عارفه انو ما حيتصل
طولت عليكم بس سالتكم بالله مو قهر كيف اتصرف معاه اذا رجعت بيتي او اذا فكر واتصل عليا اصلا؟؟