متأأأأأأأكده ان عندكن الحل

اول شي سوي حشوه لورق العنب وحشوه للملفوف واحشيهم اذا فضيتي احشي كميه كبيره وسوي بعد حشوات للسنبوسه واحشيها ودخليها باكياس بلاستيك واكتبي عليه ادجاج او لحم او خضار الملوخيه نظفيها وافرميها مع حبات من الثوم ووزعيها على اكياس بشكل مرتب والطمام اذا كانت ناجحه مره سوي كشنه بصل وثوم واعصري الطمام وحطيها عليها حتى تتسبك ووزعيها على اكياس صغار والجزر بعد ابشريه ووزعيه على اكياس والبتزاء اعجنيها واذا انعجنت افرديه وقطعيها دواير ودخليها الفرن شوي بحيث تتماسك وماتحمر من تحت ولا من فوق بس تنشف ورتبيه في حافظه او اكياس بحيث تحطين بين الوحده والثانيه ورق نشاف وسوي كشنه للبتزا وخليه في برطمان كبير والفطاير سويها نفس طريقة البيتزاء والخضار(الكوسه والجزر والفاصوليا)يعنى حقت الايدام قطعيه ووزعيه على اكياس الي يكفيكم الثوم الفرميه واخلطيه بزيت زيتون وحطيه في برطمان
هذا الي عندي وان شاء الله اذا تذكرت شي برجع واقول لك

فيه بالرياض مصنع يبيعون مفرزنات
ورق عنب ورق ملفوف كبه سنبوسه والله المعلمات يمدحونه
ب150 وفيه اعتقد 12 نوع
ويمدحونه يقولون ناخذ بالكراتين منه
لو تبين ارسل لك على الخاص

للامانه انا مو من طرفهم بس اشوف المعلمات يطلبون منه وانتظر اروح للرياض حتى يقولون يوصلون للبيت

احسن شي طازج لاتفرزنين الا اللحوم والسمبوسه برمضان انتى عايلتك مو كبيره ماراح تتعبين بالطبخ ترا المفرزن له اضرار وبنده كلش مفرزن ان بغيتي كبه سنبوسه سيرنج رول بس الطازج اصح

الطازج احلى واصح وانتي براحتك

اسفه على تأخري بالرد
اشكر كل من رد ت علي
والله ادري ان الطازج احسن
بس اغار من اللي معبين فريزهم وودي اصير مثلهم
وشكرا" مره ثانيه

ماعلليك من احد
اذا ماعندك وقت سوي اول باول وريحي نفسك
بصراحة التفريز يبغاله وقت ووحدة فااضية

أنا أحب الطازج

ام حمودي ... نفس حالتي ابغى افرزن لاني بصراحه احيان اشتهي اكله معينه وما يكون لي مزاج اسويها او ماعندي وقت او تعبانه >>الاخت حامل ويالله تشيل نفسها ههه
والفكره مره روعه انا سألت وحده ما شاء الله عليها ونصحتني بحكم برضو اني ادرس .. وبعض الطرق تجميعات من هنا وهناك هذي بعض الاشياء اللي ممكن نعملها انا انتي وكل اللي حابه تفرزن ..
...نبدأ على بركة الله
اولا: الخضار والفواكه ..
الثوم : دقي الثوم وبعدين حطي عليه شوية زيت زيتون وحطيه بأكياس خاصه بالتخزين (شكليه على نفس شكل الورق بسرعه يتفرزن وماياخذ مساحه وبرضو اذا احتجتيه اكسري منه كسره بسهوله ينكسر)
الشبث: خذي كمية كبيره منه اغسليها وافرميها وحطيها بحافظه وطول الفريزر وقت ما احتجتيها في ايدام او سمبوسه ما يتعبك .
الملوخية : وحده بالمنتدى كتبت طريقة ملوخيه سهله وشكلها طعمه بس ما جربتها ان شاء الله اسويها
http://alfrasha.maktoob.com/alfrasha29/thread1259874/
الطماطم: جيبي كمية كبيره نصها بالثلاجه حق سلطه والنص الثاني اطحنيه للكشنه وبرضو عالفريزر على قد الطبخه
(بعضهم يكشنوا البصل والطماطم والثوم عالفريزر يخرجوها ومره وحده عالقدر >>بس انا ما انصح فيها لأن البصل يتأكسد!! )
الجزر : ابشريه وعالفريز للرز, للمعجنات
الباميه: فيه باميه بالسوبرماركت مفرزنه وطعمها جنان شكلها اقرب للكور وصغيره دبا بس لذيذه
(تقدرين تفرزنين الخضار الطازجه الجزر الباميا القرع الشبت فصوليا واشياء ما اذكرها
لكن الباذنجان والبطاطس الطازج ما يقبل الفرزنه لانه يسود ويطلع كأنه يابس وحده تقول الباذنجان ممكن تقليه وتفرزنيه بس مدري كيف)
ممكن تعملي محشي الكرنب وورق العنبوع الفريزر
ومحشي كوسا وايدام المحشي عامة
ممن تسوي صلصلة المكرونه الاسباغيتي باللحمه لمفرومه او الخضار وتتفرزن
الفواكه (للعصير طبعا): ممكن تفرزنين الفراوله والجوافه بعد تقطيعها >>وفيه بالسوبر ماركت مانجا مجمده وفراوله وجوافه >>انا بصراحه عن نفسي اسوي العصير (كوكتيل) او (قمر الدين) (او فراوله بالحليب) ..الخ بعدين آخذ حاجتي منه واللي يزيد احطه بالفريزر وذا جيت اخرجه احطه بكيسه في مويه بس انتبهي ما تكون حاره واخليه يفك يطلع كأنه جديد
الايدمات بجميع انواعها (باميه .فاصوليا.مسقعه . مختوم .ايدام الدبا .ملوخيه...) كلها تقدري تفرزنيها بس على طول سويها وخليها تبرد شوي عالفريزر والله كأنها جديده وتفك ازمات اذا جاك ضيوف فجأه
ثانيا: المعجنات اشياء اخرى
البيتزا ..على هذا الرابط
http://alfrasha.maktoob.com/alfrasha30/thread352304/
السبوسه : سواء لحم والا دجاج او حتى خضار او جبن حتى السمبوسه الصغيره اللي بجبن الكيري وعليها شيره تجنن في الفريز
الفطاير بأنواعها واي شي عجين (فطاير السبانخ- اقماع الجبن )
السبرينغ رول دجاج وخضار
وممكن تسوي الكبة والمنتو و الفرموزة و رصيها بحافظه وعالفريزر
مكرونة بالباشميل>>ماجربتها بس يقولوا !!!
الكنافه (قشطه او جبنه او مكسرات)>>قبل ما تحطينها بالفرن تفرزنينها واذا طلعتيها طول ع الفرن وتكون عندك الشيره كميه مسويتها بالثلاجه للازمات
وممكن بعد تجيبين عجينة البف باستري وتحشينها بطاطس مسلوق ملفوف(كرم) وجزر محموس مع بصل ووفي النهايه شوي شبت وبهاراتك احشيها اصابع وفرزنيها وطلعيها وعلى الفرن
وعجينة البف استري ممكن تحشينها اي شي سواء قرفه او جبه او خضار وتتفرزن
الشوربه : اعرف وحده تفرزن حق 3 ايام الى اسبوع ما يتغير طعمها بس اهم شي على طول سويها وبس تبرد ع الفريزر
ان شاء الله اكون افدت واستفدت
بس اهم شي تتوفر عندك حافظات طعام ..واكياس ..وادواتك وابدأي