مجبوس الكعند على الطريقة البحرينية

مجبوس الكعند على الطريقة البحرينية
اول شي نقلي البطاطس للحمسة ونخليها على جنب
نحمس البصل في الجدر مع 1 ليمون اسود منتف
نبهر السمك الكنعد بهالبهارات المحبوبه عندكم والثوم والزنجبيل ونقليه
شكله بعد القلي
بعد ماياخذ البصل لون نضيف عليه الملح شوي كركم فلفل اسود بزار والبهارات الصحيحه
نضيف الطماطم الفلفل الرومي والحار والكزبرة
نضيف السمك ونقلب
نضيف الماء ونحرك
نخليه عالنار لين يستوي السمك
نرفع لاسمك ونضع الرز
هذا شكله بعد ماستوى
طريقة الحمسة او الحشوه اللي توضع فوق الرز عند التقديم هي
نحمس البصل مع ليمون اسود منتف واحد فقط مع ازالة البذور لازم والبهارات هيل مطحون فلفل اسود بزار ملح
نضيف الكزبرة الخضرا ونقلب
المكسرات المسلوقه والمقشرة لوز وكاجو
نضيف الزبيب
ونحط زعفران مطحون مع ماء ورد شوي بس عشان اللون والنكهه
البطاطس اللي قليناه من اول السالفه نحطه فوقهم ونقلب ونغطيه شوي بس خمس دقايق الى 7 دقايق
على نار هادئه
الدقوس نسلق 4 طماطم مدة خمس دقايق وبعدين نخليها تبرد ونقشرها ونزيل البذور وهذا شكلها نحطها بالقلاص عشان بنطحنها
نضيف الكزبرة ثوم فصين الى 3 فصوص وفلفل اخضر حار 2 وملح
وبعد ماطحنته هذا شكله وطعمه يهبل يخلي الواحد ياكل وايد اللي يسوي رجيم لاياكله
مجبوس الكنعد بعد ماخلصنا منه هذا شكله
وعوافي يارب لاتنسونا بدعائكم