مجبوس ايجن مع دجاجه مشويه الاكله المفضله عند ابو الشباب بالصور

هاي بنات شلونكم
اليوم سويت اكله سريعه حق ريلي ورفيجه ....
شغل بر و خرابيط .. بسرعه بسرعه سويتها اخذها معاه المهم .. شوفوا شلون تهبل
الطريقه وايد وايد سهله ... :
اول شي ... العيش ...
انا ساتخدمت 2 كوب عيش ... نوعه الوليمه مع المجبوس ايجنن
شوفوا ..
جدر وحطي فيه سمنه ( دهن المراعي او زبده الموجود )
بعدين عود قرفه صغير 3 حبات مسمار شويه كمون مطحون و كزبره يابسه مطحونه
بعدين العيش المنقعه .. اشخله واحطه يحمس بالبهارات و الدهن
مني ليما احس ان العيش .. خلاص يابس .. و الدهن غلفه من كل الجهات
احط الملح ... ملعقة كبيرة و ملعقة كبيرة كركم وشويه زعفران
بعدين الماء الساخن
اخلي العيش على النار العالية مني ليما يقل الما
بعدين اخفف النار .. احوس بالشوكه شوي ...
اشيل الجدر واخليه على النار الصغيرة اصغر شي .. و اسكره عدل ..
خلوه 10 دقايق يطلع مثل هذا
المهم ان الماي بالاول يوم تحطينه تخلينه اعلى من مستوى العيش باصبع واحد ( سم ) فقط لا غير ...
وعند التقديم قلي شوي لوز او صنوبر الموجود ...
الدجاجه سهله .. شويت دجاجه بالفرن ..
وحاطه الطريقه من قبل . تقدرون تسوون بحث عن الموضوع بتلاقون الدجاجه المشويه ..
هذه الدجاجه من كثر ما ريلي مدحها عند رفيجه خلاني اسويها لرفيجه
وبالعافيه على قلوبكم ..