مجنون ليلى روايه رومانسيه حزينه جريئه روايتي الاولى حصرياا

1. ومشت للبيت ...

(( مجنون ليلى ))
بقلم / رؤيتي تعشق الصداره
اكبر جريمه بحق نفسك ان يكون الحب من طرف واحد..
واكبر جريمة بحق المشاعر أن تحب بجنون ولا يعرف الحبيب قيمة حبك..
واكبر تضحيه ان تترك كل شي والمقابل لاشي..
واقوى الحب الذي ياتي بعد عداوه..
واصدق الحب اللذي ينتهي بالجنون..
فالازهار تنتظر بزوغ الشمس لتتفتح من جديد ..
والعصافير تنتظر المساء لتعود الى اعشاشها ..
ولكن هل يعود كل مسافر الى وطنه ..
وهل يعود الحبيب الى صدر حبيبه ..
وهل يعود كل غريب الى بيته ..
وكل مجنون الى رشده ..
لماذا وماذا وكيف ولكن..؟؟؟؟؟؟؟
جواب كل اسئلتنا
ستقرؤنها في سطور قصتي واتنمى ان تنال اعجابكم

الجزء الاول ...
ليلى ونجود وساره وشوق ..
هذولا البنات تجمعهم صداقه قويه مع بعض بس ليلى
كانت اقوى شخصيه فيهم وعاقله جداً
وهي من ام هنديه واهلها ناس
متحررين جدا..
وهي بعكس صديقاتها المتهورين والمتسرعين وبس كانت محبوبه من اللي حولها..
وصديقاتها بعد حبوبات وعسولات وجميلات ..
ليلى:عيونها تهبل ورشيقه ماخذه من ملامح امها
لان امها كانت ملكة جمال وتزوجت ابوها بعد قصة حب طويله لما كان يشتغل بالهند .. وليلى
حنونه وطيبه حييل ودمها عسل ..
نجود:عندها جسم وشعر روعه واسلوب يموت بالكلام ..
شوق: عيون ساحره ودلوعه وكلها رقه ..
ساره: طول وشعر رهيب وشفايف تهبل ..
المهم هم من مجتمع متحرر حيل مع أنهم بدو وقبايل بس هالبنات
عنيدات واللي يبون يسونه,, ويحبون المغامره خاصه ليلى بس مايسوون شي غلط..
قررت ليلى أنها تروح برحلة كشافه في غابات الهند الجميلة واللي كلها أسرار وأخطار وحوش مفترسه
كان أخوانها رافضين بس أبوها كان واقف معها لأنه يعرف بنته تعرف تحافظ على نفسها زين..
وافقوا أخوانها لأنهم راح يروحون مع مجموعه من الشباب من قرايبهم ومن ديرتهم..
ليلى وحيدة أبوها وعندها ثلاث أخوان واحد منهم متزوج وعايش بجده وأمها ماتت وعمرها سنه..
يوم: الأحد الساعه 9ونص
دقت ليلى على نجود
ليلى:هاي
نجود:هايات
ليلى:وجع زين تذكرت ليش ماجبتي اللي قلت لك البارح.؟؟
نجود:هاه وش اللي طلبتي فديتك .؟؟
ليلى:استهبلي بعد انت عارفه مافيه وقت ونسافر باقي ثلاث أيام..
نجود:تذكرت قصدك ملابس اللي عندي واشرطتك و
وقاطعتها ليلى بسرعه:بس بس افضحيني بعد ياكلبه جيبي اللي عندك بدون كلام يادب..
نجود:ان شاء الله فديتك ..
ليلى:ههه تدرين وش اللي قاهرني ان سعودوه بيروح معنا وصي علي وع ..
نجود: واي صدق عسى ماجد اخوه بيروح معه ..
ليلى:هذا اللي يهمك ماجد ..
تكلمت ليلى بشكل يضحك تقلد نجود ..
نجود:ههه ترى سعود ميت عليك وأنت بعد تحبينه بس تكابرين ههه أسفه ماقلت شي ..
نجود تعتذر لأنها عارفه أن ليلى عنيده ومستحيل تعترف بحب سعود مهما صار..
ليلى:تشب زين حيوانه..
وقفلت الخط ..
نجود:ميته ضحك لأنها تحب تقهر ليلى واتحبها تعصب عشان تضحك عليها
.
.
.
سعود من قرايب ليلى بس من بعيد يحبها حييل بس ليلى تحب تقهره وتكبر عليه ..
مع انه جمييل جدا طول وكشخه ورجوله بس دلوع شوي ومغازلجي درجه اولى وكم مره تشوفه مع صديقاتها يرقم بالمجمعات
عنده اربع اخوان كلهم شباب..
راح يرافقهم بالسفر أخوه ماجد وصديق أخوه بدر وبعض الشباب اللي هم فارس ونايف وسعد وعمر اللي عنده خبره بالغابات والجزر ..
سعود:يالله يااسلم مايبي شي غلط ابي كل شي تمام عسى يبين بعين لولي (لولي) اسم ليلى بس يدلعه ..
اسلم:سنو بابا
سعود:ههه لا مافي كلام كمل شغل فديت بعض الناس جعل وجهه بعد وجهك ..
الشباب كلهم: سلام ياقاهرنا ,, هالكلمه يقولونها له لانه احلى منهم وماكل الجو عليهم باي مكان والبنات يموتون عليه اوقات يطلبون رقمه من ربعه او منه ..
سعود: هلا كيفكم ياقرودي وش أسوي مشكلتي حلو شسوي بعمري أنا..
سعد:شوي شوي لايطيح علينا السما ههه
سعود مايحب سعد واجد بس مايكرهه لان سعد عنده ثقه في نفسه وعاقل وطيب وصريح ..
سعود رد بكبر:هذا لاني احلى منك ههه.
سعد: الرجال مخابر مهيب مناظر وانا أخوك
سعود أنقهر من رده: ياشين مهايط المقهور ..
ماجد حب يغير الموضوع عشان ماتصير زعله قبل السفر ..
ماجد: الا انت خلصت الحجز والمخيم حق الكشافة والسيارات حقت الرحله ..
سعود:هذا اللي انت فالح به تسال بس ولا المساعدة يجيب الله خير ايه كل شي تمام ومشيك عليه اليوم ..
ماجد: انت عارف ابي اخلص أشغالي قبل أروح وأنت اخوي الكبير اتدلع عليك وانا أخوك الصغير ..
سعود ناظره بنص عين وسكت ..
كلم سعود المقهوي علشان يجيب القهوه للشباب وبسرعه جابها وتقهووا وبعدين استأذن سعد لان عنده كم شغله يبي يخلصها قبل السفر..
وبدر بعد ونايف وفارس بعد مناقشات بينهم حول الرحله بس عمر ماكان موجود لان أهله يبون السوق وهو بعد يبي كم كتاب وخريطة يحتاجونها بالرحلة ..
حاول معهم سعود علشان يتعشون بس ماقدر لانهم رفضوا لانهم مشغولين ..
سعود كريم حييل ورجال بكل معنى الكلمة ..
قعد سعود مع ماجد وقال ماجد: سعود حاول تحسن من تعاملك مع سعد بكره بنسافر ومانبي مشاكل من أولها ..
سعود وهو ينزل غترته ويمسح شعره:وش قلت هو اللي مقهور مني مادري ليش يمكن علشان ذيك المره.!!
ماجد: أي مره سعد مايعرف يحقد على احد انا صديقه وأكثر واحد اعرفه .!؟
سعود:اوف ولاشي ابي ارتاح قبل السفر لان هالسفره متعبه حييل ..
ماجد:وانت وش مدريك .
سعود:إحساسي..
ماجد:طيب يابو أحساس أخليك تسرح فيه وانا بروح لمي اسولف معها شوي سلام..
سعود: وهو سرحان سلام .. < < <
تدري انك غير كل الناس والله.
وتدري ان الحب مخلوق عشان .
ياحبيب الروح خذت القلب كله .
والحنان اللي بهالدنيا حنانك .
,
,
,
سعود بعد زفره طويله : ياليت ياليلى تحنين علي بحنان الدنيا ولا بس ربع حناني عليك ..
على فكره .!!
يوم قال سعود لماجد بعد ذيك المره يقصد مره كانوا حاطين الشباب سباق خيل بين سعود وسعد وفاز سعود عليه بقوه وحطوا سباق فالتطعيس وفاز عليه سعود وبالرماية وبعد أخذها سعود ..
عشان كذا صار فيه حساسية بين سعود وسعد مع ان سعد حبوب بس كانت قويه عليه هالخساره قدام الشباب وبصراحة مالومه ..

الاثنين بالسوق ..
نجود مع ليلى ..
ليلى: يالله ياجودي خلصي بسرعه أبي ارتب اجناطي قبل السفر ..
نجود:شوي بس باقي محل واخلص ياقلبي ..
ليلى:البنات ماقالوا بيجون وينهم .؟؟
نجود:أنا قلت لهم يخلصون تسوق ويجونا بالكوفي شوب ..
ليلى :زين سويتي مانبي حوسه كافي حوستك يادبه ..
نجود:ليلوه حرام عليك أنا مو دبه لأحد يسمعك ..
ليلى: ههه تطمني ماحولك احد .
البنات هاي .
ليلى ونجود مع بعض هايات ياشينات ههه
شووق ملسونه : خير خير خير احنا شيون عدال أنا أحلى منكم ..
ساره : ميته ضحك ههه صادقه هي ههه ..
ليلى :أقول ياملكة جمال السعودية تراني تعبت من الدب الالهندي هد حيلي من الدواره بالسوق تعالوا انروح للكوفي نشرب شي ..
نجود: كيف كيف يالعصلا ..
ليلى: عصلا بس ارتاح ههه .
ليلى وهي تمشي وسط البنات :بنات ترى احنا رايحين كشافه مو عرض أزياء..
شوق:خلينا نستانس شوي وكل ملابسنا مناسبه للرحلة ..
ليلى:هذا اللي هامك اللبس بس كش عليك..
شوق: كش عليك أنتي ..
ليلى: يارب ياكلك فيل بالرحله ههه
البنات ههه
ساره:أول مره اعرف ان الفيل ياكل البشر ..
نجود: من ليلوه توقعي أي شي..
شوق:وجع زين ياشينكم مير ..
ليلى: تعالي أبوسك فديت ذا الخشه أنتي القمر وهم النجوم فديتك ..
شوق تسوي نفسها زعلانه بدلع: مابي بعد ماطيحتي وجهي ..
ليلى: وينه خليني ارجع اجيبه ههه ..
ساره مع نجود ههه
شوق :معصبه حدها .ة_ة.
لما وصلوا الكوفي راحت ليلى وسحبت الكرسي وقالت لشوق تفضلي سيدتي الجميلة ..
ضحكت شوق لان شكل ليلى يضحك وهي تحاول تراضيها..
قالت ليلى لها بتوسل :سامحتيني سيدتي فديتك ؟؟
ردت شوق خلاص خلاص سامحتك,,
ليلى:واو صج اجل عشاكم على حسابي اطلبوا وآمرو ..
وراحت ليلى للقرسون عشان تقوله عن اللي تبي هي والبنات ..
بس كان فيه مجموعة شباب يراقبونها من بعيد لان ليلى رزة وجمال ورقه وصوتها عذب حييل مع أنها ماتحب حركات الشباب وترقيمهم ..
تقدم واحد وقالها: خل الحساب علي ياحلو .؟!
بس ماردت عليه وما حتى ناظرت فيه مد الفلوس على العامل ..
ردت بقوه :خير من قالك تدفع ضف وجهك وانقلع أحسن لك ..
رد برقه: من شافك عيونك الذباحه ماقدرت تشيله رجوله ..
ليلى: انقلع أحسن لك لا أفضحك هنا.!!
رد ببرود قاتل:ياليت منك الفضيح ستر لي.
وكانوا ربعه يضحكون بصوت هادي وهم بعيد ..
ليلى:ابعد عني يابن الناس وبلاش فضايح قدام العالم..
الشاب:ليش الفضايح اخذي الرقم وواعدك انطم.
ألا وصوت الكف القوي اللي من قوته عم المكان الهدوء .
رفعت رأسها ليلى وشافت الشي اللي عمرها ماتوقعت تشوفه ..
شافت عيون سعود وهي شوي وتطلع برا من شدة العصبيه والقهر ..
مسك الشاب من جيبه وقال:لو شفتك مره ثانيه تكلم بنات الناس وتحرش فيهم راح دفنك بمكانك فاهم.
قالها بصوت قوي زلزل المكان ..
ودفه بقوه على الأرض:اقلب وجهك يالحقير والله لو ماخوفي من الفضايح لاتشوف شي عمرك ماشفته..
وقام الشاب وطلع من المكان مع ربعه لأنهم ماتحركوا ولا حاولوا يساعدون خويهم لأنهم عارفين أنهم غلطانين من الأول ..
الشاب:اوريك ياسعود والله لا ردها لك دبل..
سعود:يدك وماتعطيك وإذا في خاطرك شي انطرني عند الباب ونتفاهم..
الشاب:اذا مارديتها لك ماكون ناصر.
سعود:انقلع من هنا احسن لك واذا في خاطرك شي تعال عندي بالاستراحه.
الشاب يعرف سعود بس سعود مايعرفه لأنهم تقابلوا في عرس واحد من ربع سعود وماخذ باله منه بس الشاب يعرف سعود عز المعرفة
من خوي سعود المعرس..
ليلى كانت جامده في مكانها والفلوس بيدها ,
مسكها سعود من ذراعها وقال: أنتي جايه هنا عشان تدلعين قدام الشباب ويغازلك كل شوي واحد هاه.؟؟!
ردت عليه ليلى: أنا.!!!!
رد عليها بقوه وقرب منها :إيه أنتي يابنت القبايل ..
ليلى:احترم نفسك أنا متربية كلن يشوف الناس بعين طبعه ..
سعود هو يمسك ذراعها بقوه ويجرها ويقربها منه:الحين ماراح أقول شي بس أحسابك بعدين ..
ليلى: من أنت عشان تحاسبني.؟؟!!!!
سعود:أنا في سوق ماقدر أحاسبك بس الحساب بعدين وبتشوفينه..
ليلى:مالك دخل فيني ليش ناشب بحلقي في كل مكان.؟!!!!
جرها بدون مايرد عليها: يالله يابنات قدامي ..
وراحوا البنات طياري قدامه لأنهم خافوا من شكله وهو معصب..
أما ليلى كانت تحاول تفك يدها منه وهي معصبه وتكلمه شوي شوي خايفه احد يحس فيهم من اللي بالسوق ..
اتركني لاتفشلني بالسوق مالك دخل فيني أبوي واخواني ماسوو اللي تسويه اتركني وش تبي فيني يامتوحش ..
بس ماكان يرد بشي حتى أن ليلى جرحته في يده بأظافرها وجرحت ذراعه حيل بس ماحس لأنه معصب عليها ..
لما وصلوا السيارة خلصت يدها منه وقالت: مستحيل أنسى لك هالحركه وبتشوف يا..... وسكتت وركبت السياره بسرعه ..
كانت بتقول ياكلب ياحيوان بس هي ماتقدر تقول حق رجال اكبر منها هالكلام ..
سعود:لو شفتك بالمجمع الحالك راح يكون لي تصرف ثاني معك.
ليلى:وانت وش عليك من اخوي ابوي.!!
سعود:مابي زود حكي الخبر وصلك وبس.
ناظرته بحقد وركبت بالسياره
نجود كانت طول الطريق ساكتة لأنها عارفه أن ليلى مو ناقصه هم وطول الطريق وليلى تناظر بالدريشه حقت السياره وشكلها مقهوره حيل من حركة سعود وكلامه ...
البنات كانوا ساكتين نزلوهم عند بيتهم
راحوا طبعا بيت نجود قريب من بيت ليلى شوي
نزلت نجود عند بيتها:راح أكلمك ماشي ؟؟
ليلى: ماشي.!!
نجود: سلام ولاتضايقين نفسك اوكي عمري ..
ليلى : عادي ماكو شي يستاهل ياعمري ..
نجود:تعجبني يالحلو باي
ليلى:بايات

ومشت للبيت ...

وشافت سعود وهو يمشي وراهم بالسيارة لحد البيت وحست بقهر منه ومن تصرفاته البايخه معاها ,,
في بيت ليلى الساعه 10 ونص بعد مارجعت من السوق سلمت على ابوها واستأذنت منه لانها تعبانه وتبي تنام وماقالت عن اللي صار ماتبي تضايق ابوها لانه رجال كبير ومايتحمل الزعل وليلى معروفه بعقلها وابتعادها عن المشاكل ..
ليلى وحيدة ابوها ويتيمة الأم وهذا خلاها جدا حنونة لأنها عاشت دور الأم بعد موت أمها مع انها اصغر اخوانها ..
طلعت ليلى غرفتها أخذت لها حمام سريع ونشفت شعرها وألبست بجامتها وحطت راسها هي كذا اذا صارت متضايقه تحب تنام عشان ماتفكر باللي صار وتتعب ..
نجود احرقت جوال ليلى وليلى في سابع نومه دقت نجود على تلفون بيت ليلى الصباح وردت الشغاله وقالت لها ان ليلى نايمه وقفلت الخط وهي مقفله معها من التعصيب عليها..
ودزت لها نجود مسج وقالت: نام عليك فيل زين يالخاينه طول الليل مانمت من خوفي عليك هذي اللي بتكلمني إذا وصلت البيت مااقول ألا هه على ذا الوجه لاتتصلين علي ياحماره يالعصلا ..
بعد ماصحت غسلت وجهها وسرحت شعرها وغيرت ملابسها ونزلت تحت تفطر تذكرت جوالها قالت للشغاله تطلع تجيبه ولما جابته وشافت ليلى 45 مكالمة من نجود وقرت المسج ضربت راسها وضحكت ودقت على طول بس نجود كانت نايمه ولا ردت لأنها طول الليل مانامت ..
.
.
.
أما سعود بعد ماوصل ليلى بيتها راح للاستراحه عند الشباب وكانت يده مجروحه ولما دخل سألوه الشباب
خير عسى ماشر وش اللي جارحك بيدك.؟؟
سعود ببرود وهو يناظر يده:ولا شي.
حاولوا يعرفون السبب بس مارد وماقدر يقعد ويطول معهم بالسهره ،
لأنه متضايق من نفسه حاس انه جرح ليلى جرح عميق وهو عارف أنها مستحيل تكون زي الكلام اللي هو قال عنها ..
$
$
$
اجرح مدام الجرح فيني يسليك ..
اجرح عساك أنت السبب في وفاتي ..
.
$
$
رجع للبيت وهو متضايق حده وطلع غرفته بس ماقدر ينام..
فتح جواله وحاول يدز مسج حق ليلى يعتذر بس خاف منها لأنها ماتحب هالحركات قال مالي الا نجود ولما فتح الجوال وكتب اول جمله،
خلص شحنه وهو يكتب الرساله حق نجود بعدين عصب ورماه ونام,,
ولما صحا من النوم حط الجوال على الشحن وأرسل رسالة للنجود واعتذر عن اللي صار وقال لها تعتذر حق ليلى بالنيابة عنه
بس كانت نجود بهالوقت نايمه لأنه دز المسج تقريبا الساعه 8 الصباح
................................
الساعه 11
في بيت نجود دق جوالها للمرة 30 وردت بصوت كله نوم
ألوو
المتصل لبيك فديت الصوت..
نجود:وجع ..
ليلى:ههه اسفه والله اسفه ياحبي ..
نجود: لاتكلميني طاح قلبي في بطني على بالي انتحرتي ..
ليلى: ههه انتحر ليش علشان شنو انتحر .؟؟
نجود:مدري بس انا فكرت كذا لان شكلك البارح يخوف وبرودك ..
ليلى:انت تعرفيني اذا تضايقت احب انام عشان أنسى مابي افكر..
نجود:والحين شخبارك.؟؟
ليلى:تمام بس مقهوره من الزفت سعودوه ..
نجود:ماعليك منه ..
ليلى:شلون ماعلي منه بكره اذا سافرنا بيقرفني في عيشتي ..
نجود: بصراحه معك حق يسوي كذا وانت عند اهلك شلون لو سافرتي وصرتي بالحالك ..
ليلى:انا لازم اشوف حل قبل اسافر مايصير كل شوي ناط لي هالجاهل ومحرق أعصابي ..
نجود:لاتسرعين بشي فكري عدل ..
ليلى:أكيد انا ماحب المشاكل ..
نجود:كلميه طيب وقولي له مايتدخل فيك ..
ليلى:انا اكلمه يخسي ..
نجود:ههه قالتها من قلب.!
ليلى: وش اسوي قاهرني الملعون ههه ..
نجود: اما ملعون شي ههه
ليلى:تبين شي عندي كم شغله وأريد أشيك على شناطي مابقي شي على السفر ..
نجود:سلامتك ياعمري ..
ليلى: سلام يادب ههه طوط طوط طوط قفلت الجوال ..
نجود ماتت قهر دقت اكثر من مره بس ليلى
كانت تعطيها مشغول او ماترد ..
جلست نجود تناظر بالجوال ولقت رسايل من البنات ساره وشوق وشافت رساله من رقم ماتعرفه وطبعا خلت رسايل البنات
وراحت للرقم المجهول لان هالبنت فضوليه بدرجه ماتتوقعونها قرت الرساله وعرفت انها من سعود واستغربت
شلون عرف رقمها ومن وين جابه.!!!؟
تابعوني في الجزء الثاني
بردودكم أواصل ان شاء الله