مساعدة عاجلا يابنات الرياض ولا عليكم أمر

1. ياليت تقبلوني ضيفه معكم بمنتداكم الجميل اللي اتابعه من زمان


2. طبعا ممكن ان ازود السعر للساعة لحتى 800 ريال اذا كانت تستاهل

السلام عليكم
رمضان مبارك للجميع

ياليت تقبلوني ضيفه معكم بمنتداكم الجميل اللي اتابعه من زمان

ابدخل بالموضوع على طول وهو جالسه ادور على ساعة ماركة أصلية ثنتين ابغاها هدايا وحده لاختي زواجها وحده لبنت اختي متخرجه
وصراحه حاولت الفترة الماضية ابحث فسمعت عن المرقب فذهبت مع زوجي ولقيت محل للحميضي لقيت عنده ساعات يقول ذولي اصلية ولقيت ساعة وقال البنقالي سعره 420 وقلت بعد الخصم قال 340 اخر كلام صراحة ترددت ولا شريته لانها هدايا ولاشخاص عزيزين وصعبه اخذ تقليد
وذهبت اليوم للحميضي اللي بالعليا مول واسعاره غالية لقيت ارخص ساعة 1100ريال ولقيت ساعة فندي قلتله بكم قالي بعد الخصم 4000 ريال صراحة غصيت يوم سمعت السعر طبعا اعرف انه فيه ساعات 20000 الف واكثر
طبعا بالعربي كنت ادور على ساعة من الحميضي بسعر 500 ومالقيت
يعني على قد الحال ومثل ماقلت صعبه اخذ تقليد
ولكن سمعت ان محلات الحميضي تختلف عن بعض وصراحة مااعرفها الحميضي
انا حدي زمرديه وسواتش
وطبعا ابغى من الحميضي لان اللي ابهديهم مايلبسن الا الحميضي اخاف تكون حبيسة الدرج
افكر اروح للحميضي اللي بصحاري بلازا وش الراي وهل عنده تخفيضات

طبعا ممكن ان ازود السعر للساعة لحتى 800 ريال اذا كانت تستاهل

وسوال عن محل الحميضي اللي بالمرقب وقالي عليها ضمان وهي اصليه وقالي 340 ريال وش الراي هل هي اصليه او وش السالفه طبعا خفت قلت هدايا
وسوال أخير بالنسبة للضمان هل الحميضي بيكتب اسم المحل اللي شريت منه يعني لو شريت من اللي بالمرقب بيكتب بالمرقب زي زمرديه القى ختم زمرديه ومكتوب بالختم الفرع اللي شريت منه يابنات ماأبي آخر عمري أنفضح........
الله يوفق من تدلني من البنوتات الخبيرات ويرزقها من حيث لاتحتسب