مشاكل النحافة وطرق عديدة ومختلفة للتسمين دمج مواضيع

عزيزتي انا مثلك اعاني من نفس الشكلة من فترة سمعت اكل البطاطا الني وانا بصراحة جربته مع ان طعمه ما حلو وبعد ثلاث ايام حسيت بالفرق شوي مو وايد بس بعد ما تركته حسيت اني رجعت مثل اول .
وانا الحين سمعت عن حبوب الخميرة بس للامانة انا ما جربتها بعضهم يمدحونها والبعض لا وانا عرسي بعد اسبوع تقريبا وحبوب الخميرة تعطي مفعول بعد اسبوعين تقريبا من اكلها وانا ان شاء الله قررت اني اكل البطاطا اسبوع العرس عشان يمتلوا شوي وتطلع التسريحة حلوة.
وان شاء الله تلقى اجابات اخرى من اخواتي الفراشات......والله يوفقك

مشكورة و ما قصرتي على الرد و ان شاء الله حد يرد

والله حبيبتي أنا سمعت من وحدة إن شوكلاته (سنيكرس )) تسمن الوجه وطلع خدود طبعا وتشربين عصير موز يعني تحطين موز بالخلاط مع حليب وسكر000 بس أنا ماجربت مع إني أحب السنيكرس وترى الحجم الكبير أطعم من الصغير 000
وإذا إنتي تبين وجهك يسمن أنا أبي جسمي يسمن كله 000 الشكوى لله 00

يابنات صدقوني كثرت الوصفات ماهي زينه وانا اقولكم عن خبره وماهي خبرة سنه ولا سنتين
وياعروس البحرين صدقيني لوفي امكان اني ارسل عليك خلطه عندي للجسم كله كان والله ماقصرت عليك وانا مثل اختك واختك ماتجيب شي يضرك واذاتبغين معلومات انا حاضره ورقم جوالي عندك
وثانيا
من قال ان حبوب الخميره تسمن حبوب الخميره تفتح الشهيه وبس ونصيح لاتاخذي حبوب وبعدين تندمي

أختي عروس البحرين .. أنا أستخدمت وصفة وخلال 10 دقايق بتلاحضين الفرق .. وهي أنج تاخذين .. ملعقة خميرة ( فورية ) + ماء ورد.... وتحطينها على ويهج وبتلاحضين ويهج ينتفخ وخدودج بعد ..
أستخدميها ولا بتندمين ... وشوفي النتيجة أتريا الرد ..

السلام عليكم ورحمه الله وبركاته ..
انا ضعيفه واايد وتعقدت من كثر ما ايقولون لي انتي ضعيفه ما تاكلين .. والله اتضاايق مراات من كلام النااس علشاني ضعيفه ... وبس منهم يجبرون خاطري ايقولوون حلوو جسمج جسم عارضه بس يبيلج شويه متن بسيط ..
انا طولي 170 ووزني 48.. علشاني طويله ايبين علي الضعف ... ووزني ثابت ما يبي ايزيد..
ابي حل .. لاني تعقدت والله من قلب .. ابي شي مضمون من قلب تعقدت .. وبد قريب عندنا عرس يعني مأسااه افكر واايد اشلون بيكون شكلي ..
وبس ثقلت عليكم بقصتي اسمحولي .... اختكم قطريه دلوعه

الحال من بعضه حبيبتي ماخليت شي ماسويته انا كان وزني تقريبآ 54 بس الحين 47 قريت باامنتدى عن حبوب بودي ماكس يمدحنها البنات بس مدري من عند العطار تلاقيها شكلي والله بشريها واذا لقيتي شي خبرينا عسانا نسمن قبل الاجازه ونستانس مثل الناس خ

ههه
اي والله عسانا نمتن يا رب
وبلاقيها هنيه في قطر .. لان في بعض الاشياء مو موجوده عندنا ..
واذا فيه شي في السعوديه انا رايحه الحسا والدمام والخبر الاسبوع الجااي اذا في شي قولوا لي قبل لا اروح علشان اشتريه مره وحده ..
وربي ايسلمج على الرد ..

اي والله الحال من بعضه
وذي الحبوب كيف مضمونه لاني طفشت وانا اجرب ومافي شي فاد
بليز لولالالالالالالالالا ردي علي
اخاف استخدمها على الفاضي
ننتظرك ياعسل