مشكلة الصالونات للجميع الاشتراك

خواتى انا حبيت ان اعرض عليكم موضوع لكى نستفيد جميعا واهى انا ننصح بعضنا البعض عن اسماء صالونات اساءت لنا وخربت لنا ولم تصلح شيىء وهذا من شدة قهرى على شعرى الذى دمروه وعشان تتفادى باقى العضوات اسماء الصالونات السيئة وعدم تكرار الخطأ نفسه.
انا بصراحة شعرى كثيف وجميل ولكنه جاف ويلف ولازم اسوى استشوار ومن كثر ما مليت من السشوار عندما سافرت الى ماليزيا سويت تمليس كان هذا التمليس كثير رائع ونعم شعرى حيل وقضى على الالتفاف الى فيه وصار رائع جدا حتى مايبيله تمشيط بعد بس حمام ونشف بالفوطه واطلع وانا شفتهم شنو استعملوا حقى ماركة اسمها شاسيدو الى هى ماركة المكياج المعروف انتاج اليابان ( دواء التمليس) هير ستريت وضافوا عليه وايد بلسم حق الشعر ماركة رويال عشان الشعر مايتاثر وبالفعل وايد النتيجة كانت حلوة وشعرى صبغته بعد اسبوع من تمليس وهما تم رائع وناعم.
المهم لما طلع الشعر الجديد انا محتاج املس مرة ثانية فقلت يابنت ليش بعد ماليزيا مرة ثانية فى صالونات بالكويت عندنا اكيد احسن من هناك
رحت وشفت دعايات حق صالون بالجابرية لو تشوف ديكوراته والبناية الى فيه فخمة جدا وامن وفخامة واسعاره جدا غالية حطيت فى بالى انه اكيد على كل هذا الفخامة والدعايات راح يكون هذا الصالون رائع
ورحت عشان املس فقط الجذور الى طلعت وكلفنى عقب الخصم 50د.ك فقط الجذور وسويت عندهم ومن اول يوم طاح كل شعرى والجدلة طبعا مافى سلامتكم راحت فيها صلعة من جدام صرت ورديت حقهم مافى فايده فيهم حاولت معاهم على الاقل ارد فلوسى عشان اعالج شعرى واسلوب صاحبة الصالون كان جدا حقير وياى اخذت تقولى شعرك ما تحمل واصلا ماحد يشتكى من تمليسنا واحنا راح ناخذ وكالات ثانية واحنا معروفين ومن هل الحجى وماسوتلى شى ابدا وشكلها جدا شرية وبصراحة انا حامل وتعبانه ومالى خلق مشاكل وهذولى دمرو شعرى تدمير
وهذه قصتى والحين مو خلية كريم ولا زيت الى حطيته وطلع شوى شعر من جدام بس شكلى جنه ولد قاص شعره ويضحك عقب ماكان شعرى كثيف جدا وايد اتندمت وبصراحة ياخواتى حبيت افيدك وانصحكم عشان ماتمرون بالمشكلة نفسى وتتاذون عموما اسم الصالون ( السوليدير ) فى منطقة الجابرية مقابل المرور
ياريت يابنات نشارك بعض نفس المواضيع الى مرت بتجربة سيئة جذى تنصح الباجين عشان مانطيح كلنا بنفس الفخ الحقير الى يسونه بعض صاحبات الصالونات لأنه فقط يفكرون بالمادة
للاسف يبون يقصون على الناس بحجة سخيفة ارجوكم المشاركة لأنى تعقدت وسمعت اكثر من سالفة بكل صراحة من حماية المستهلك الخاصة بشكاوى الزبائن الصالونات وغيرها
لما كلمت مسئول حماية المستهلك قالى يااختى مافى داعى خلاص تبهدلين نفسج اكثر وانت حامل وتروحين النيابة لأنه الموضوع يتحول محكمة وياخذ وقت وقالى سوالف عن بنات احترقت وجهوهم وشعرهم ..الخ
وياريت الكل يشارك وله فيكم بعد شافت صالون شغلهم رائع وحلو تنصح الثانين .