مشكلة الفستان الأبيض أللي تعبتني

هلا أختي ,,,
إذا فستانك تقولين سكري ,,, ممكن تسوين مكياج درجات الخوخي والمشمشي وتدخلين فيه شويه بني ولمسات من الذهبي والروج برضه يكون خوخي والبلاشر بعد مع الإضاءات والجليتر صدقيني بيطلع مره حلو ونااعم وراقي بالنسبه للعروس ,, , اما بالنسبه لمكياج أسود مع وردي أبدا مايناسب مع لون فستانك ,

يروح مع سكري البرونز والاسود بعد يروح ولون لبرتقالي الوان الغروب يعني ويناسبه بعد الذهبي يعني تقدرين تختارين الوان واجد وانتي لا رحتي عند لكوافيره استشيريها بعد

يسلموا عزيزاتي على النصائح المبدعة

قهوه تركيه
عجبني ذوق قهوة تركية فعلا الخوخي راح يطلع روعة عالسكري خصوصا الروج و البلاشر
اما الشادو خلي سكري على الجفن كامل و على الخط الفاصل بين الجفن الثابت و الجفن المتحرك دخلي بني عشان يعطي شكل حلو للجفن و تحددين فيه العين عند منبت الرموش و الجفن السفلي و حطي بيج على الجفن المتحرك
و في فكرة ثانية انا سويتها قبل ان الشادو يكون دمج بين الاصفر و الوردي و انشالله احط لج الصورة

هاذي اللووك الثاني الي قصدته حبوبة الوردي و الاسود موجود لانج تحبينه و الاصفر يكون باهت عشان يناسب لون الفستان مايكون فاقع
و هاذي لوك ثاني فيه اسود و وردي و بنفس الوقت يناسب الفستان السكري