مشكلة زواجي متى ينتهي حزني

انا عمري 24 سنة ..
تزوجت وانا عمري 17 سنة من رجال ععره 27 معقد نفسيا ودايم يسافر لبنان وسوريا وعانيت معاه بشكل غير طبيعي بدون تفاصيل..
الله رزقني بنت منه عمرها الان 6 سنوات زواجنا دام فقط سنة ونص.. رغم اني عشت معاه في بيت واحد اقلل من سبع شهور.. وبعد سنة ونص تطلقت..
المهم كملت دراستي ..
قبل تسع شهور تزوجت من رجل اخر اكبر مني بسنة وحدة ..
انا كنت مقتنعة فيه لانه تقدم لي بعد ما شافني وكانت بينا تقريبا قصة حب ..
واهلله كانو معارضين يقولون اني مطلقة وعندي بنت والخ بس هو اقنعهم وهذا اللي كبره في عيني زيادة
ومتافهمين على كل شيئ..بس من كثر حبي له مافكرت زي الناس في اوضاعه المالية ولا شيء..
لما تزوجني كان طالب وقاللي انه بيتخرج بعد ترم.. وتخصصه مطلوب.. يعني تقريبا ضامن الوظيفة وكان يشتغل في شركة وراتبه ثلاث الاف.. المهم اني انا اسكن في منطقة غير عن الي اهلي فيها وغير اللي هو يدرس فيها بحكم دراستي..
لما تزوجت كنت ساحبة ترم .. اجر لي شقة وسكنت معاه .. وكانت ايام جميلة جدا...
لاني بطبعي انسانة قنوعه جدا .. صح ما سافرت شهر عسل.. وصح ما جابللي ذهب معقول كل اللي جابه طقم ودبله وبس..
ومهري كان 30 الف ... ما شفت منها الا خمسة الاف.. بس هاذي عاداتنا عادي..
المهم صبرت وسكتت وقلت الحمد لله مو مهم المهم السعادة والتفاهم..
كنت متفقة معاه اني ما احمل الا بعد الدراسة او على الاقل لما هو يتخرج..
لكن بعد فترة بدا يقوللي ابغى اطفال ابغى اطفال وانا بصراحة ما عاندت.. على فكرة هو ما عمره تزوج.. وكان يقوللي يعني انتي عندك بنت وانا ما عندي اطفال الى اخره..فما عاندته كثير
المهم قبل شهرين انفصل من عمله بإرادته هو..
يقول انه ما يقدر يوفق بين العمل والدراسة..
بدات الدراسة ورجعت انا للمنطقة اللي ادرس فيها وهو جلس في المدينة اللي يدرس فيها مع اهلله
وبنتي ولله الحمد مع امي...
انا مشكلتي.. اني اشعر بأشياء...
1< الفراغ العاطفي لانه .ما يتصل الا في الاسبوع مرة او مرتين والسبب ما عنده فلوس يشحن ولو كلمني ما يطول
2<الحالة المادية عدم يعني انا اصرف على نفسي بفلوس المكافأة حقت الجامعة
3<ثالثا ما عنده سيارة يعني رغم ان المسافة بين المدنتين 220 كيلو متر يعني مرة قريبة الا اني يا انزل مع احد او انه هو يطلع طبعا كل اسبوع بس مو دائما...
4> مشاكل الحمل وانتو تعرفون الوحدة منا كيف تحتاج زوجها جنبها في هالفترة.. بس ابكي هالايام واحس ان عمري ضايع وكاني مني متزوجة
هذي مشكلتي حاولت اختصرها.. واللي عنده اي استفساار مافهمني يعني يسأل ..
واتمنى الاقي الحل عند اي وحدة من منتدى الفراشة
وحسبي الله ونعم الوكيل
وشكرا مقدما