مشكلتي مااعرف اطببخ اله يسعدكم ادخلو

السلام عليكم
حبيبتي جربي مرة واثنين لين يضبط معك .... ترى الطبخ سهل وانصحك بكتاب اطباق النخبة روعة ومقاديرة مضبوطة

حبيبتي جهزي لك شغلات خليها دائما جاهزه عندك بالمطبخ
بالفرامه افرمي
3 او 4 بصلات
من 4-6 فصوص ثوم
شوية بقدونس
شوية كزبره
حبة فلفل رومي بارد
شبت << بس لاتكثرين مره
افرميهم بالفرامه وحطيهم في علبه بالتلاجه على طول كشني فيها
وكثري منها
مثلا 4 ملاعق مع شوية زيت
البهارات جهزي عندك او اطلبيها من العطار
بهارات بحرينيه
بهارات القصيم
بهارات طايفي
بهارات جيزان
بهارات دواسر
ونصيحتي خذيها من عطار معروف
اولا تجي طازه
ثانيا يحطون لك كميه كبيره
في بنات بالمنتدى الله يهديهم تبيع لك كميه صغيره بدبل سعر العطار
والطعم نفسه
كل هالبهارات روعه وتعطي طعم للطبخات
كل طبخه استعملي لها نوع من البهارات
عشان ما يصير طبخك كله نفس المذاق
-------
اللحمه المفرومه لما تجي تبغي تسويها اول شي لازم
بالطاوه تحطي اللحمه المفرومه وخليها ع النار
لما تنزل مويتها وتنشف منها
بعدين حطي من خلطة المفروم الي عملتيها مسبقا وكثري منها
و3 ملاعق كبيره من اي نوع من البهارات
--------------
و الطبخه كلها تعتمد على التكشينه
لو ضبطت معك ضبط الاكل
بعطيك طبخه ع الطاير توني مسويتها للعشا
اكلنا لين دخنا منها << ههه
وعيالي يقولون كل يوم سوي هالطبق ونلت شهادة شكر الحمد لله
صينية بطاطس بالفرن
انا عملتها بطريقه ثانيه بس راح
اعلمك هالطريقه السهله عشان تجربيها
قطعي البطاطس واقليها
وصفيها في الصينيه
ولو تبين معها لحمه مفرومه تقدري
تتبلي لحمه مفرومه مع حبة او حبتين بصله و4 فصوص ثوم وبقدونس وفلفل اخضرمفرومه ناعمه وبقي منه شوي بقدر صغير حق تكشينة الصلصه والباقي تخلطيهم مع اللحمه
مع ملعقة بهارات بدون ملح
وتحطين خليط اللحمه على البطاطس توزعيه بالملعقه
بالقدر الصغير حق التكشينه ولعي على البصله وحمريها لين تذبل
وحطي صلصة جاهزه الافضل صلصة السعوديه طعمها حلو
وواحد ماجي حركي لين تتسبك وضيفي شوية مويه الكميه الي تغطي معك البطاطس واللحمه في الصينيه بس مو بالمره تخليها سايله مويه تصير معك الصلصه شوي ثقيله عشان تنشف بعدين
ذوقي ملح الصلصه
بعدين صبيه ع البطاطس واللحمه
وغطيها بقصدير
دخليها الفرن وتابعيها
شيلي من عليها القصدير وخليها شوي تتبخر الصلصه
وحمريها من فوق
وبالهناء والعافيه
ويالله شدي حيلك
مره تصيب ومره تخيب لين تضبط معك الطبخات
اختاري الاسهل لك ثم الاصعب لين تصيرين الشيف
بالتوفيق

يعطيكم العافييه

عطيتك اغلى ما عندي
ياعسى ربي يخلييك لعياللك ويسعدك وان شاء الله اخوتي بحاول واجرب وان شاء الله تضبط
واصير الشيف

خليك مرابطه بقسم الطبخ هنا
والله تيسري طباخه
واحتمال تنافسين الطباخات وتنزلي صور طبخك
بس أهم شي العزيمه
وسوي نفس طبخ الفراشات
والله يوفقك

عافكره انا كنت مره اكلي يفشل
والحين لي سنه من بديت اطبخ
والله العظيم اكلي صار جنان "ماشاء الله"
تدرين ليه
لاني اطبخ واطبخ واطبخ وافشل وافشل ومره يضبط ومره لا
بس مع كثرت الاستمرار صرت فنانه

اهلين حبيتي والله انا زيك مع اني ليه 4 سنوات متزوجه بس كنت ساكنه فوق اهل زوجي وماكنت اطبخ كثير ونفسي اصير طباخه خاصة ان سلايفي كلهم فنانات بالطبخ الا انا ولمن نقلت اخاف احد يجيني واتفشل بس الحمدلله ذحين احس اني تحسنت ولله الحمد بس ماصرت فنانه بس ان شاء الله نصير اكببر طبااخاات والله انقهر لمن اشوف اللي بعمري واصغر شاطرات وانا لا بس الذبيحه مااتوقع اني اسويها
ويارب اختي "وانا علتي من بعد محبوبي"تصير فنانه بالطبخ

عادي فديتك كلنا كذا بالبدايه وشو فاشلات الا نفشل محد ولدت طباخه
لكن حاولي عندك كتب الطبخ وهنا الاخوات مايقصرون والله سوي مرة
ومرتين الاولى بتفشل الثانيه احسن من اللي قبل وهكذا لين تصيرين توب بالطبخ
بس اهم شي خلي بهاراتك حلوة هذا اللي يميز الطبخ ولاتنسين المنكهات مثلا الارز يحتاج لبهارات وكشنه ممتازه
زي ماقالت الاخت اللي فووق خلي كشنتك لاسبوع بالثلاجه وطبعا مويه الكادي للكبسه اللحم توب لايعلى عليها مع كشنه الوجه الجزر والبصل والفلفل الرومي المحموس مع شوي زبيب وصنوبر تخلي كبستك مرة خياليه
واي شي تبينه انا وخواتك بالخدمه

وانا مثلك مو مره بطبخ بس مع الايام بصير فنانه