معمول بالتمر تسلم يديا

لذة السكر

31-10-2022 - 01:44 am

السلام عليكم فراشات
مساء الخير ع الجميع
شخباركم
عساكم من عواده مقدما ماباقي شي ع العيد
حبيت انقل لكم من مطبخي طريقة معمول كانت تتميز بتصليحه اختي الكبيره فوفو ربي يحفظها ويدوخني لمااكله موره طعمه نايس
عاد بما اني في اراضي الغربه صار لي كم يوم مشتهيته وطلبت من اختي تعطيني المقادير وسويته
والحمدلله ضبط معاي من اول مره
نبداء المقادير؛
2 كأس طحين
1ملعقه صغيره باكنج باودر
ذرة ملح
نص كأس سكر
ثلاث او اربع ملاعق حليب بودره
زبده لينه (طلعيها من وقت اشوي بس ماتكون سايحه هناا طققو لانه لازم يكون زي البسكوت مو يتعجن)
2ملعقه نشأ((انا ماعندي نشأ ماحطيت بس تحكمت بالعجينه كيف تكون ملمسها))
الطريقه؛
اخلطي بخلاط الزبده مع السكر الين يذوب وبعدين اضيفي الباكنج باودب والطحين وحليب الباوديه والملح والنشاء
ويخلط لين تحسينه لينه وتتفتت بنفس الوقت كأنها بسكوت وريحتها موره نايس
واذا حبيتي التمر تسيحين مع زبده اشوي ع النار بس عشان الطعم وتضيف قليل من نكهة القرفه انتي مخيره
انا ماحبيت احط قرفه اكتفيت بالتمر
وانتبهي التمر تشيلين النواة طبعا
اعتذر انا ماصورته قبل ادخله الفرن نسيت
بس صورته بالفرن لان لازم كل اشوي اشيك عليه
هنا بداء ينتفش وانا مخليه الفرن مو عالي يعني ع راحته وسط او اقل اشوي
وهنا تحمر وخذا الشقار اللي ابغاه لان ابغاه زي البسكوت لذيذ ويذوب بالفم
هنا بديت اصفه بصينيه التقديم بعد ما برد اشوي
وهوون ذقت حبه دوخني الطعم يم
ياعله بالعافيه علي وعليكم
كل وحده تأخذ حبه وهاذي قهوتنا
قبل زحمة العيد

التعليقات (8)

♥ج ـبرني غلآڪ ♥

31-10-2022 - 04:50 am

واو
روعه سكره تسلم يدينك
اكيد بجربه

~ دمعة غرور ~

31-10-2022 - 05:51 am

يمي يمي
والله اشتهيته لذه
بالعاافيه على قلووبكم

شوشو لايف

31-10-2022 - 06:52 am

ماشاء الله
عوافي
,,,
دعواتكم لي بالذرية الصالحه
سبحان الله وبحمده
سبحان الله العظيم

**sweety**

31-10-2022 - 07:53 am

كأنك حآسة فيني
خ
دوبي جالسة اقوول يالله بدور لي على طريقة معموول حلوة
ولقيتك ياحلوة ههه
بالعافية ياقلبي وربي يعافييك على هالطريقة
بس كنت ابي اسئالك عن بهارات المعموول ليش ماحطيتي شيء منها

حب القلوب

31-10-2022 - 09:55 am

تسلمي شكلها لذيذة بس ما قلتي الزبدة قد إيش ؟؟؟؟؟
وليش ما حطيتي إبزار المعمول ولا حتى هيل ولا شي ؟؟؟

لذة السكر

31-10-2022 - 10:56 am

**sweety**
انا قالت اختي اصبعين زبده بس انا حجم زبدتي موش الصغير اكبر من الوسط حطيت اكثر من نصها
عجنتها بيدي اشوي لين حسيت العجين طري ويتفتت بنفس الوقت كأنه بسكوت حتى ريحته
نورتي ياقمر

أم فـئ

31-10-2022 - 11:57 am

تسلم الايادي يارب

$$صمت$$

31-10-2022 - 12:58 pm

ماشاءالله تبارك الله
جنان وربي

فراولة وموز واناناس وشوكولاتة اتمنى يعجبكم←
كيكه لغز صور من مطبخي→