مقادير حلاي الخنفوشاري

بسم الله الرحمن الرحيم
االسلام عليكم ورحمة الله وبركاته
اهلين يا غاليات وحشتوني موت
نظرا لكثرة الطلب على مقادير الحلى الخنفوشاري حبيت انزله في موضوع علشان الكل يستفيد
وهذا الرابط لموضوعي السابق
http://alfrasha.maktoob.com/alfrasha30/thread1560556/
مقادير الخنفوشاريه
اول شي توفرين عندك علب الحلى اللي قاعدتها ذهبيه الموجوده في الصووره
وانا اخذتها من محل كماليات او ابو ريالين مثل محلات على كيفك وعلى ذوقك واخر فرصه ونجم العروبه
واتوقع في رامز بعد تقريبا سعرها 50 حبه 12 ريال وتختلف من محل لغيره
تسوين الحلى في الغطاء مو في القاعده
الطبقة الاولى
بسكويت اوريو مغموس بحليب اي حليب لو ما عندك حليب سعوديه حطي ملعقتين نيدو مع نص كاس ماء
وتحطينه في الغطاء
الطبقه الثانيه
تخلطين 2 حليب محموس حتى يصير لونه ذهبي
2 ظرف كريم كراميل
2 قشطه
وتخلطينهم سوى
تحطين تقريبا ملعقه مليانه فوق قطعة بسكويت الاوريو وتحاولين ترصينها عدل لان الخليط شوي ثقيل
الطبقه الثالثه
بالخلاط 1حليب نستله
6 حبات جبن كيري
وبعدها حطيها فوق الطبقه الثانيه وشخبطي شخابيط بالهيرشي
علشان يكون الموضوع سهل حطي الهيرشي بكيس شفاف وجمعيه بطرف الكيس وفصيه بيصغر ثقب الكيس وبتشخبطين احلى شخبوطه
انا حطيت في القاعده علبة اوريو ثانيه مغموسه بالحليب لكن الطريقه ماكان فيها يعني مسويه فاهمه واجتهاد ههه
بعها حطي القاعده وغطي العلبه واربطيها بالفيونكات واربطي وياها ملاعق بلاستيك شفافه
وتفنني بالفيونكات والوانها على حسب المناسبه او ديكور غرفتك او اواني تقديمك وكل ما كان شريط الفيونكات اعرض كل ما كانت احلى سويتها مره بشرايط اعرض وكان لونها تفاحي على ذهبي طلعت مره خطيره
وعليكم بالعافيه واي شي تامرون فيه من عيوني غالين والطلب رخيص
رجيتك لا تنسوي من خالص دعواتي لي بالستر والغنى دنيا واخرى
والجنه لوالديني وصلاح عيالي وتسخير زوجي وترسيمي ونقلي على خير وبكل سهوله عاجلا غير اجل
والله لا يحرمكم دعواتكم يارب