مكرونة بالتونة لذيذة جدا جدا من ايديني وبالخطوات المصورة

قبل ساعة ونص كنت حيرانه مدري وش اسوي عشاء
حامل وثقل وتعب وحر الله يعين ويرحمنا برحمته بس
قلت وش اسوي وش اسوي
اشتهيت مكرونه بس قلت صعبة اطلع دجاجه انتظرها تذووب--->اخلصي علينا
سويت بحث
ولقيت وصفة مكرونة
ركض على المطبخ وسويتها ماشاء الله مااستغرقت الا نص ساعه
وطعم ماشاء الله روعه انا اخر شي بشرت عليها جبن كرفت
وزدت بعد كراث شوي
وهذي صورة صحني
هذا اقتباس الوصفة اللي حصلتها
السلام عليكم ورحمة الله وبركاته
كيف حالكم ؟؟ إن شاء الله بخير
سويت مكرونة شيء طعمها روعه ومرره سهله ماتاخذ وقت
اللي مايحبون التونه يستبدلونها بدجاج مسلوق ومنتوف
تقدري تستبدلي المكرونه بالرز
المقادير:
مكرونه بيتوني او اي نوع تفضليه
بصله مقطعه
2 فص ثوم
1 فلفل رومي ( بارد ) مقطع مكعبات
2 فلفل حار مقطع صغير ( حسب الرغبه ) للي يحب الحار
1 طماطم مقطع مكعبات
زيتون أسود شرائح
1 مكعب ماجي
ملعقة بهارات - نصف ملعقه فلفل اسود ( ممكن تقللي إذا ماتحبي الحار )
علبة تونة
ملعقة صلصة طماطم
زيت للحمس
طريقة العمل:
اسلقي المكرونة واضيفي لها ملح وزيت في ماء السلق
احمسي البصل والثوم بقليل من الزيت
ثم ضيفي الفلفل الرومي والطماطم وقلبيه
ثم ضيفي الزيتون
ثم البهارات والماجي والفلفل الاسود واستمري في التقليب
ثم ضيفي التونه وملعقة صلصة الطماطم وقلبيها
وهذي بعد ماتنتهي
وهذي المكرونه بعد ما انسلقت وصفيناها من الماء
نضيف التونة على المكرونه ونقلبها مع بعض وبكذا نكون انتهينا
اذا عجبكم الموضوع مابي الادعوة محتاجتها ان ربي يسهل اموري وولادتي ويقر عيني فطفلي سليم معافا يارب