حياكم الله على عشاي بمساعده بنوتتي الصغيره

اتصل زوجي بعد المغرب قال والله نفسي في كبسه قلتكبسه هالحزه قال عاد تصرفي
وقمت شمرت وبسم الله وقلت اوريكم طريقتي بالمره واتمنى تعجبكم
تكشني بصل وطماط وانا عندي طريقه مختصره حطي البصل بنص القدر ونصه الطماط ولا حمر البصل يكون ذبل الطماط اخلطيهم سوى
حطي الدجاجه
وبهاراتك وانا حطيت ؛
خولنجان مصلح وقرفه وقرنفل وهيل مصلح
بهار مشكل مطحون
ليمون ناشف
ورق الغار
مكعبين ماجي
ملح حسب الرغبه
وتقلبينه مع الخلطه لين تتسبك وتكوني مسخنه ماي حار وتحطينه عليه وتخلين الدجاجه تستوي
وبعد ما تستوي الدجاجه طلعيها وارمي رزك
وحطي الدجاجه في الفرن وعليها زيت لين تحمر
وهناء وعافيه على قلوبكم وهذي سفرتي اتمنى تروق لكم
العشاء بمساعجه بنوتتي الصغيره الله يحميها جالسه اعلمها الطبخ بما انها اجزت
دعواتكم لها ولولدي لانه مازال يختبر
اختكم غصات الحنين