ملف جميع نوادي الرياض لبنات الرياض الي يحبون الرياضه وبس

1. 6-نادي الامير سلمان

منقول السلام عليكم
هلا وغلا اقلطو وسمو بالله ....
الموهم يا بنات الرياض الحلوين انا لي فتره ابحث عن نوادي
وطلعت لكم بتقريبا ((22))نادي
حلو ..اكمل لا احد يقاطع >>صدقت البنت!!
طبعا الي يشوفني ابحث يقول هاذي بتسوي اختراع خ على هالبحوث ...بس يله طلعت لكم بشي وشويات ...طبعا فيه نوادي قد سمعت فيها وماشفتها وفيه نوادي شايفتها ..وفيه نوادي اول مره اسمع بها خ
ببدالكم كل النوادي الي لقيتهم وانتم عليكم عاد تقولون لنا اذا فيه زياده..
وتقولون بعد المميزات والسلبيات
يله بسم الله لا يفوتكم بس الترقيم والتسطير اولى ابتدائي ههه...
1-نادي مستوصف الحرمين. شرق الرياض.. رياضه واجهزه وبدون مسبح ..طبعا ماشفته ..
2-نادي مستوصف شدا او شذا ..
((مدري وش سالفة هالنقطه )) المهم هو شرق بعد النادي يعتبر صغير والمدربات سوريات ..بدون مسبح.
3-نادي مستوصف حي السلام .برضو شرق الرياض صاله وحده وماعليها موصغيره ولا كبيره وسط وفيه اجهزه والمدربه هنديه ..وبدون مسبح.
4-نادي مركز الافاق.
((تبع نيوهورايزن)) المدربات يجننون بس عيبه كان الزحمه الاشتراك 450والفحص ب150
وطبعا بدون مسبح..كان قبل مقابل مركز الامير سلمان الحين نقلو الظاهر للعليا ..بس نضيف ومرتب والمدربات اجانب ومشكلين

6-نادي الامير سلمان

طبعا غني عن التعريف طبعا الي يميزه عن نوادي الرياض فيه مضمارلانه بالاصل نادي اما باقي النوادي هي بالاصل مستشفيات ومستوصفات ..ويعتبر رخيص مقارنه بالنوادي الثانيه وعيبه الزحمه
7-نادي مركز رثويه .النادي ماعليه صغير ومتواضع ..خ...يوجد مسبح ولاكن يجيب الغلقه خ لانه صغير ومكتوم وفيه درج ..وللمعلوميه اصلا هو للعلاج الطبيعي ..وفيه صاله ماعليها بس صغيره ..والمدربه كانت على خبري شرق اسيويه بس مدري من وين بالضبط ..وهو تقريبا شمال الرياض..تراني ما اعرف اوصف زين خ
8-نادي مركز التخصصي الطبي .نادي جدا راقي وماعليه حلو ..واناس الي فيه من الطبقات الي فوق شوي..هاذا على خبري قبل كم سنه الحين مدري عنه وهو بالدور الاخير اتوقع الدور التاسع .. وفيه مسبح ..انا بالنسبه لي مره حلوو بس بعيد عني مره.
9-نادي مستوصف راسان .نادي مره صغير بس حلوو ومايجيب الكأبه وفيه مسبح ومدربته عسل ووحده نفسها شينه ..وفيه تدريب سباحه اطفال اولاد وبنات يعني الي تبي تسبح مع بزارينها حلوو مره ونظيف واهم شي موب زحمه اما الرياضه ماعليها بس عيبها الصاله او الموزع مره صغير يعني اذا فيه ثلاث ماتقدرين تمشين معه الاشتراك 600رياضه و600سباحه.
10-نادي لاينر. او نادي بدي لاينر وهو موجود بسوق بشرى النسائي شرق الرياض
بالنسبه لي ما اعجبني مع انه نضيف ومرتب ..بس عيبه القزاز شفاف والي بسوق يشوفونك ..وانواع التميلح ..وفيه تدليك صيني وتنضيف بشره.وماعليه حليو..وعيبه الثاني لازم كل مره تدخلين النادي تمشين مع السوق وطبعا فيه تفتيش في السوق وممنوع جوالات الكميرا يعني بياخذونه منك عند الباب
باقي النوادي ما شفتها بس بذكرها بالاسامي وانتم شدو حيلكم عاد
11-نادي مستشفى المشاري.
12-نادي مستشفى الحمادي.
13-نادي مركز اوباجي.
14-نادي النخبه.
15-نادي الملتقى .
16-نادي رياض الهجن.
17-نادي ريم الحجاز.
18-نادي عيادة بسمة الؤلؤ.
19-نادي مركز مناير الطبي.
20-نادي نيو لوك.
21-نادي يبرين.
22-نادي لومنيغ سنتر.
وبس الحين عاد الدور عليكم كملو انتم وعطونا معلومات باقيه
الموضوع منقل للامانه والله يجزا صاحبته الجنه يارب
وان شاء الله تستفيدون مثل ماانا استفدت