رونـــق
01-11-2022 - 07:43 am
صباح الخير يااحلى فراشات ..
انا اول مره انزل موضوع في هالقسم .. بس بعد ماشفت ابداعاتكم
تحمست وقلت مالي الا انتم بعد الله
ابيكم تساعدوني انا مليت من غرفة نومي
بس زوجي مايبي يغيرها يقول انها عاجبته بالحيل
والله من كثر ماكرهتها ماغيرت فيها شي .. من سنتين زي ماهي .. يادووب اغير اللحاف
واكثر شي اكرهه فيها انها كبيره يعني السرير حق عشره مو حق اثنين والدولاب يكفي ملابسي وملابس الجيران بعد احسها زحمه
حتى نفسيا ماصرت ارتاح فيها
وهذي صوره لغرفة نومي << مو اختياري
وهذي من جهه ثانيه
لاتدققوا ع الشنطه والكوايه << ترى شلتها من زمان
والتلفزيون بعد مو راضي اني اطلعه من الغرفه
شفتوا كيف احسها زحمه .. انا بي شي رايق شي هادي شي
ترتاح النفس فيه زي هذي الغرفه وابي بعد نفس الالوان
المهم << شكلي طولت السالفه ههه
اخيرا اقتنع زوجي انو انغير الغرفه << طبعا بعد عشرين الف محاولاة اقناع
واللي ابيه منكم انكم تساعدوني وتدلوني ع المحلات اللي الاقي فيها زي غرف النوم اللي ابيها واحلم فيها
وابي اعرف وين محلات الاكسسور حق غرف النوم .. لاني مااعرف كل المحلات اللي بالرياض لاني مو من سكان الرياض
فياليت ياحبايبي تساعدوني
وباذن الله اول مااخلص غرفتي رح انزل صورها واشوف رايكم فيها
ادري طولتها وهي قصيره بس كنت ابي اوصلكم معاناتي