مندي الدجاج في قدر الضغط

مندي دجاج
سهل تحضيره مرة
مندي..
المقادير ...
قدر ضغط
دجاجه <<< حسب العدد ..
بهارات مشكله ..
كركم ..
ملح..
بصل مقطع دوائر ...
رز << حسب العدد...
الطريقه ...
اولا.. تبلي الدجاجه بالبهارات والملح والكركم خليه يغطيها بالكامل ومن جوا لا تنسين تبليها ...
ثانيا.. رصي البصل في اخر القدر .
وبعدين حطي الدجاجه فوق البصل
وصكي الضغط عليهم ..بدون مويه
وخليه على نار واطيه مرره مو عاليه وسيبيه تقريبا نص ساعه ...
تسلقين الرز نص سلقه مع شوية زيت وملح شوي بس لان الدجاج فيه وبينزل على المويه ال بتطلع ... وتشغلين لك كم قطعة فحم ...
واول ما تخلص النص ساعه تنسمين الضغط وتفتحينه وراح تلقين الدجاج طلع مويه تحت تقريبا ربع الضغط او اقل
تقومين تحطين لك فنجال زيت وتحطينه بوسط الضغط وتحطين عليه قطعه ولا ثنتين فحم وصكي عليه زين شوي وبعدين افتحي وطلعي الفنجال وخليه على جنب .. وابدأي انقلي من الرز على الدجاج للحد الي تحسين ان المويه تناسبه وطبعا النار تكون واطيه مره ... والباقي زيدي عليه ملح شوي وخليه يستوي اكثرمن الي قبله ... وبعدين ارجعي وحطيه على الرز الاول بالضغط ورجعي الفنجال وبسرعه حطي قطعة فحم وقفلي الضغط زين وخلي الرز على النار لمدة ساعه وناره مره مره واطيه
مو كثير لا كذا يطلع لك الرز مره لذيذ ... واول ما يخلص نسمي الضغط وافتحي وشمي الريحه وطلعي الفنجال وصبي زيته الي جوا على الرز من فوق مو الفحم لا الزيت بس وخذي صحن التقديم واقلبي الرز عليها وشوفي الشكل والالوان تحت ابيض ناصع بالوسط نص ونص فوق اصفر ..
والطعم روعة واليكم النتيجة